💜ഹൃദയത്തിൽ സൂക്ഷിക്കാൻ 💜 പാർട്ട്‌ -28 ഒന്ന് ഉറങ്ങി എണീറ്റ ഇന്ദ്രൻ കണ്ണ് തുറന്നത് ചിരിച്ചു കൊണ്ട് ആണ്.. അടി ഇട്ടു അവളെ കൊണ്ട് വിട്ടെങ്കിലും പിറ്റേന്ന് രാവിലെ ഇങ്ങു എത്തുമെന്ന് അവന് നല്ലത് പോലെ അറിയാമായിരുന്നു അത് കൊണ്ട് ആണ് ഡോർ ലോക്ക് പോലും ചെയ്യാതെ ഇരുന്നതും... ഇന്ദ്രൻ അവളെ നീക്കി കിടത്തി പതിയെ എണീറ്റു.... കണ്ണാടിയിൽ ചെന്നു തന്റെ പ്രതിബിംബത്തിൽ അവൻ നോക്കി നിന്നു....താടിയിലൂടെയും മുടിയൂടെയും വിരലുകൾ ഓടിക്കുമ്പോൾ ആ കണ്ണുകൾ കലങ്ങി......കണ്ണൊന്നു അമർത്തി അടച്ചു കൊണ്ട് അവൻ പാറുവിനെ നോക്കി.......അവളെ നോക്കുന്ന ഓരോ നിമിഷവും അവന്റെ കണ്ണുകൾ നിറഞ്ഞൊഴുകുന്നത് അവനറിയുകയായിരുന്നു... 💜💜 പാറു എണീറ്റു വന്നപ്പോഴേക്കും അവൻ ചായയും രാവിലത്തെ ബ്രേക്ക്ഫാസ്റ്റും ഉണ്ടാക്കിയിരുന്നു... ഞാനും കൂടി വന്നിട്ട് ഉണ്ടാക്കിയാൽ പോരാരുന്നോ... കണ്ണും തിരുമ്മി അവൾ ചോദിച്ചു... അതിനവൻ ഒന്ന് ചിരിച്ചു... എന്തെ രാവിലെ നിന്റെ കൂട്ടുകാരിയുടെ വീട്ടിൽ നിന്നും ഒന്നും തന്നില്ലേ നിനക്ക്.. അതിനവൾ മുഖം വീർപ്പിച്ചു നിന്നു.... ഇനി അതിന് മുഖം വീർപ്പിക്കണ്ട.. വല്ലതും വേണമെങ്കിൽ എടുത്ത് കഴിക്ക്...അത്രയും പറഞ്ഞവൻ അവിടെ നിന്നും പോയി.. അവൾ ബാക്കി വന്ന പാത്രം ഒക്കെ കഴുകി വെച്ച് അവനെ സഹായിച്ചു...          പുറത്ത് നിന്നും കയറി വന്ന ഇന്ദ്രന്റെ കയ്യിൽ പഴുത്ത പേരക്ക ഉണ്ടായിരുന്നു.. അതവൻ അവൾ കാണുന്നിടത്തേക്ക് നീക്കി വെച്ചു.. ഓ എന്നാലും കൈയ്യിൽ തരരുത്.... അവൾ അവൻ പോയ വഴി വിളിച്ചു കൂവി... അവളുടെ സംസാരം കേട്ടവന് ചിരിയും വന്നു പോയി..                  