രുദ്രദൃഷ്ടി ഭാഗം 25 ഇന്ദ്രജിത്തിന്റെയും രുദ്രാവതിയുടെയും ധനുഷിന്റെയും ജീവിതം കാശിയുടെ പുണ്യഭൂമിയിൽ ഒരു മഹാസംഗമത്തിലേക്ക് നീങ്ങുകയാണ്… ഛായാപുരുഷന്റെ അന്ത്യത്തോടെ കാശിയിൽ ശാന്തി കൈവന്നെങ്കിലും, ആകാശം ഒരു വിചിത്രമായ ചെമ്പുനിറം കൈവരിച്ചു. പ്രപഞ്ചത്തിന്റെ ചക്രഗതിയിൽ എന്തോ വലിയ മാറ്റം സംഭവിക്കാൻ പോകുന്നുവെന്ന് ഇന്ദ്രജിത്തിന്റെ ജ്ഞാനദൃഷ്ടി അവനെ ഓർമ്മിപ്പിച്ചു…. "ഇന്ദ്രജിത്ത്, നോക്കൂ..." രുദ്രാവതി ആകാശത്തേക്ക് വിരൽ ചൂണ്ടി. സപ്തർഷി മണ്ഡലത്തിലെ നക്ഷത്രങ്ങൾ സ്ഥാനം മാറിക്കൊണ്ടിരിക്കുന്നു. ഇത് മഹാപ്രളയത്തിന്റെയോ അതോ പുതിയൊരു യുഗപ്പിറവിയുടെയോ സൂചനയാണ്….. ആ രാത്രിയിൽ ഇന്ദ്രജിത്തിനും രുദ്രാവതിക്കും ധനുഷിനും ഒരേ സ്വപ്നം ദർശിച്ചു. "നിങ്ങളുടെ പരീക്ഷണം അവസാനിക്കുന്നില്ല. ഭൂമിയിലെ തിന്മകൾ ഒരു രൂപത്തിലല്ല, ആയിരം ഭാവങ്ങളിലാണ് വരുന്നത്. ഇന്ദ്രജിത്ത് നീ ജ്ഞാനമാണ് രുദ്രാവതി നീ കരുണയാണ് ധനുഷ് നീ കഠിനമായ നീതിയാണ്. നിങ്ങൾ മൂന്നുപേരും ഒന്നിക്കുമ്പോൾ മാത്രമേ പ്രപഞ്ചം സുരക്ഷിതമാകൂ." കാലഭൈരവൻ തന്റെ വിശ്വരൂപത്തിൽഅവരുടെ സ്വപ്നത്തിൽ പ്രത്യക്ഷപ്പെട്ട് അവരോട് പറഞ്ഞു…. പെട്ടെന്ന് കാശി വിശ്വനാഥ ക്ഷേത്രത്തിന് മുന്നിലെ ഭൂമി പിളർന്നു. അവിടെ നിന്ന് പുരാതനമായ ഒരു ശില ഉയർന്നു വന്നു. അതിൽ രക്തവർണ്ണത്തിൽ ഒരു ലിപി തെളിഞ്ഞു. അത് വായിക്കാൻ ധനുഷിനു മാത്രമേ കഴിയുമായിരുന്നുള്ളൂ….. "അച്ഛാ ഇത് പറയുന്നത്... ആത്മബലി നൽകാത്തവന് അമരത്വം ലഭിക്കില്ല എന്നാണ്" ധനുഷ് അത് വായിച്ചതും ആ ശിലയിൽ നിന്ന് കറുത്ത സർപ്പങ്ങൾ പുറത്തേക്ക് വരാൻ തുടങ്ങി. അവ നഗരത്തിലെ ജനങ്ങളെ ആക്രമിക്കുന്നതിന് പകരം ക്ഷേത്രത്തിലെ ജ്യോതിർലിംഗത്തെ വരിഞ്ഞു മുറുക്കി….. ഭഗവാന്റെ ചൈതന്യം മറയ്ക്കാൻ ശ്രമിക്കുന്ന ഈ ഇരുണ്ട ശക്തിയെ തടയാൻ ഇന്ദ്രജിത്ത് തന്റെ ശൂലം ഉയർത്തി. പക്ഷേ ആ ശിലയുടെ ശക്തി ഇന്ദ്രജിത്തിന്റെ ജ്ഞാനത്തെയും തടഞ്ഞു….. "നമുക്ക് ഒന്നിച്ച് നിൽക്കാം" രുദ്രാവതി വിളിച്ചു പറഞ്ഞു…. അവൾ തന്റെ ഗംഗാ ചൈതന്യം കൊണ്ട് ഒരു ജലവലയം തീർത്തു. ഇന്ദ്രജിത്ത് തന്റെ ജ്ഞാനദൃഷ്ടി കൊണ്ട് ആ ശിലയുടെ ഹൃദയസ്ഥാനം കണ്ടെത്തി. ധനുഷ് തന്റെ വജ്രദൃഷ്ടി ആ സ്ഥാനത്തേക്ക് കേന്ദ്രീകരിച്ചു…. മൂന്ന് ശക്തികളും ഒന്നിച്ചപ്പോൾ ഒരു വലിയ സ്ഫോടനമുണ്ടായി. കാശിയിലെ ഘാട്ടുകൾ ആ വെളിച്ചത്തിൽ കുളിച്ചു. ആ കറുത്ത സർപ്പങ്ങൾ വെണ്ണീറായി മാറി. പക്ഷേ, ആ ശിലയുടെ ഉള്ളിൽ നിന്ന് ഒരു ശബ്ദം കേട്ടു…. അത് കാലഭൈരവന്റെ തന്നെ ചിരിയായിരുന്നു.. ഭൈരവൻ പ്രത്യക്ഷപ്പെട്ടു. "ഇന്ദ്രജിത്ത്, നിന്റെ കാഴ്ച നീ നൽകി. രുദ്രാവതി അവളുടെ പ്രാണൻ നൽകി. ധനുഷ് അവന്റെ അഹങ്കാരം നൽകി. ഇപ്പോൾ നിങ്ങൾ പൂർണ്ണരായിരിക്കുന്നു. ഇനി നിങ്ങൾക്ക് ഭയപ്പെടാനില്ല. ഈ ലോകം നിങ്ങളെ കാവൽക്കാരായി ഓർക്കില്ലായിരിക്കാം, പക്ഷേ പ്രപഞ്ചത്തിന്റെ ഓരോ കണികയിലും നിങ്ങളുടെ സാന്നിധ്യമുണ്ടാകും.".... കാലഭൈരവൻ തന്റെ കൈ ഉയർത്തി. അദ്ദേഹത്തിന്റെ കൈയ്യിൽ നിന്ന് ഒരു പ്രകാശം അവരുടെ നേരെ ചെന്നു…. ഇന്ദ്രജിത്തിന്റെ കണ്ണുകളിൽ പെട്ടെന്ന് ഒരു കുളിർമ്മ പടർന്നു. അവൻ പതിയെ കൺപോളകൾ തുറന്നു…. "രുദ്രാവതീ... എനിക്ക് കാണാം ഞാൻ നിന്നെ കാണുന്നു"... ഇന്ദ്രജിത്ത് ആഹ്ലാദത്തോടെ പറഞ്ഞു.. വർഷങ്ങൾക്ക് ശേഷം ഇന്ദ്രജിത്തിന് തന്റെ ഭൗതികമായ കാഴ്ച തിരികെ ലഭിച്ചു. പക്ഷേ ആ കണ്ണുകൾ പഴയതുപോലെയല്ലായിരുന്നു. അവയിൽ പ്രപഞ്ചത്തിന്റെ മുഴുവൻ നീലിമയും കലർന്നിരുന്നു. അവൻ രുദ്രാവതിയെയും തന്റെ ധീരനായ മകനെയും ആലിംഗനം ചെയ്തു….. ഗംഗാനദിയിലെ തിരമാലകൾ അവരുടെ പാദങ്ങളിൽ തൊട്ടു വന്ദിച്ചു. സൂര്യൻ ഉദിച്ചുയർന്നപ്പോൾ ഇന്ദ്രജിത്തും രുദ്രാവതിയും ധനുഷും പുതിയൊരു ലക്ഷ്യത്തിലേക്ക് നടന്നു. അവർ ഇനി വെറുമൊരു കുടുംബമല്ല, ലോകത്തിന്റെ കാവൽക്കാരായ ത്രിശക്തികളാണ്. കാശിയിലെ പുരാതനമായ ആ വഴികളിൽ ആരൊക്കെയോ മന്ത്രിക്കുന്നു.. തിന്മകൾ എത്ര വളർന്നാലും, ഒരു ജ്ഞാനദൃഷ്ടിയും ഒരു കരുണയുടെ ഉറവിടവും ഒരു വജ്രത്തിന്റെ കാഠിന്യവും അവിടെ കാവലുണ്ടാകുമെന്ന്…. തുടരും….. ✍️സന്തോഷ്‌ ശശി…. #📙 നോവൽ #കഥ,ത്രില്ലെർ,ഹൊറർ #💞 പ്രണയകഥകൾ #✍ തുടർക്കഥ #📔 കഥ