. *अनुभव हा सर्वात मोठा गुरु आहे असं आपण म्हणतो, पण तरीही दुसऱ्याच्या अनुभवातून शिकायला आपण मागे पडतो. कारण समाज हा जरी आरसा असला, तरी त्या आरशात आपण स्वतःला पाहण्याऐवजी नेहमी इतरांच्या चुका, कमतरता आणि दोष शोधत राहतो.* *एखादी घटना आपल्यावर आली नाही, तोपर्यंत ती आपल्याला स्पर्श करत नाही. जोपर्यंत आपण स्वतःला त्या व्यक्तीच्या जागी ठेवून सहानुभूतीने विचार करत नाही, तोपर्यंत ती घटना फक्त ऐकलेली गोष्टच राहते. बातम्या वाचतो, चर्चा करतो, मतं मांडतो; पण मनात बदल घडत नाही.* *अनुभव तेव्हाच शिकवतो, जेव्हा आपण स्वतःला त्या वेदनेत, त्या संघर्षात पाहतो. सहानुभूती आपल्याला संवेदनशील बनवते आणि संवेदनशीलता शहाणपणाकडे घेऊन जाते. दुसऱ्याच्या चुकांवर हसण्याऐवजी त्यातून धडा घेतला, तर अनेक चुका स्वतःच्या आयुष्यात टाळता येतात.* *म्हणून अनुभव फक्त भोगलेला असावा असं नाही, तर समजून घेतलेला असावा. तेव्हाच समाजाचा आरसा आपल्याला स्वतःकडे पहायला शिकवतो.* #🎭Whatsapp status #✍🏽 माझ्या लेखणीतून #😏मतलबी दुनिया #🙂Positive Thought #😴शुभ रात्री😴