ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6gWJgD4?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ ❤️ ഭാഗം: 15 ******** അമീർ നസീമിനോട്‌ സംസാരിക്കുമ്പോഴും അവന്റെ ഉള്ളിൽ ആയിശുവിന്റെ മുഖം നിറഞ്ഞു നിന്നു. എന്റെ ഖൽബെ...എന്നെ ഇങ്ങനെ എടങ്ങേറാക്കല്ലേ.. ഇങ്ങനെയായാൽ നിന്നെ എങ്ങിനെ ഞാൻ വേണ്ടെന്നു വെക്കും എനിക്കതിനു കഴിയുമോ..? " എന്താടാ...ഇങ്ങനെ ചിന്തിച്ചു നിൽക്കുന്നെ... ഇവിടെ നീ വന്നപ്പോഴുള്ള അവരുടെ സ്വീകരണം വീണ്ടും.. വീണ്ടും ഓർത്തോണ്ടിരിപ്പാണോ.. ഹേയ്...ഒന്നുല്ല.. നീ... വാ..അവരൊക്കെ എപ്പോഴാ വരുക.. എല്ലാവരെയും കാണാൻ തിടുക്കായി... അവര് നാട്ടിൽ വരുമ്പോഴൊക്കെ ഞങ്ങൾ ഒരുമിച്ചു കൂടാറുണ്ട്.. നിന്നെയാണ് ഒന്നിനും കിട്ടാത്തെ... എന്ത് രസമായിരുന്നു നമ്മുടെ പഴയ ലാസ്റ്റ് ബെഞ്ച്.. എത്ര അടിമടിച്ചിരിക്കുന്നു രമണി ടീച്ചറെ അടുത്ത് നിന്ന്. അതെ..അതെ നമ്മുടെ എത്ര പകൽ കിനാക്കളെയാണ് അവര് ചോക്കറിഞ്ഞു നശിപ്പിച്ചിട്ടുള്ളത്.. എല്ലാം ഓർക്കുമ്പോൾ വല്ലാത്തൊരു ചന്തമാണ് അന്നത്തെ നിറങ്ങൾക്ക്. സത്യം.... ഡാ..... നസീമും,അമീറും അവരുടെ പഴയകാല ഓർമകൾ പങ്കുവെച്ചു... കൊണ്ടിരിക്കുമ്പോഴാണ് അമാന...അമീറിന് വിളിക്കുന്നത്. ഹെലോ...ഇക്കാ... എന്താടി... പോയിട്ട് ഒരു വിവരവും ഇല്ലല്ലോ... മ്മ്.... ഞാൻ നസീമിന്റെ വീട്ടിൽ ഉണ്ട്....നിന്നെപ്പോലെ ഒരു കാന്താരി ഇവിടെയും ഉണ്ട്. ആണോ....? പാവം അതിനെ വെറുതേ വിട്ടേക്ക്... ഞാനവളെ കല്ലിയാണം കഴിച്ചാലോ...എന്താ നിന്റെ അഭിപ്രായം.... എന്നാ നാത്തൂൻ പോരടിച്ചു കളിക്കാം...രണ്ട് പേർക്കും... ഞാൻ റെഡിയാ.... ഇക്കുവേ...പിന്നെ.. ആരേലുമൊക്കെ വേഗം കണ്ട് പിടിച്ചോ എന്തായാലും പോകുന്നതിന് മുൻപ് ഇക്കയെ ഇനി വെറുതെ വിടാൻ ഉമ്മ ഉദ്ദേശിചിട്ടില്ല.. അമാന... ഉമ്മ എന്തെ... ഫുഡ്‌ കഴിക്കാൻ വരാൻ പറയുട്ടോ...? ഉമ്മൂമ്മ തിരക്കുന്നുണ്ട്... എല്ലാം..എടുത്ത് വെച്ചോ അപ്പോഴേക്കും ഞങ്ങൾ വരാം എല്ലാം ടേബിളിൽ എടുത്ത് വെച്ചിട്ടുണ്ട്... നിങ്ങൾ വന്നിരുന്നാൽ മാത്രം മതി... മ്മ്... വരാം... ആയിശുവിന്റെ നാദം ഫോണിലൂടെ കേട്ടപ്പോൾ മനസ്സിന് എന്തൊക്കെയോ ഒരാശ്വാസം കിട്ടിയത് പോലെ തോന്നി അമീറിന് .... ദാഹിച്ചു വലയുമ്പോൾ തൊണ്ടക്ക് ഇത്തിരി തണുത്ത വെള്ളം കിട്ടുമ്പോഴുള്ള...