#✔ યોગ ના ફાયદા #Fitness #Yoga #ફિટનેસ સેન્ટર #પ્રાણાયમ-યોગ 💪 પોલીસ વિભાગમાં યોગ તાલીમ કાર્યક્રમ સફળતાપૂર્વક પૂર્ણ જુનાગઢ, તા. 12 ડિસેમ્બર 2025: જુનાગઢ પોલીસ વિભાગમાં 8 ડિસેમ્બરથી 12 ડિસેમ્બર સુધી યોગ તાલીમ કાર્યક્રમનું આયોજન કરવામાં આવ્યું હતું. આ સમગ્ર તાલીમ શિબિરનું માર્ગદર્શન પ્રખ્યાત યોગ કોચ શ્રી ભરત કળથીયા દ્વારા આપવામાં આવ્યું હતું. કાર્યક્રમ દરમ્યાન યોગના વિવિધ પ્રયોગાત્મક તથા સિદ્ધાંત આધારિત પાસાઓ અંગે ઊંડાણપૂર્વક માર્ગદર્શન અપાયું, જેમાં શારીરિક તંદુરસ્તી, માનસિક એકાગ્રતા, તણાવ નિવારણ અને પોલીસ કર્મચારીઓની દૈનિક ફરજોમાં યોગનો ઉપયોગ કેવી રીતે લાભદાયી બની શકે તે બાબતોનો સમાવેશ થતો હતો. આ તાલીમમાં અધિકારીઓ, મહિલા પ્લાટૂન, તેમજ મહિલા પ્લાટૂન કમાન્ડર P.S.I. મકવાણા સાહેબ ઉપસ્થિત રહ્યાં હતા. તેમની સક્રિય હાજરી અને સહકારથી કાર્યક્રમ વધુ સફળ અને પ્રેરણાદાયી બન્યો. યોગ કોચ ભરત કળથીયા દ્વારા ભાગ લેનાર તમામ કર્મચારીઓને યોગ્ય પદ્ધતિથી આસન, પ્રાણાયામ, ધ્યાન અને યોગ ફિલોસોફી અંગે માર્ગદર્શન આપવામાં આવ્યું. તાલીમ દરમિયાન ભાગ લેનાર કર્મચારીઓએ યોગ દ્વારા મેળવેલા શાંતિમય અને ઉર્જાવાન અનુભવને વખાણ્યો. પોલીસ વિભાગ દ્વારા આવનાર સમયમાં પણ આવા આરોગ્ય અને માનસિક સુખાકારીને વધારતા કાર્યક્રમો યોજવાની ઇચ્છા વ્યક્ત કરવામાં આવી છે.