മുരടൻ.. ഇങ്ങനെയും ഉണ്ടോ ആളുകൾ..... ടീവീ യുടെ മുൻപിൽ ഇരുന്നു ആഹാരം കഴിക്കുന്നവനെ അവൾ നോക്കി... നിനക്ക് എടുത്ത് കഴിച്ചു കൂടെ... എന്തിനാ ഞാൻ കഴിക്കുന്നതും നോക്കി ഇരിക്കുന്നത് ഞാൻ കണ്ണേട്ടൻ കഴിക്കുന്നത് നോക്കിയത് അല്ല..... ഈ താടിയും മുടിയും ഇത്തിരി നീളം കുറച്ചു കൂടെ.... നല്ല ഭംഗി ആയിരിക്കും... പിന്നെ നേരത്തതിലും വണ്ണം നന്നായി കുറഞ്ഞിട്ടുണ്ട്.. ഇത്തിരി വണ്ണം കൂടി വെച്ചാൽ സൂപ്പറാ.. ജിമ്മിൽ ഒക്കെ പൊയ്ക്കൂടേ... നി പറയുന്നത് കൂട്ട് ചെയ്യാൻ ഇരിക്കുവല്ലേ ഞാൻ ഒന്ന് പോയെടി..... മുഖം വെട്ടിച്ചവൾ ഒറ്റ പൊക്കായിരുന്നു...അല്ലെങ്കിലും കാട്ട് പൊത്തിനോട് വേദം ഓതിയിട്ട് കാര്യം ഉണ്ടോ...അവൾ പറഞ്ഞത് വെക്തമായി ഇന്ദ്രൻ കെട്ടു.. അന്ന് അവൾ പഠിക്കാൻ പോയില്ല... ഇനി രണ്ട് ദിവസം അവധി ആണ് സാറ്റർഡേ സൺ‌ഡേ.... ഇന്ദ്രൻ ഉച്ചക്ക് ഒന്ന് വെളിയിലേക്ക് ഇറങ്ങി എങ്കിലും തിരികെ പെട്ടെന്ന് തന്നെ വന്നിരുന്നു.....  ഇതിനിടയിൽ ഡെറിക് തിരികെ നാട്ടിലേക്ക് പോയി  .... 💜💜   ഇന്ദ്രൻ ഉമ്മറത്തേക്ക് വരുമ്പോൾ അവൾ പേരക്കയും കടിച്ചു ഇരിപ്പോണ്ട്.... കണ്ണേട്ടന് വേണോ  അവൾ കടിച്ച പേരക്ക അവനായി നീട്ടുമ്പോൾ കൈ നീട്ടി അവനത് വാങ്ങിയിരുന്നു..... അവൾക്കൊപ്പം വന്നിരിക്കുമ്പോൾ പലതും ഓർക്കുക ആയിരുന്നവൻ.... മറ്റെന്നാൽ അല്ലെ ഉത്സവം... കണ്ണേട്ടൻ പോയിട്ടുണ്ടോ... ഇവിടെ അടുത്തുള്ള  ദേവി ക്ഷേത്രത്തിൽ... എല്ലാ കൊല്ലവും കരുതും പക്ഷെ പോകാൻ പറ്റിയിട്ടില്ല.. പകൽ പോയി തൊഴും എങ്കിലും രാത്രി ഒറ്റയ്ക്ക് എങ്ങനെ പോകാൻ ആണ്... മുത്തശ്ശി ഒറ്റക്ക് അല്ലെ ഉള്ളൂ.. അങ്ങനെ പോകാനുള്ള ആഗ്രഹവും ഇല്ലാതെ ആവും..... എന്തെ നിനക്ക് പോകണോ.. കൊണ്ട് പോകുവോ.. സന്തോഷത്തോടെ അവൾ ചോദിച്ചു.. പോകണേ പോകാം.... അത്രമാത്രം പറഞ്ഞവൻ..... അവൾക്ക് വല്ലാത്ത സ്നേഹം തോന്നി അവനോട്....                        പാറു...... ഇന്ദ്രൻ അവളെ വിളിച്ചു... എന്തെ...... ഞാൻ ഇല്ലങ്കിൽ നി എന്ത് ചെയ്തേനെ.... ഇത് പോലെ വേറെ ആരെങ്കിലും നോക്കിയേനെയുമോ... ഇല്ല.... ഒറ്റ വാക്കിൽ അവൾ ഉത്തരം പറഞ്ഞു.... അതെന്താ.... ( ഇന്ദ്രൻ ) കണ്ണേട്ടൻ ഇല്ലായിരുന്നെങ്കിൽ ഞാൻ അവരുടെ കൂടെ പോയിട്ടുണ്ടാകും... അവൾ ചിരിയോടെ പറഞ്ഞു.....