അനുഭൂതി.. ഇക്കാ....ഞങ്ങൾഫുഡ്‌ കഴിക്കാൻ നിൽക്ക ഇക്കവിടെ കഴിച്ചോ... ഇല്ല... കഴിക്കണം.. ഇന്നൊരു ദിവസം നിന്ന് നാളെതന്നെ വരണെ.. ഇക്കയില്ലാത്തോണ്ട്.. ഒരു രസവും ഇല്ലവിടെ... ഒക്കെ... ആമി... ഫോൺ വെച്ചോ.. *---*---* എടി...അമാന അവൻക്ക് വിളിച്ചിട്ട് കിട്ടുന്നില്ലല്ലോ...നിനക്ക് എങ്ങാനും...വിളിച്ചിരുന്നോ അവൻ... മ്മ്.. വിളിച്ചിരുന്നു...ഉമ്മി... അവർ അവിടെ പഴയ കഥകളൊക്കെ പറഞ്ഞു കത്തിയടിച്ചു ഇരിക്കാത്രെ... ഉമ്മയോട്...ആമി വിവരങ്ങൾ പറയുന്നത് കേട്ടപ്പോൾ ആയിശുവിന്റെ ചുണ്ടിൽ അറിയാതെ പുഞ്ചിരി വിടർന്നു.. ന്റെ...റബ്ബേ.. രണ്ട് ദിവസം നിന്ന് ഇക്കാക്ക് അവിടുന്ന് പെട്ടന്ന് ഇങ്ങോട്ട് വരാൻ തോന്നിപ്പിക്കണേ... ഇവിടെ ഒരാൾ കാത്തിരിപ്പാണ് എന്ന് ആ....പാവം അറിയുന്നില്ലല്ലോ... അവനെ കുറിച്ചോർത്തപ്പോൾ അവളുടെ മുഖത്ത് നാണം വിരിഞ്ഞു.... അടുക്കളയിൽ പാത്രം കഴുകുന്നതിനിടെ അവളുടെ മനസ്സിൽ ഈണം നിറഞ്ഞു... അവളറിയാതെ ചുണ്ടുകളിൽ അത്‌ തത്തി കളിച്ചു. ഖൽബിലെ...മൈലാഞ്ചി പൂത്തു...... മോഹങ്ങളൊക്കെ തളിർത്തു....... കുഞ്ഞിളം കായ്കൾ പൂവിട്ടു വിടർന്നു.... സുഗന്ധം പരത്താൻ തുടങ്ങി.... മഹ്.. മഹ്.... മഹ്... ആഹാ... ആയിശു...പാട്ടൊക്കെ വരുന്നുണ്ടല്ലോ... ഇന്നെന്തോ....നല്ല സന്തോഷത്തിലാണല്ലോ.... പെണ്ണെ....നീ.... അങ്ങിനെയൊന്നുല്ല ഇത്താ അവൾ പുഞ്ചിരിച്ചുകൊണ്ട് മുഖം താഴ്ത്തി.. പെണ്ണിന്റെ ഖൽബിൽ ആരോ...കാര്യമായി കയറികൂടീട്ടുണ്ടല്ലോ... ഹേയ്...ഞാൻ ചുമ്മാ.. പാടിയതാ...വെറുതെ ഓരോന്ന് അർഥം കാണണ്ട. ഒരു കാരണവും ഇല്ലാതെ ഖൽബിൽ....അങ്ങിനെ വെറുതേ...മൈലാഞ്ചി പൂക്കുമോ "ന്റെ.. ആയിശോ.. ജാസിയോട് മറുപടിയൊന്നും പറയാൻ നിൽക്കാതെ ബാക്കിയുള്ള പാത്രങ്ങളിലേക്ക് തിരിഞ്ഞു അവൾ എടി...പെണ്ണെ... ഖൽബിൽ മൈലാഞ്ചി പൂക്കുന്നതൊക്കെ കൊള്ളാം അതിന് കാരണക്കാരൻ എന്റെ മോൻ എങ്ങാനും ആണേൽ... ഈ...ലൈലയുടെ തനി നിറം...നീ കാണും...