*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 26🌷🌷* *"అందుకు - నా కృప నీకు చాలునని.. ఆయన నాతో చెప్పెను"* *(2 కొరింతి. 12:9)* నీ జీవితములో ముల్లు ఏదైనను దానిని ప్రభువు నుండి స్వీకరించుము. ఆయన ఆ ముల్లు ఉండుటకు అనుమతించును. నిన్ను విశ్వాసములో బలపరచుటకు, నీకు అత్యధికమైన కృపనిచ్చుటకు అది దేవుని మార్గము. పౌలు చాలా బలముగా నయ్యెనని నీవు తలంచవచ్చును. గాని అతడు తాను ఎంత బలహీనుడో నేర్చుకొనెను. అతడు కృపను గురించి నేర్చుకొనినప్పుడే తన బలహీనతను గురించి పూర్తిగా ఎరుగగల్గెను. 2 కొరింతి. 12:10 లో అతడు "నేనెప్పుడూ బలహీనుడనో అప్పుడే బలవంతుడను" అని చెప్పుచున్నాడు. మనలను బలహీన పరచుటకు దేవుడు ముల్లును పంపును. మన బలహీనతను మనము చూచుటకు గాను ఆయన ముల్లును అనుమతించును మరియు దాని ద్వారా దేవుడు మనలను బలవంతులనుగా చేయును. దేనినైతే నీవు భరించలేని ముల్లు అని చెప్పుదువో అది నిన్ను నిత్యత్వమునకు, ఆత్మీయముగా బలముగా ఉంచును. నీవు నీ ముల్లును గురించి తలంచుచు, "ఎందుకు ఆ పురుషుడు లేక ఆ స్త్రీ నన్ను గురించి ఈలాగున మాట్లాడవలెను?" అనెదవు . నీ హృదయములో అనేక చేదైన వ్రేళ్ళు పాతుకొని పోయి యుండుటను కనుగొందువు. అపుడు నీవు కోపము, ద్వేషమునకు స్థలమిచ్చెదవు. అది ప్రార్ధన, దేవుని వాక్యము కొరకైన నీ భారమును తీసివేయును మరియు నీవు నీ సంతోషము, సమాధానమును పోగొట్టుకొనెదవు. ఆ రీతిగా అనేకులు ప్రార్ధన కొరకైన తమ భారమును పోగొట్టుకొనెదరు. చేదైన స్వభావమును బట్టి నీవు కలహించనారంభించుదువు. నీవు ప్రభువుతో ఈలాగున చెప్పుదువు, నీవు ఈ ముల్లు ఒకటి లేక రెండు దినములలో తీసివేయని యెడల నేను కూడికకు ఏమాత్రము వెళ్ళను లేక ప్రసంగికులను చూచి చిరునవ్వు నవ్వను". ఈ విధముగా ప్రతి ఉదయమున దేవునితో పోట్లాడుదువు. ఆయన సార్వ భౌముడు . ఆయన మూడవ ఆకాశములో మనకు ఏది బోధించలేకపోవునో దానిని భూమి మీద ఈ ముల్లు ద్వారా మనకు బోధించును. పౌలు మొండివాడు కాడు గాని , దీనుడు. తనను ఇంకను దీనునిగా చేయుటకు ఆ ముల్లె జవాబని అతడెరుగును. దేవుని పరిమాణము చాల ఉన్నతమైనది. మన ముళ్లన్నియు ఒక ఉద్దేశము నిమిత్తమే అనుమతించబడెనని ఎరుగకున్నాము. *నీ ముళ్ళు కొరకు కన్నీరు కార్చుచున్నావా ? దేవునికి విరోధముగా సణిగిన దానిని బట్టి దయచేసి పశ్చాత్తాపపడుము. ముల్లు నిమిత్తము దేవునికి వందనములు చెల్లించి, దానియందు సంతోషించుము. అప్పుడు నీ ఆనందము నానా విధములుగా విస్తరించుటను కనుగొందువు*. అప్పటినుండి నీ సాక్ష్యము శక్తివంతముగా ఉండును మరియు దేవుని శక్తి నీలోనికి వచ్చుటను కనుగొందువు. మనము కృప నుండి అధిక కృపను, బలము నుండి అధిక బలమును పొందుటకు గాను ఈ ముల్లు అనుమతించబడును. పిమ్మట దేవుడు మనలను తన సంపూర్ణతలోనికి తెచ్చును. ఇప్పుడు ఏలాగున కృప మరియు సత్యము కలసి వెళ్ళునో, కృప మరియు సమాధానము కలిసి వెళ్ళునో, కృప మరియు మహిమ కలిసి వెళ్ళునో చూడుము. అదే విధముగా, కృప మరియు శక్తి కలసి వెళ్ళును. మనము దేవుని కృప ద్వారానే దేవుని మహిమను చూడగలము, దేవుని కృపద్వారానే దేవుని సత్యమును కలిగియుందుము, దేవుని కృప ద్వారానే ఆయనను సేవించుదుము. మనమేమై యున్నామో అది కేవలము దేవుని కృపవలననే. కావున మనకు కృపను దయచేయుటకు గాను ప్రభువు మన జీవితములలో ముల్లు ను ఉంచును. *ఒక వైద్యుడు, ఇంజక్షన్స్ తీసికొనుట ద్వారా మంచి ఆరోగ్యమును పొందగలవని నీకు చెప్పిన యెడల, ఆ ఇంజక్షన్స్ ఎంత నొప్పి గా ఉన్నను వాటిని తీసికొనుటకు నీవు సిద్ధపడుదువు. అయితే దేవుడు నీ చేతికి తన ఇంజక్షన్ ఇచ్చినప్పుడు, సణుగుటకు మొదలు పెట్టుదువు. " ఇది చాల నొప్పిగా ఉన్నది దయచేసి ఆపుము" అని చెప్పుదువు. దేవుని ముల్లు, దేవుని ఇంజక్షన్ గా ఉన్నది. అది మనలోనికి కృపను తెచ్చుటకు, మనలోనికి పొడువబడును.* ఆయన నీ కీలాగున జవాబిచ్చుచున్నాడు, " నా కృప నీకు చాలును" మరియు నీ ముళ్ళు ఏదైనను, అది ఎంత నొప్పికరమైనను, " నా కృప" అను ఈ రెండు మాటలలో జవాబును కనుగొందువు. నీ విషయము వేరు అని తలంచకుము. మనకందరికీ వివిధ రకములైన నొప్పి కలదు, గాని పరిష్కారము ఒకటే, అది దేవుని కృపయే. " నా కృప నీకు చాలును" అని ఆయన చెప్పుచున్నాడు ( 2 కొరింతి. 12:9) Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