.ഇനിയുണ്ടാകുമോ 💗🌿 69. . . എന്തെല്ലാമോ തീരുമാനിച്ചുറപ്പിച്ചു കൊണ്ട് പ്രിയ പയ്യെ സ്റ്റേഷന്റെ പുറത്തേക്കിറങ്ങി. . തന്റെ ജീവിതം ഇത്രയും വലിയൊരു ചതിക്കുഴിയാണെന്ന് തിരിച്ചറിഞ്ഞ അവൾ, ആരുടെയും സഹായമില്ലാതെ അദ്വൈത് പറഞ്ഞതനുസരിച്ചു ഒറ്റയ്ക്ക് ആ പഴയ ഗോഡൗണിലേക്ക് യാത്ര തിരിച്ചു. ഓട്ടോയിലിരിക്കുമ്പോൾ അവളുടെ മനസ്സ് ശൂന്യമായിരുന്നു. രവിയച്ഛൻ തന്റെ അച്ഛനല്ലെന്ന സത്യം, അമേയ തന്റെ സ്വന്തം സഹോദരിയാണെന്ന തിരിച്ചറിവ്, ഇപ്പോൾ ജിത്തുവിന്റെ വഞ്ചനയും... എല്ലാം കൂടിച്ചേർന്ന് പ്രിയയെ ഭ്രാന്ത് പിടിപ്പിച്ചു. ​അതേസമയം, ജീവയുടെ തടവിൽ നിന്നും കഷ്ടിച്ച് രക്ഷപ്പെട്ട അമേയ വെറുതെ ഇരിക്കാൻ തയ്യാറല്ലായിരുന്നു. തന്റെ ചെയ്തികൾ മറ്റൊരാളുടെ ജീവിതം തകർക്കുന്നത് അവൾക്ക് കണ്ടുനിൽക്കാനായില്ല. താൻ ചെയ്ത തെറ്റുകൾക്ക് പ്രായശ്ചിത്തം ചെയ്യണമെന്നും സത്യങ്ങൾ തുറന്നു പറയണമെന്നും അവൾ തീരുമാനിച്ചു. ​അമേയ തന്റെ മുറിയിൽ അവശനായി കിടക്കുന്ന ഗൗതമിനെ പതുക്കെ എഴുന്നേൽപ്പിച്ചു. അവൻ തളർന്നിരുന്നെങ്കിലും അമേയയുടെ തീരുമാനത്തിന് ഒപ്പം നിന്നു. അവൾ തന്റെ മൊബൈൽ ക്യാമറ ഓൺ ചെയ്ത് ഒരു വീഡിയോ റെക്കോർഡ് ചെയ്യാൻ തുടങ്ങി. ​"ജിത്തൂ... പ്രിയാ... എന്നോട് ക്ഷമിക്കണം. ഞാൻ ചെയ്തതെല്ലാം ജീവയുടെ നിർബന്ധത്തിന് വഴങ്ങിയാണ്. ജിത്തുവും ഞാനും തമ്മിൽ നിങ്ങൾ കണ്ട ആ വീഡിയോ കാണും. സത്യത്തിൽ അതൊരു കള്ളമാണ്.ജിത്തു നിരപരാധിയാണ്. അതുപോലെ പ്രിയാ... നമ്മൾ തമ്മിലുള്ള ബന്ധത്തെക്കുറിച്ചും എനിക്ക് പറയണം. നമ്മൾ ഒരേ അച്ഛന്റെ മക്കളാണ്. നിനക്ക് ലഭിക്കേണ്ട സന്തോഷങ്ങൾ നഷ്ടപ്പെടുത്താൻ ഞാൻ കാരണമായി.ക്ഷമിക്കണം.ജിത്തിനോടായി ചിലപ്പോൾ ഞാൻ നന്നേ വേഴുകിയേക്കാം, പ്രിയയെ കാണാതായി എന്നൊരു വാർത്ത അറിഞ്ഞാൽ നീ എത്രയും പെട്ടന്ന് സിറ്റിയിൽ നിന്നും അല്പം അകലെയുള്ള ആ വലിയ കാട് പിടിച്ച ഇടത്തേക്ക് പോകണം. അവിടെ പണികൾ നടക്കാത്ത ആ ഒരു ഗോഡ്ണിൽ, അവിടെ അവൾ ഉണ്ടായിരിക്കാം.." ​കരഞ്ഞുകൊണ്ട് അമേയ കാര്യങ്ങളെല്ലാം തുറന്നു പറഞ്ഞു. പണ്ട് ജിത്തു തന്റെ ഫോണിൽ നിന്ന് പ്രിയയുടെ നമ്പർ ഡയൽ ചെയ്തത് ഓർത്തെടുത്ത്, രണ്ടും കൽപ്പിച്ച് അവൾ ആ വീഡിയോ പ്രിയയ്ക്കും ജിത്തുവിനും സെൻഡ് ചെയ്തു.