കണ്ണേട്ടനെ പോലെ ഈ ലോകത്ത് മാറ്റാർക്ക അവരോടു ഫൈറ്റ് ചെയ്യ്തു നിൽക്കാൻ പറ്റുന്നെ... കണ്ണേട്ടൻ സൂപ്പർ അല്ലെ.... കണ്ണേട്ടൻ എന്റെ കൂടെ ഉണ്ടായാൽ എനിക്ക് ആരെയും പേടിക്കണ്ട.. ഉണ്ടാവുമോ എന്റെ കൂടെ എന്നും... കണ്ണുനിറച്ചു അവൾ ചോദിച്ചു... അവളുടെ മനസ്സിൽ മറ്റൊന്നും തന്നെ ഇല്ല... തന്റെ ആകെ ഉള്ള രക്ഷകൻ ഇന്ദ്രൻ ആണ് അവൻ കൂടി തിരികെ പോയാൽ പാറു ഒറ്റക്കാണ്...       ഇന്ദ്രൻ അവളുടെ വലതു കയ്യിൽ പിടി മുറുക്കി....... പാറു... ഞാൻ.. ഞാൻ എന്നും നിന്റെ കൂടെ ഉണ്ടാവില്ല... എനിക്ക് പോയെ പറ്റു... ഉടനെ ഞാൻ പോകും... നന്നായി പഠിക്കണം നി.... ഒരു നല്ല ജോലി ഒക്കെ വാങ്ങിച്ചു എന്റെ മുന്നിൽ വരണം... അങ്ങനെ എനിക്ക് നിന്നെ കാണണം... കണ്ണേട്ടനെ ഇഷ്ടപ്പെടുന്ന ആ ആൾക്ക് ഒപ്പം അല്ലെ കണ്ണേട്ടൻ പോകുന്നത് എനിക്ക് സന്തോഷം മത്രേം ഉള്ളൂ..... പിന്നെ കണ്ണേട്ടന്റെ ആഗ്രഹം പോലെ ഞാൻ പഠിക്കും.. എന്നിട്ട് ജോലി ഒക്കെ വാങ്ങി ദേ ഈ കണ്മുന്നിൽ ഞാൻ വന്നു നിൽക്കും പോരെ...... ഹ്മ്മ്... മതി.........അവനൊന്നു ചിരിക്കാൻ ശ്രെമിച്ചു.. അവന്റെ ഉള്ളിൽ കടലോളം വിഷമം മൂടി ഇരിക്കുന്നത് മാത്രം പാറു കണ്ടില്ല...കലങ്ങി ചുമന്ന അവന്റെ മിഴികൾ അവൾ ശ്രെദ്ധിച്ചില്ല.... ഇനിയും പിടിച്ചു നിൽക്കാൻ ത്രാണി ഇല്ലാത്തത് പോലെ ഇന്ദ്രൻ മുറിക്കുള്ളിലേക്ക് കയറി പോയി... ആ മുറി മൊത്തമായി അവനൊന്നു നോക്കി.... തലയണയിൽ മുഖം പൂഴ്ത്തുമ്പോൾ കരച്ചിൽ തൊണ്ടയിൽ വന്നു കെട്ടി നിൽക്കുമ്പോലെ അവന് തോന്നി..... 