നോക്കിക്കോ... എച്ചിൽ പാത്രം കഴുകിയാണ് ജീവിക്കുന്നതെങ്കിലും ആശ കൊട്ടാരത്തിൽ കിടക്കാനാണ് റാണിക്ക്. അവളെ അവജ്ഞതയോടെ നോക്കികൊണ്ട് ഓരോന്ന് പിറുപിറുത്തു കൊണ്ടിരുന്നു..ലൈല.. പാത്തും പതുങ്ങിയും പൂച്ചയെ പോലെ നടന്ന് അവസാനം വല്ലതും ഒപ്പിച്ചു വെച്ചാൽ... പിന്നേ ഉമ്മാക്കും മോൾക്കും ഈ....വീട്ടിൽ സ്ഥാനമില്ല പറഞ്ഞേക്കാം.... അവളുടെ മിഴികളിൽ നിറഞ്ഞു തുളമ്പിയ നീർമണി മുത്തുകൾ താഴെ വീഴാതെ അവൾ ശ്രദ്ധിച്ചിട്ടും...അവ ഉതിർന്ന് വീണ് കൊണ്ടിരുന്നു... അവൾ അടുക്കളയിൽ നിന്നും...അവളുടെ ഉമ്മയുടെ അടുത്തേക്കോടി...ലൈലത്ത പറഞ്ഞ വാചകങ്ങൾ സങ്കടമായി പെയ്തു. എടി... എരണം കെട്ടവളെ.. ഞാൻ നിന്നോട് പറഞ്ഞിട്ടുള്ളതല്ലേ... വേണ്ടാത്തത് ഒന്നും ആശിക്കരുതെന്ന്... അതിനുള്ള യോഗ്യത നമുക്കില്ലന്ന്....അവളുടെ കൈത്തണ്ടയിലും കയ്യിലും മാറി മാറി ഉമ്മ പിച്ചി... അവൾ ഒന്നും മിണ്ടാതെ അതെല്ലാം ഏറ്റു വാങ്ങി. എനിക്കങ്ങിനെ ആരോടും ഒന്നും ഇല്ല..ലൈലത്ത എന്നെ തെറ്റിദ്ധരിച്ചതാ... എനിക്കറിയാ...ഉമ്മാ..നമ്മൾ എന്താണെന്നും നമുക്കുള്ള വില എന്താണെന്നും... എങ്കിലും..അറിയാതെ എന്റെ മനസ്സ് എപ്പോഴോ....അവൾ മുഖം പൊത്തി കരഞ്ഞു... ഇല്ല... ഇനി ഒന്നും ഉണ്ടാവില്ല... ഞാൻ എന്റെ മനസ്സിനെ പറഞ്ഞു പഠിപ്പിച്ചു കൊള്ളാം. എച്ചിൽ പത്രം കഴുകുന്ന ഈ പെണ്ണിന്...അടുക്കളയിലെ പുകയും കരിയും മാത്രമെ വിധിച്ചിട്ടൊള്ളു...എന്ന് കരുതി സമാധാനിച്ചു കൊള്ളാം... ******* എന്തൊക്കെയാ ലൈലത്ത നിങ്ങൾ വിളിച്ചു പറഞ്ഞത്...ഞാൻ ആ...പെണ്ണിനെ വെറുതേ കളിയാക്കിയതാ.... അപ്പോഴേക്കും നിങ്ങൾ കാര്യമറിയാതെ...കഷ്ടം ഉണ്ട്...ട്ടോ.... അല്ലങ്കിലും ഉമ്മാക്ക് എടുത്ത് ചാട്ടം കുറച്ചു കൂടുതലാ...അമ്മായി.. ഇക്ക.... എത്ര പ്രാവശ്യം പറഞ്ഞതാ.. അവർ തമ്മിൽ ഒന്നും ഇല്ലന്ന്...എന്തിനാ ഉമ്മാ... വെറുതേ... ആ... പാവത്തിനെ... നിങ്ങളാരും എന്നെ പഠിപ്പിക്കണ്ടാ... എനിക്കറിയാം..എന്ത് വേണമെന്ന്... ജാസു... നിന്റെ വീടിന്റെ അടുത്തുള്ള ആ...കുട്ടിയെ നമ്മുക്ക് പോയി കാണണം അവൻ വരുമ്പോഴേക്ക് കാര്യങ്ങളൊക്കെ തീരുമാനം ആവണം.... അത്....വേണോ...? അവൻ വരാതെ അത്രയും കടുത്ത തീരുമാനം വേണോ...? വേണം....ഞാൻ പറഞ്ഞാൽ അവൻ കേൾക്കും അല്ലങ്കിൽ കേൾപ്പിക്കാൻ എനിക്കറിയാം... ***** അമാന...