ഔദാര്യമാനസൻ പുഷ്ടി പ്രാപിക്കും; തണുപ്പിക്കുന്നവന്നു തണുപ്പു കിട്ടും. (സദൃശ്യവാക്യങ്ങൾ 11:25) ദൈവത്തിന്റെ സമ്പദ്‌വ്യവസ്ഥ ലോകത്തിന്റെ രീതിയിൽ നിന്ന് വ്യത്യസ്തമാണ്. ലോകം പറയുന്നു, “നിനക്കുള്ളത് സൂക്ഷിച്ചുവെക്കുക.” എന്നാൽ ദൈവം പഠിപ്പിക്കുന്നത്, ഉദാരതയിലൂടെ തന്റെ അനുഗ്രഹങ്ങൾ മറ്റുള്ളവരിലേക്ക് ഒഴുകാനുള്ള ഒരു വഴിയാണ് തുറക്കപ്പെടുന്നതെന്നാണ്. നാം മറ്റുള്ളവരെ അനുഗ്രഹിക്കുമ്പോൾ ദൈവം നമ്മെയും അനുഗ്രഹിക്കുന്നു. അബ്രാഹാം അപരിചിതരെ ഉദാരമായി സ്വീകരിക്കുകയും തന്റെ വീട്ടിലേക്ക് സ്വാഗതം ചെയ്യുകയും ചെയ്തു. അവന്റെ അതിഥിസൽക്കാരം ദൈവത്തിന്റെ വാഗ്ദാനവും അനുഗ്രഹവും സ്വീകരിക്കുന്നതിനുള്ള അവസരമായി മാറി (ഉല്പത്തി 18:1–14). സാരെഫാത്തിലെ വിധവ ക്ഷാമകാലത്ത് തന്റെ അവസാനത്തെ മാവും എണ്ണയും ഏലീയാവിന് നൽകി. അവളുടെ വിശ്വാസവും ത്യാഗപൂർണ്ണമായ ഉദാരതയും കാരണം ക്ഷാമകാലം മുഴുവൻ അവളുടെ മാവും എണ്ണയും തീർന്നുപോയില്ല (1 രാജാക്കന്മാർ 17:8–16). നിങ്ങളുടെ ഉദാരതയെ ഒരിക്കലും ചെറുതായി കാണരുത്. നിങ്ങൾ മറ്റുള്ളവരെ അനുഗ്രഹിക്കുമ്പോൾ, ദൈവം നിങ്ങളെയും അനുഗ്രഹിക്കുമെന്ന് ദൈവവചനം പറയുന്നു. ഡോ. ജോൺസൺ ചെറിയാൻ #🙏🏼 ഭക്തി #😇 എന്റെ യേശു #✝ ബൈബിൾ വചനം