♦️🌲 *दिव्याच्या पूजेची अमावस्या.*🌲♦️ ‼️🌲 *भारतीय अस्मिता संस्कृती जपुया.* ♦️ ♦️ *आषाढ दर्श दीप / दिव्याची अमावस्या.* ♦️ 🌳♦️ *बुधवारी १२ ऑगस्ट रोजी*♦️🌳 ♦️‼️ *दीप अमावस्या दिव्याची अमावस्या ||* ‼️🌳 🌲🌺 *संध्याकाळी देवासमोर दिवा लावून “शुभं करोति कल्याणम्” म्हणून घरातील वडीलधार्‍यांना नमस्कार करणे हा संस्कार पिढ्यां पिढ्या चालत आला आहे.* *आता आधुनिक जगात वि‍जेच्या दिव्यांचे हजारो प्रकार असतानाही आपण देवासमोर मात्र तेल किंवा तुपाचाच दिवा लावतो.* *कारण त्याचा सात्विक प्रकाश अंधार दूर करतो आणि नजरेलाही सुखद, पवित्र वाटतो.* *दिवा मांगल्याचे प्रतिक आहे.* ♦️ *दीप अमावस्या म्हणजे आषाढ अमावस्या होय.* *या दिवसानंतर श्रावण महिन्याची सुरुवात होते.भरपूर पाऊस व अंधारून येणे हे तर श्रावणाचे वैशिष्ट्य आहे.घरातील इकडे तिकडे ठेवलेले, धुळीने माखलेले दिवे, समया, निरांजने, लामणदिवे या सर्वांना एकत्र करून, घासून पुसून लख्ख करून ठेवण्याचा हा दिवस असतो.* ♦️ *या दिवशी, सर्व दिवे चकचकीत करून पाटावर मांडून ठेवावेत.पाटाभोवती सुरेख रांगोळी रेखाटावी.सर्व दिव्यांमध्ये तेल वात घालून प्रज्वलित करावेत.कणकेचे गोड दिवे (उकडलेले) बनवतात.ओल्या मातीचे दिवेही बनवून पूजेत मांडतात.या सर्वांची हळद कुंकू , पिवळी फुले, दूर्वा ( दूर्वा ही वंश वृध्दीचे प्रतीक आहे त्यामुळे दूर्वा अर्पण करून प्रार्थना करावी.)आघाडा, अक्षता वाहून मनोभावे पूजा करावी.गोडाचा नैवेद्य दाखवावा.* ♦️ *यावेळी खालील मंत्राने दिव्याची प्रार्थना करतात.* ♦️ *दीप सूर्याग्निरूपस्त्वं तेजस: तेज उत्तमम !! गृहाणं मत्कृतां पूजा सर्व कामप्रदो भव:‼️* ♦️ *अर्थ :-- हे दीपा, तू सूर्यरूप व अग्निरूप आहेस, तेजामध्ये उत्तम तेज आहेस.मा‍झ्या पूजेचा स्वीकार कर आणि मा‍झ्या सर्व इच्छा पूर्ण कर.* ‼️ *आपल्या घरातील लहान मुलांचे औक्षण करावे.*‼️ ♦️ *आपल्या संस्कृतीमध्ये दिव्याला फार महत्व आहे,प्राणालाही प्राणज्योत म्हटले जाते.* *घरातील इडापिडा टाळून, अज्ञान, रोगराई दूर करून ज्ञानाचा प्रकाश पसरवण्यासाठी दिप प्रज्वलित करून त्यांची पूजा करावी हेच आपली संस्कृती सांगते.* ♦️ *काही ठिकाणी या दिवशी पित्रृ तर्पण देतात.* *आपल्या पितरांना तर्पण देऊन पुरणाचा नैवेद्य देखील काही ठिकाणी दाखवतात.* *पितरांना संतुष्ट करण्यासाठी अर्पण करण्याचा विधी म्हणजे पितृ तर्पण.* *अमावस्येला हा विधी केल्याने पितरांना मुक्ती मिळते आणि ते पुढील पिढीला आशीर्वाद देतात असे मानले जाते.* ♦️ *घरातील इडापिडा टाळून, अज्ञान, रोगराई दूर करून ज्ञानाचा प्रकाश पसरवण्यासाठी दीप प्रज्वलित करून त्यांची पूजा करावी हेच आपली संस्कृती सांगते.* 🙏‼️ *श्री स्वामी माऊली गुरुमाऊली*‼️🙏 #🏝 स्वर्ग आमचों गोयानं 🏝 #🌻आध्यात्म 🙏 #🙏श्री स्वामी समर्थ📿 #🙏भिऊ नकोस मी तुझ्या पाठीशी आहे