ஆர்.கே. நகரில் பரபரப்பு: திமுக எம்.எல்.ஏ. அலுவலகத்தில் அதிமுக-வின் 'கிஃப்ட்' பாக்ஸ்கள் - வைரல் புகைப்படம்! சென்னை | பிப்ரவரி 21: சென்னை ஆர்.கே. நகர் தொகுதி திமுக எம்.எல்.ஏ ஜே.ஜே. எபினேசரின் அலுவலகத்தில், அதிமுக-வின் லோகோ பொறிக்கப்பட்ட நலத்திட்ட பெட்டகங்கள் வைக்கப்பட்டிருக்கும் புகைப்பட காட்சிகள் வெளியாகி அரசியல் வட்டாரத்தில் பெரும் பரபரப்பை ஏற்படுத்தியுள்ளது. முன்னாள் முதல்வர் ஜெயலலிதாவின் 78-வது பிறந்தநாளை முன்னிட்டும், அதிமுக பொதுச்செயலாளர் எடப்பாடி பழனிசாமியின் தேர்தல் பிரச்சாரத்தை முன்னெடுத்தும், அதிமுக மாவட்டச் செயலாளர் ஆர்.எஸ். ராஜேஷ் ஏற்பாட்டில் பொதுமக்களுக்கு தொடர்ந்து நலத்திட்ட பெட்டகங்கள் வழங்கப்பட்டு வருகிறது. இந்நிலையில், இந்தப் பெட்டகங்கள் திமுக எம்.எல்.ஏ-வின் அலுவலகத்தில் அடுக்கி வைக்கப்பட்டிருப்பது போன்ற காட்சிகள் இன்று சமூக வலைதளங்களில் வைரலாகின. தேர்தல் நெருங்கும் வேளையில், எதிர்க்கட்சியின் பொருட்கள் ஆளுங்கட்சி எம்.எல்.ஏ-வின் கட்டுப்பாட்டில் இருப்பது ஏன்? என்ற கேள்வி எழுந்துள்ளது. இது கட்சித் தாவலுக்கான அறிகுறியா அல்லது நிர்வாக ரீதியான குளறுபடியா என இரு தரப்புத் தொண்டர்களிடையே கடும் விவாதங்கள் நடைபெற்று வருகின்றன. இந்தச் சம்பவம் ஆர்.கே. நகர் பகுதியில் பரபரப்பான சூழலை உருவாக்கியுள்ளது. @BABU AIADMK @அதிமுக தொண்டன் @பாலேகுளி கோபி அதிமுக @அதிமுக தேனி @கடலூர் தெற்கு மாவட்டம் அதிமுக #✍️தமிழ் மன்றம் #📺அரசியல் 360🔴 #✌️அ.தி.மு.க #💪தி.மு.க #🔷காங்கிரஸ்