💜💜   വൈകിട്ട് അനൂപിനെ കാണാൻ ആയി അവൻ ഇറങ്ങി... ഇതേ സമയം അവിടെ അടുത്തുള്ള മൊട്ട കുന്നിന്റെ മോളിൽ അവൻ ഇന്ദ്രനെ കാത്ത് ഇരുന്നു..... ഇന്ദ്രൻ അങ്ങോട്ടേക്ക് വരുമ്പോൾ  അനൂപ് ആകാശത്തേക്ക് നോക്കി മലർന്നു കിടപ്പുണ്ട്..... ഇന്ദ്രനും അവന് അടുക്കൽ വന്നു കിടന്നു......... ഇന്ദ്രന്റെ മിഴികളിൽ നിന്നും കണ്ണുനീർ ഒഴുകി ഇറങ്ങുന്നുണ്ട്.... ഇന്ദ്രാ... നി കരയുവാണോ....... അനൂപ് എണീറ്റ് ഇരുന്നു കൊണ്ട് ചോദിച്ചു.... ഒഴുകി ഇറങ്ങിയ കണ്ണുനീർ തൂത്തു കളഞ്ഞു കൊണ്ട് അവൻ അനൂപിനെ നോക്കി... മനസ്സിൽ അങ്ങ് വിഷമം അനൂപേ... എനിക്ക് മാത്രം എന്താടാ ഇങ്ങനേ..... അവളെ ഇതിലേക്ക് വലിച്ചു ഇടേണ്ടിയിരുന്നില്ലടാ.. ഒരു പാവമാ അവൾ..... അനൂപും കൂടി ചേർന്നിട്ടാണ് പാറു അവിടെ  എത്തിയത് എന്ന് ഒരിക്കൽ അനൂപിന്റെ വായിൽ നിന്നും ഇന്ദ്രൻ അറിഞ്ഞിരുന്നു...അന്ന് അനൂപിനെ നല്ല രീതിയിൽ ഇന്ദ്രൻ വഴക്കും പറഞ്ഞതാണ്... പിന്നീട് തോന്നിയപ്പോൾ ഇന്ദ്രൻ പറഞ്ഞത് ശെരി ആണെന്നും അനൂപിന് തോന്നിയിരുന്നു.... അവളുടെ സങ്കടം കണ്ടപ്പോൾ സഹിച്ചില്ലഡാ ഇന്ദ്ര.... അവളെ രക്ഷിക്കാൻ നി ഉണ്ടാകുമെന്നു കരുതി... അവളുടെയും ആഗ്രഹം അത് തന്നെ അല്ലായിരുന്നോ....പിന്നെ എന്റെ മുന്നിൽ മറ്റൊരു വഴിയും ഉണ്ടായിരുന്നില്ല.. അവളൊരു കൊച്ച് പെണ്ണ് അല്ലേടാ..... അഥവാ അയാളെ ആ സ്ത്രീ ആ സമയത്ത് കൊന്നെന്നു വെച്ചാലും പിന്നെ  പാറു ഒറ്റക്ക് ആണ്.... ശ്രീധരൻ അവളെ എങ്ങനെ എങ്കിലും ഒഴിവാക്കാൻ ഇരിക്കുവാ... തീർച്ചയായും അവളെ ഏതേലും  ഒരുത്തനു പിടിച്ചു കെട്ടിച്ചു കൊടുക്കും... അവളെ എങ്ങനെ എങ്കിലും രക്ഷിക്കണമെന്നേ ഞാൻ ഓർത്തൊള്ളൂ.. എന്നോട് നി ക്ഷമിക്ക്..അനൂപ് പറയുമ്പോൾ ഇന്ദ്രൻ ഒന്ന് ചിരിച്ചു... അതൊന്നും  സാരമില്ല...       അന്നാ കുന്നിന്റെ മുകളിൽ നിന്നും ഇറങ്ങി വരുമ്പോൾ ഇന്ദ്രൻ ഒരുകാര്യം ഉറപ്പിച്ചിരുന്നു.... 💜💜💜💜💜💜💜💜💜💜💜💜💜💜💜💜💜💜         ഇന്ദ്രന്റെ ഷർട്ട്‌ എല്ലാം എടുത്ത് അടുക്കി വെക്കുവായിരുന്നു അവൾ...... കഴുകി ഇട്ടത് ആണവൻ എല്ലാം....... അലമാരയുടെ ഡോർ തുറക്കുവാൻ ആയി വന്നതും... വൈഷ്ണവി.... പെട്ടെന്ന് ആണ് ഇന്ദ്രൻ അവളെ വിളിച്ചത്.... അവൾ തിരിഞ്ഞു നോക്കി....