ഉമ്മ കാണാതെ അമീറിന് വിളിച്ചു.... ഹെലോ.... ഇക്കാ... ഇന്നുണ്ടായ സംഭവങ്ങൾ എല്ലാം വള്ളിപുള്ളി വിടാതെ അമാന അമീറിനോട് വിവരിച്ചു... എല്ലാം കേട്ടുകഴിഞ്ഞപ്പോൾ അവന്റെ ഹൃദയം വല്ലാതെ പിടഞ്ഞു.. ഉമ്മാക്ക് ഭ്രാന്താണോ....ആമി.. എനിക്ക് അവളോട് ഇഷ്ടം തോന്നിയിട്ടുണ്ട് അത്‌ സത്യമാ... ഒരു കുറവും വരാതെ അതിപ്പോഴും ഉണ്ട്.. പക്ഷെ.... ആ...പാവത്തിന് അതറിയുക പോലും ഇല്ല... മോശമായി പോയി.. മാമിയുടെ വീടിനടുത്തുള്ള കുട്ടിയെ ഞാൻ കല്ലിയാണം കഴിക്കും എന്ന് കരുതി ആരും പോവാൻ നിൽക്കണ്ട...എനിക്കത് അംഗീകരിക്കാൻ കഴിയില്ല. അതിന്.. നമ്മുടെയൊക്കെ തീരുമാനം ആർക്ക് വേണം. ഇക്കാക്ക് ഇഷ്ടം ആണേൽ ആയുശുവിനെ നമുക്ക്... നോക്കാം... ഇക്കാ....ഞാൻ പറയാം ഉമ്മാനോട് വേണ്ട....ഞങ്ങൾ തമ്മിൽ ഒന്നും....ഇല്ലാതെ തന്നെ ഉമ്മാക്ക് അവളോട്... ദേഷ്യം ആണ് ആ...ആൾ..ആരും കാണാതെ അവളെ കൊല്ലാനും മടിക്കില്ല ഉമ്മ... വരുന്നുണ്ട്... ഞാൻ ഫോൺ വെക്കുവാ.... ഒക്കെ...ഡാ... അമീറിന്റെ നെഞ്ചകം ആകെക്കൂടി... നീറി പുകഞ്ഞു... അടുത്തുണ്ടായിരുന്നെങ്കിൽ ഓടി ചെന്ന്...അവളെ മാറോട് അടക്കിപിടിച്ച്... ആശ്വാസിപ്പിക്കാമായിരുന്നു.. ഞാൻ കാരണം ആ...പാവം.... അവന്റെ മനസ്സ് അവളുടെ അടുത്തേക്ക് ഓടി ചെല്ലനായി വെമ്പൽ കൊണ്ടു.... എന്താ.... അമീറെ നീ ഉറങ്ങുന്നില്ലേ... ഇല്ല... എന്തോ...ഉറക്കം വരുന്നില്ല.... എങ്കിൽ...ഉറക്കം വരുമ്പോ കിടക്ക്....ഞാൻ കിടന്നു ട്ടോ....നസീം അവനെ നോക്കികൊണ്ട് തിരിഞ്ഞു കിടന്നു.... ****** ആയിശു...എന്നോട് ക്ഷെമിക്ക് മോളെ....ഞാൻ വെറുതേ....തമാശക്ക്.. അത് ലൈലത്ത ഇങ്ങനെയൊരു അർത്ഥത്തിൽ എടുക്കുമെന്ന് ഒട്ടും പ്രതീക്ഷിച്ചില്ല.. സാരല്ല...ജാസിത്ത... എനിക്ക് വിഷമം ഒന്നുല്ലാ... ഉള്ളിൽ കരച്ചിൽ അടക്കാൻ പാട് പെട്ടുകൊണ്ട്... പുറമേക്കവൾ പുഞ്ചിരിച്ചു. അവളുടെ മുഖത്തെ സങ്കടം കണ്ടപ്പോൾ ജാസിത്തയുടെ മിഴികളും നിറഞ്ഞൊഴുകി രണ്ട് പെരും പരസ്പരം വാരിപ്പുണർന്ന് പൊട്ടികരഞ്ഞു. (തുടരും..) കണ്ണൂർകാരൻ 🌹🌹🌹🌹🌹 #✍ തുടർക്കഥ #📙 നോവൽ #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