ഹേ മനുഷ്യാ നിന്റെ പോക്ക് എങ്ങോട്ട്? ""കുഞ്ഞുമണി വന്നോ... ദാ നെൽക്കതിര് ഇപ്പൊ തരാട്ടോ... അവടെ നിക്കു..."" ദാ... കുഞ്ഞനിയേട്ടാ ങ്ങളോട് ഞാൻ എത്ര പ്രാവശ്യം പറഞ്ഞിട്ട് ണ്ട്... ന്നെ അങ്ങനെ വിളിക്കല്ലേന്ന്... ഇക്ക് നല്ല പേര്ണ്ട്... അത് വിളിച്ചാ മതി... ഹും... ഇത്രേം ആൾക്കാർടെ മുൻപില് വെച്ച്... ഹും.... വല്യമ്പലത്തിൽ നിറ പുത്തരി... അവിടെ പൂജിച്ച നെൽകതിര് വാങ്ങി ഇല്ലത്തു കൊണ്ട് പോയി പത്തായത്തിൽ കെട്ടിവെക്കണം...അതിന് അമ്പലത്തിൽ വന്നതാണ്... ഇല്ലത്ത് മാത്രം അല്ല എല്ലാവരും വന്ന് വാങ്ങിക്കും.. ഭയങ്കര തിരക്ക്... ഞാനും അനിയൻമാരും ആ കൂട്ടത്തിൽ തിക്കി തിരക്കി വന്നതാണ്... ഞങ്ങൾക്ക് തിരക്കൊന്നും ഇല്ലാതെ വേറെ വഴിയുണ്ട്... അമ്പലത്തിലെ പ്രവർത്തിക്കാര് മാത്രം പോണ വഴി... പക്ഷേ അച്ഛന് അങ്ങനെ പ്രത്യേകം ഒന്നും ഇഷ്ടം അല്ല.. അമ്പലത്തിൽ എല്ലാരും ഒരുപോലെ ആണെന്ന് പറയും.. അതാണ് ഇപ്പൊ തിരക്കിൽക്കൂടിയുള്ള ഈ വരവ്... അതിനിടക്കാണ് അത്രേം പേരുടെ മുന്നിൽ വെച്ച് കുഞ്ഞുമണി വിളിയും... ആകെ ദേഷ്യം വന്നു.. എങ്കിലും പോയകാര്യം നടക്കണമല്ലോ... അച്ഛൻ വരുമ്പോ സമയം ഉച്ചയാവും.. പക്ഷേ അതിന് മുൻപേ നെൽകതിര് രാവിലെ തന്നെ ഇല്ലത്ത് എത്തണം... അതിനാണ് തിക്കി തിരക്കിയത്... ദാ... കുഞ്ഞുമണി പോയോ.... ഇവടെ വെച്ചിട്ട്ണ്ട്... എടുത്തോളൂട്ടോ.... വീണ്ടും വിളിക്കുന്നു... ദേഷ്യം വന്നു ചുറ്റും ഒന്ന് നോക്കി.. ആളുകൾ മുഴുവൻ ശ്രദ്ധിക്കുന്നു... കേട്ടോണ്ട് നിക്കണ നമ്പീശനും മാരാരും വാരസ്യാരും ഒക്കെ വാ പൊത്തി ചിരിക്കുന്നു... എനിക്കാ വിളി ഇഷ്ടല്ലന്ന് അവർക്കറിയാം... അതിനാണ്... എന്തായാലും ഒന്നും പറയാതെ നെൽകതിര് എടുത്ത് ഇല്ലത്തേക്ക് നടന്നു...നോക്കെത്താ ദൂരം നെൽപാടം.. അതിന്റെ അക്കരെ വരെ പോണം.. മൂന്നു പേരും കൂടി നടന്നു... ഇനി വേറൊരു പ്രശ്നം ഈ നെൽകതിര് ഭക്തിയോട് കൂടി തലയിൽ വെച്ചോണ്ട് പോണം... ഇക്കെങ്ങും വയ്യ കുഞ്ഞോള് കുഞ്ഞുട്ടന് കൊടുക്ക്.. ഓൻ തലേല് വെച്ചോളും.. പിന്നേ അപ്പേട്ടന് പറ്റില്ല്യാച്ചാ ഇക്കും വയ്യ.. ഓപ്പോള് തന്നെ തലേല് വെച്ചോളൂ... അപ്പോ അതിന്റെ കാര്യം തീരുമാനായി.. ഞാൻ തന്നെ തലയിൽ വെച്ചോണ്ട് നടന്നു.. ഒരു കൈകൊണ്ടു തലയിലെ കതിരിലും ഒരു കൈ പാവാടത്തുമ്പിലും.... കാണുന്നവർക്ക് പൊടിച്ചിരി... എന്ത് ചെയ്യാനാ.. അവന്മാർ ഓടി മുന്നിൽ കയറി പോയി.. ഒന്നും മിണ്ടാതെ പടിക്കൽ വരെ എത്തി... ഉടനെ സുന്ദരി വിളിച്ചു പറഞ്ഞു... മോളെ എല്ലാരും അവടെ നിക്കുട്ടോ.. അമ്മ വന്നിട്ടേ പടിചവിട്ടാവു... അമ്മ കുറച്ചു കഴിഞ്ഞപ്പോൾ നിലവിളക്കും ആയിട്ട് വന്നു... ഇനി നീ അത് അപ്പൂന്റെയോ കുഞ്ഞുട്ടന്റെയോ കയ്യിൽ കൊടുക്ക്... ആൺകുട്ട്യോള് വേണം അത് കൊണ്ട് പടികയറാൻ... ഇപ്പൊ ന്തായി.. അത്രേം ദൂരം ആ നെല്കതിരും തലയിൽ വെച്ചോണ്ട് വന്ന ഞാനാരായി... ഒന്നും മിണ്ടാതെ രണ്ടു പേരെയും നോക്കി.. അവരാണെങ്കിൽ മുറ്റത്തേക്ക് നോക്കുന്നു ... അവിടേം ആളുകൾ ഉണ്ട്.. മുത്തശ്ശനെ കാണാൻ വന്നതാണ്... അതോടെ രണ്ടിനും മടിയായി... ഇളയവൻ അപ്പൊ തന്നെ ഓടിപ്പോയി.... പിന്നെ അപ്പുവിന്റെ തലയിലേക്ക് നെൽകതിര് വെച്ചു കൊടുത്തു... ഇനി പടി ചവിട്ടാം.. പക്ഷേ ഒരു പ്രശ്നം കൂടി... "ഇല്ലം നിറ വല്ലം നിറ പത്തായം നിറ" എന്നൊക്കെ ഉറക്കെ പറഞ്ഞോ പാടിയോ ഒക്കെ വേണം നടക്കാൻ..പണി പാളിയ മട്ടിൽ അപ്പു എന്നെ നോക്കുന്നു.. ഞാനെന്താ ചെയ്യാ പെണ്ണായിപ്പോയില്ലേ... അവൻ നിവൃത്തിയില്ലാതെ ഉറക്കെ പാടിക്കൊണ്ട് പടികയറി... അമ്മ നിലവിളക്കും കൊണ്ട് മുൻപിലും... അകത്തു കയറി അടുക്കളയിലോ ഹാളിലോ അരിമാവ് കൊണ്ട് അണിഞ്ഞു അതിനു മുൻപിൽ വിളകും കത്തിച്ചു വെക്കും.. അതിന് മുൻപിൽ ഉള്ള പലകയിൽ വെക്കണം.. എന്നിട്ട് തൊഴുതു നമസ്കരിച്ചു എഴുനേറ്റ് പോകാം... പലകയിലും അരിമാവ് കൊണ്ട് അണിഞ്ഞിട്ടുണ്ടാവും... ഇനി ആ കതിര് കുറച്ചെടുത്തു കുറച്ചു മണ്ണു കുഴച്ചു അതിൽ കുത്തി വെച്ച് ഓടിന്റെ പുറത്തിടും... ബാക്കി പത്തായത്തിന്റെ കൊളുത്തിൽ കെട്ടിവെക്കും... അങ്ങനെ ചെയ്താൽ നാൾക്ക് നാൾ സമൃദ്ധി ഉണ്ടാകും എന്ന് വിശ്വാസം... ഒരു പരിധി വരെ ആയിരുന്നു താനും... അന്നൊക്കെ അന്നത്തെ ദേവിയായി കണ്ടത് കൊണ്ട് അന്നം മുട്ടാതെയും മറ്റുള്ളവരുടെ മുട്ടിക്കാതെയും ഇരുന്നിട്ടുണ്ട് ആളുകൾ... ഇന്നോ.... വിശപ്പ്‌ സഹിക്കാതെ ഗതികേട് കൊണ്ട് ഒരു പിടി അരി മോഷ്ടിച്ചവനെ തല്ലിക്കൊന്ന സമൂഹം... പേടിയാകുന്നു... ഇന്നത്തേയും ഇനിയുള്ള തലമുറകളുടെയും ഭാവി എന്താകും??? പരസ്പര സ്നേഹം വിശ്വാസം രക്തബന്ധങ്ങൾ ഒന്നിനും വിലയില്ലാത്ത കാലം..... ഹേ മനുഷ്യാ നിന്റെ പോക്ക് എങ്ങോട്ട്??? ✍️പവിഴമല്ലി #💌 പ്രണയം #😔 ഇമോഷണൽ സ്റ്റാറ്റസ് 😍 #📝 ഞാൻ എഴുതിയ വരികൾ #📔 കഥ {[{-1}]}