അപ്പോളും അവന്റെ നോട്ടം അലമാരക്കുള്ളിലേക്ക് ആണ്.. കണ്ണേട്ടനോ.. ബൈക്കിൽ അല്ലെ വന്നത്... സൗണ്ട് ഒന്നും കേട്ടില്ല.... അനൂപ് പകുതി വരെ വന്നായിരുന്നു.. എന്നെ അവനാ കൊണ്ട് വിട്ടത്... ആണോ എന്നിട്ട് എന്താ ഇങ്ങോട്ട് കയറഞ്ഞത്... സമയം ഒത്തിരി ആയില്ലേ വീട്ടിൽ നിന്നും വിളിച്ചു.. അതാ അങ്ങ് പോയത്...... പറയലും ഇന്ദ്രൻ അവളുടെ കയ്യിലെ ഡ്രെസ്സ് എല്ലാം എടുത്ത് അലമാരയിൽ വെച്ചിരുന്നു... വൈഷ്ണവി.. എന്റെ ഡ്രെസ്സ് എല്ലാം വെളിയിൽ തന്നെ ഇട്ടാൽ മതി.. ഞാൻ എടുത്ത്  മടക്കി വെച്ചോളാം.. അതെന്താ അങ്ങനെയൊക്കെ.. ഞാൻ മടക്കി വെച്ചാൽ മടങ്ങില്ലേ.... അതല്ലടി... ഏതല്ല... നിന്നോട് പറഞ്ഞിട്ടു കാര്യം ഇല്ല .. നി ഒന്ന് പോയെ പെണ്ണെ.... മുരടൻ...അവൾ പറഞ്ഞു നാക്ക് വായിലേക്ക് ഇട്ടില്ല അതിന് മുൻപ് ചെവിക്ക് പിടി വീണിരുന്നു...... ആ വിട് കണ്ണേട്ടാ.. നോവുന്നു... നോവാൻ വേണ്ടി തന്നെയാ പിടിച്ചത്.... അഹങ്കാരി.......... ഈ കണ്ണേട്ടന് എന്നോട് ഒരു ഇഷ്ടവും ഇല്ല... അഹ് അതെ ഇല്ല...... അഹ് അതറിയാം.. അത് കൊണ്ട് ആണല്ലോ എന്നെ കളഞ്ഞിട്ടു സ്നേഹിക്കുന്നവൾടെ കൂടെ പോകുന്നത്.. ഇന്ദ്രൻ കണ്ണൊന്നു അമർത്തി അടച്ചു പിന്നെ അവളെ വലിച്ചു നെഞ്ചിലേക്ക് ഇട്ടു.... അവൾക്കു സങ്കടം വന്നു പോയി... വൈഷ്ണവി.... മ്മ്... അവളുടെ സ്വരം  സങ്കടത്താൽ വിറച്ചു പോയി....... എന്തിനാ വിഷമിക്കുന്നെ കുഞ്ഞേ നി...... കണ്ണേട്ടൻ എങ്ങോട്ടും പോകണ്ട.. എനിക്ക് ഇഷ്ടം അല്ല.... അതിനവൻ ചിരിച്ചു പോയി... ദേ നോക്ക്.. അവളുടെ മുഖം പിടിച്ചവൻ ഉയർത്തി... പാറു..മോളെ..... നിനക്ക് എന്നേലും നല്ല ഒരാളെ കിട്ടും.... നിന്റെ മുത്തശ്ശി പറയും പോലെ ഒരു രാജകുമാരനെ തന്നെ... ഈ  എന്നെക്കാളും  നല്ല ഒരാളെ..... അവൻ സങ്കടം കടിച്ചമർത്തി അവളുടെ നെറുകിൽ ചുണ്ടുകൾ അമർത്തി.....    