ഡിലീറ്റ് ഫോർ മി അടിച്ചു. എല്ലാത്തിനും ശേഷം ഒന്ന് നിശ്വസിച്ചു കൊണ്ട് ഗൗതമിനെ നോക്കി. അവളുടെ നോട്ടം കണ്ടു അടിച്ചു വീങ്ങിയ അവളുടെ കുഞ്ഞു മുഖം കൈക്കുമ്പിൽ എടുത്തവൻ നെഞ്ചോടു ചേർത്തു വേച്ചു. ************* ​നേരം പുലർന്നു തുടങ്ങുന്നതേയുള്ളൂ. വിജനമായ ആ ഗോഡൗണിന് മുന്നിൽ പ്രിയ ഓട്ടോ ഇറങ്ങി. പേടിയുണ്ടായിരുന്നെങ്കിലും അമേയയെ നേരിൽ കാണണമെന്ന വാശിയിലായിരുന്നു അവൾ. ഗോഡൗണിന്റെ തുരുമ്പിച്ച ഗേറ്റ് കടന്ന് അകത്തേക്ക് നടക്കുമ്പോഴാണ് അവളുടെ ഫോണിൽ നോട്ടിഫിക്കേഷൻ വന്നത്. ​അവൾ ഫോൺ എടുത്ത് ആ വീഡിയോ പ്ലേ ചെയ്തു. അമേയയുടെ വാക്കുകൾ കേട്ട് പ്രിയ തരിച്ചു നിന്നുപോയി. പ്രിയയുടെ കണ്ണുകൾ നിറഞ്ഞു തുളുമ്പി. താൻ ഒരു വലിയ കെണിയിലാണ് വീണിരിക്കുന്നത് എന്ന് മനസ്സിലാക്കി.വീണ്ടും വിഡ്ഢിയായിരിക്കുന്നു ​പക്ഷേ സത്യങ്ങൾ തിരിച്ചറിഞ്ഞപ്പോഴേക്കും സമയം ഏറെ വൈകിയിരുന്നു. ഗോഡൗണിന്റെ ഉള്ളിൽ എത്തിക്കഴിഞ്ഞിരിക്കുന്നു. ചിന്തിക്കാൻ സമയം കിട്ടുന്നതിന് മുന്നേ പിന്നിൽ നിന്നും ഗേറ്റ് അടഞ്ഞു. ശബ്ദം കേട്ട് പ്രിയ ഞെട്ടിത്തിരിഞ്ഞപ്പോയെക്കും മുറിയാകെ ഇരുട്ട് പകർന്നു. അവൾക്കു ശ്വാസം മുട്ടുന്ന പോലെ തോന്നി. പെട്ടന്ന് കാതുകളിലേക്ക് എവിടെ നിന്നോ കയ്യടിയുടെ ശബ്ദം തുളഞ്ഞു കയറി. ഒരു ഒരാണ് നിന്നും ചുവന്ന വെളിച്ചം ഗോഡൗൺ ആകെ പരന്നു കയറി. പ്രിയയുടെ കണ്ണുകൾ ശബ്ദം കേട്ട ഭാഗത്തേക്ക്‌ ഉയർന്നു. ഗോഡ്ണിന്റെ മുകളിലെ നിലയിൽ നിന്നും ഒരാൾ ഇറങ്ങി വരുന്നു.. "​രാഹുൽ..!!" ​അവന്റെ ആ ക്രൂരമായ ചിരി ഗോഡൗണിനുള്ളിൽ പ്രതിധ്വനിച്ചു. "സത്യങ്ങൾ വൈകി അറിഞ്ഞാൽ അതൊരു ദുരന്തമാണ് പ്രിയാ.ഈ ഗോഡൗണിലേക്ക് നീ വന്നത് നിന്റെ ഇഷ്ടപ്രകാരമാണ്, പക്ഷേ ഇവിടെ നിന്ന് പോകുന്നത് എന്റെ ഇഷ്ടത്തിലായിരിക്കും!" ​പ്രിയ ഭയത്തോടെ പിന്നോട്ട് മാറിയെങ്കിലും ജീവയുടെ ഗുണ്ടകൾ അവളെ വളഞ്ഞു കഴിഞ്ഞിരുന്നു. ഒരേ സമയം സത്യത്തിന്റെ ആശ്വാസവും ജീവന്റെ ഭയവും പ്രിയയെ വീർപ്പുമുട്ടിച്ചു. ​(തുടരും) ലൈക്‌ ചെയ്യണം കമന്റ്‌ അയക്കണം. എന്ന് സ്നേഹത്തോടെ Serin 💗 #📙 നോവൽ #📔 കഥ #💞 പ്രണയകഥകൾ #📝 ഞാൻ എഴുതിയ വരികൾ #🕵️‍♀️ കുറ്റാന്വേഷണ കഥകൾ