#💭 എന്റെ ചിന്തകള്‍ #💭 Best Quotes #✍️Life_Quotes #💓 ജീവിത പാഠങ്ങള്‍ #🙋‍♀️ എൻ്റെ സ്റ്റാറ്റസുകൾ ✍️✍️✍️✍️ മിണ്ടുന്നവരും മിണ്ടാത്തവരും,🗣️ "മിണ്ടി മിണ്ടി മിണ്ടാതായവർ, എന്നാരംഭിക്കുന്ന ചെറിയൊരു ചിന്ത ഫെയ്സ്ബുക്കിൽ വായിക്കാനിടയായി. "ഒരുകാലത്ത് ഒരുപാട് മിണ്ടിയിരുന്ന പിന്നീട് ഒട്ടും മിണ്ടാനാവാതെ ജീവിതത്തിൽ ഒരിക്കൽ പോലും മിണ്ടില്ല എന്ന് വാശിപിടിച്ചിരിക്കുന്ന എത്രയോ ബന്ധങ്ങൾ, സൗഹൃദങ്ങൾ നമുക്ക് പറയുവാനുണ്ടാകും. കരുതലോടെ ഒപ്പം കൂടിയവർ കരുതാതെ പോകുന്നതും കരുതേണ്ടിയിരുന്നില്ല എന്ന് തോന്നിപ്പിക്കുന്നതും തമ്മിലെ കാര്യമുള്ളതോ ഇല്ലാത്തതോ ആയ ഇഷ്ടക്കേടുകളാകാം. മനസ്സുകളെ ആഴത്തിൽ അകറ്റി നിർത്തിയ ഒരു കാരണവും കൃത്യമായി ഒന്നോർത്തെടുക്കുവാൻ പോലും കഴിയാതെ വിസ്മൃതിയിലാവുന്നവരും മിണ്ടി മിണ്ടി മിണ്ടാതായവരും ആത്മ ഗദ്ഗദത്തിനായുളള ഒരവസരവുമൊരുക്കാതെ എന്നന്നേക്കുമായി അകലുന്നു. ചിലരാകട്ടെ വീണ്ടുമൊരു അവസരത്തിനായി കാലങ്ങളോളം കാത്തിരിക്കുന്നു..." ഒപ്പമുണ്ടാകുമെന്ന് വാതോരാതെ പറഞ്ഞവരിൽ പലരും മനസുകൊണ്ടും ശരീരം കൊണ്ടും വിദൂരത്താവുകയും ഒപ്പമുണ്ടാകില്ലെന്ന് കരുതിയവർ പലരും സമീപത്താകുകയും ചെയ്തു. ബന്ധങ്ങളുടെ ആഴം എത്ര ലോലമാണെന്നും ദൈവത്തിൻ്റെ കരുതൽ എത്ര വിസ്തൃതമാണെന്നും ചിന്തിച്ചു പോകുന്നു. കുറവുകളോടൊപ്പം മറ്റുള്ളവരെ ചേർത്തു നിർത്താൻ കഴിയാത്തത് നമ്മുടെയെല്ലാം ബലഹീനതയാകുമ്പോഴും ചേർത്തു നിർത്തിയവരിൽ പലരും മുറിവേൽപിച്ച് അകലുന്നതും പ്രതീക്ഷിക്കാത്തവർ പലരും ചേർന്നുനിൽക്കുന്നതും യാഥാർത്ഥ്യം തന്നെ.