#🌹प्रेमरंग नवविवाहित जोडप्यांमध्ये असते अवघडलेपणाची जाणीव नवरी म्हणून आलेली पोरगी तिला भासते माहेरची उणीव लग्नानंतरच्या विधी होतात पै पाहुणे कमी होतात राहतात ते नवविवाहित जोडप्यांचे अवघडलेपण... लग्न होऊन आलेली ती तर नव्या जगातच असते ना कोणी ओळखीचे, ना कोणी आपुलकीचे कोणाच्या स्वभावाला काय आवडेल अन काय न आवडेल या विचारात ती स्वयपाक करते केल कोणी कौतुक तर खुश होते बोलले कोणी टोचून तर एकट्याने रडते असेल खंबीर तर लगेच वागते जशास तसे शांत असेल तर मनाला लावून घेते आईच्या आठवणीने कधी रडते तर कधी बापाच्या शिकवणीने सावरते हळूहळू अवघडलेपण कमी होते सुंदर संसाराला सुरुवात होते त्याच्यात ती नकळत गुंतायला लागते नव्या संसाराला स्वप्नांची दिशा देऊ लागते