ഇതേ സമയം ആ നെഞ്ചിൽ അവളുടെ കണ്ണുനീര് വീണു നനഞ്ഞിരുന്നു......... കണ്ണേട്ടനെ കാളും നല്ല ഒരാളെ എനിക്ക് വേണ്ട.... കണ്ണേട്ടനെ തന്നെ മതി.... അവളുടെ പറച്ചിൽ കേട്ടു.അവന് ചിരി വന്നു പോയി. ( തുടരും ) പറ്റുന്നവർ പ്രതിലിപി ഒന്ന് ഫോളോ ചെയ്യണേ.ഇനി വായിക്കാൻ പറ്റി ഇല്ലങ്കിലും ഒന്ന് ഫോളോ ചെയ്യ്തു വെക്കണേ 😂 പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/sxrbflRO5Yb ഇനി വീട്ടിൽ ജോലിക്ക്‌ ഒന്നും പോകാൻ പറ്റാത്ത ചേച്ചിമാരോടാണ്. നോവൽ എഴുതാൻ താല്പര്യം ഉണ്ടങ്കിൽ നിങ്ങൾക്ക് പറ്റുന്നത് പോലെ കുറച്ചു സമയം കണ്ടെത്തി പ്രതിലിപിയിൽ ഒരു അക്കൗണ്ട് എടുത്തു എഴുതാൻ നോക്കുക. 10 രൂപ നമ്മൾ സ്വന്തം ആയി എഴുതി ഉണ്ടാകുമ്പോൾ നമ്മൾക്ക്‌ ഒരു സന്തോഷം അല്ലെ. അതിൽ സ്റ്റോറി ഇടുന്നതിനു അനുസരിച്ചു നിങ്ങൾക്ക് വരുമാനം കിട്ടും ഇതൊരു പ്രൊമോഷൻ ഒന്നും അല്ല. എന്റെ അനുഭവം കൊണ്ട് പറഞ്ഞതാണ്. ചിലമാസം വെറും 700 രൂപ വരെ കിട്ടീട്ടുണ്ട് എനിക്ക്. പക്ഷെ അതൊക്കെ കിട്ടുമ്പോൾ എനിക്ക് ഒരു സന്തോഷം. കാര്യം ശെരിയാണ് ഒരു സ്റ്റോറി എഴുതി ചിലപ്പോ 1 ഇയർ ഒക്കെ കഴിയുമ്പോൾ ആയിരിക്കും. അത് 1 മില്യൺ അടിക്കുന്നത് പോലും. അപ്പോഴായിരിക്കും 400 രൂപ എങ്കിലും കിട്ടുന്നത്. ആദ്യമൊക്കെ 5 ഓ പത്തോ രൂപ ആയിരിക്കും കിട്ടുന്നത്. നിങ്ങൾക്ക് താല്പര്യം ഉണ്ടങ്കിൽ എഴുതി ഇട്. ഇതൊന്നും പ്രതിലിപിയിൽ ഉള്ള ഒറ്റ ഒരുത്തരും പറഞ്ഞു തരില്ല. എന്റെ അനുഭവം കൊണ്ട് പറയുവാ. ഞാൻ ആകെ രണ്ട് സ്റ്റോറി മാത്രമേ അതിൽ നല്ലത് പോലെ കംപ്ലീറ്റ് ആക്കിയിട്ടുള്ളു.പലതും ഡ്രാഫ്റ്റിൽ ആണ് അതും പാതി വരെ ആയ സ്റ്റോറി ഒക്കെ. ഇത്രയും വർഷം നല്ല ഗ്യാപ് വന്നത് കൊണ്ട്. വീണ്ടും തിരിച്ചു വന്നതാണ്. #📔 കഥ #💞 പ്രണയകഥകൾ #📙 നോവൽ #നോവൽ