خزاں کے آخری دن تھے بہار آئی نہ تھی لیکن ہوا کے لمس میں اک بے صدا سی نغمگی محسوس ہوتی تھی درختوں کے تحّیر میں کسی بے آسرا امید کی لَو تھرتھراتی تھی گزرگاہوں میں اڑتے خشک پتّے اجنبی لوگوں کے قدموں سے لپٹتے اور الجھتے تھے تو اک بھولی ہوئی تصویر جیسے کوند جاتی تھی، ہر اک منظر کے چہرے پر لرزتی بے کلی کی ریشمیں چلمن کشیدہ تھی نظر رستہ نہ پاتی تھی کچھ ایسا ہی سماں تھا جب وہ میرے بخت کے صحرا میں ساون کی طرح اتری، میرے سانسوں میں مہکی تھی نگاہوں کے ستارے، آرزو کے استعارے تھے، تمناؤں کے سیلِ شوق میں بہنے لگی تھی وہ میرے سینے پہ سر رکھ کر اچانک مسکرائی اور کچھ کہنے لگی تھی وہ نہ جانے کیا تھا وہ جملہ! وہ اس کا ادھ کہا جملہ! جو غنچے کی طرح ان کانپتے ہونٹوں پہ پھوٹا تھا اسی لمحے کوئی کوئل بڑے ہی درد سے کوکی تھی وہ جیسے، اچانک نیند سے جاگی تھی اور اس نے بڑے دکھ سے فلک کی سمت دیکھا تھا وہ بولی تھی، "ستارہ شام کا روشن ہوا ہے، اب میں چلتی ہوں!" خزاں کے آخری دن ہیں ہوا کے لمس میں اک بے صدا سی نغمگی محسوس ہوتی ہے کوئی مانوس سی خوشبو میرے کانوں میں کہتی ہے، پھر اس کے حُسن کا محرم تیرا دل ہونے والا ہے وہ اس کا ادھ کہا جملہ مکمل ہونے والا ہے #حقیقی محبت #عشق حقیقی #محبت #سچی محبت true love# #👨🏻‍🏫لوگوں کے لئے سیکھ🧑‍🤝‍🧑 #🥰میرا سٹیٹس ❤️