അനുരാഗം 6️⃣0️⃣ " നേരത്തെ വരണേ... എനിക്ക് ഒറ്റക്കിരുന്നു മടുക്കും.... " സിദ്ധുവിനെ നോക്കി പറഞ്ഞവൾ... " നീ വാതിലും പൂട്ടി അകത്തിരുന്നേ... എന്നിട്ട് വേണം എനിക്ക് പോകാൻ.... ഞാൻ പോയ തക്കത്തിന് ഈ വീടാർക്കും വിറ്റൊന്നും കളയല്ലേ.... അതിനും മടിയില്ലാത്ത കാഞ്ഞ വിത്താണ്.... " " മനസിലാക്കി കളഞ്ഞല്ലോ കൊച്ചു കള്ളൻ.... ". കണ്മണി അവന്റെ കവിളിൽ വലിച്ചു വിട്ടു.... കണ്മണി അകത്തു കയറി വാതിലടച്ചതും സിദ്ധു കോളേജിലേക്ക് പോയി.... നേരെ പോയത് പ്രിൻസിയുടെ മുറിയിലേക്ക് ആണ്.... "സർ ഒരു ത്രീ ഡേയ്‌സ് ലീവ് തരണം...." " എന്താ സിദ്ധാർഥ് ഇത്രേം അർജന്റ് ലീവ്... ലീവിന് മെയിൽ ചെയ്തിട്ടില്ലല്ലോ...? " " ഇല്ല സർ... നാട്ടിലേക്ക് ഒന്ന് പോകാൻ ആണ്... ഇപ്പൊ വൈഫും ഫ്രീ അല്ലേ... " " കണ്മണി ഈസ്‌ ബ്രില്ല്യന്റ് ഗേൾ.... പക്ഷേ ഇത്തിരി കുറുമ്പി ആണെന്ന് മാത്രം... സിദ്ധാർഥ്വിനു അറിയാലോ അവര് ക്ലാസും കട്ട്‌ ചെയ്തു മൂവിയും കണ്ട് നടന്ന കാര്യം എല്ലാവരും അറിഞ്ഞതാണ്... പിന്നെയും ഞാനൊരു ആക്ഷൻ എടുത്തില്ലെങ്കിൽ മറ്റുള്ള കുട്ടികൾക്ക് കൂടി അതൊരു പ്രചോദനമാകും... " "ഇട്സ് ഒക്കെ സർ.... അവൾക്ക് ഇതൊന്നും പുതുമയുള്ളതല്ലലോ..." സിദ്ധു ചിരിയോടെ പറഞ്ഞു... " ഒക്കെ... ലീവ് ഞാൻ തന്നിരിക്കുന്നു.. രണ്ടാളും നാട്ടിലൊക്കെ പോയിട്ട് വരൂ.... " സിദ്ധു സന്തോഷത്തോടെ അവിടെ നിന്നും ഇറങ്ങി... കോളേജിലേക്ക് പോയ സിദ്ധു പോയ പോലെ തന്നെയുള്ള വരവ് കണ്ട് കണ്മണി വേഗത്തിൽ മുറ്റത്തേക്ക് ഇറങ്ങി.... " എന്തെ പെട്ടൊന്ന്... വല്ലതും എടുക്കാൻ മറന്നോ... " കണ്മണി അവനെ നോക്കി ചോദിച്ചു.... "നിനക്ക് വേണ്ടത് എന്താണെങ്കിൽ എടുത്തോ ഒരാഴ്ച നിന്നെ നാട്ടിലേക്ക് പറഞ്ഞു വിടാ... നിന്റെ അച്ഛന് വിളിച്ചു ഞാൻ കാര്യങ്ങൾ പറഞ്ഞിട്ടുണ്ട്...." " എന്തിന്... " കണ്മണി ഞെട്ടി കൊണ്ടവനോട് ചോദിച്ചു.... " അല്ലാണ്ട് പിന്നെ.... നിനക്ക് അടുത്ത മണ്ടേയല്ലേ ജോയിൻ ചെയ്യാൻ പറ്റൂ... അതുവരെ ഞാൻ ഇവിടെ ലീവ് ആക്കി കൂട്ടിരിക്കാൻ പറ്റോ.... നീ നാട്ടിൽ പൊക്കോ... " " ഞാൻ പോകില്ല... ഞാൻ ഇവിടെ നിന്നോളാം... അച്ഛന് ഇതൊക്കെ അറിഞ്ഞാൽ വിഷമം ആകും... പാവം അച്ഛൻ... സിദ്ധു ഏട്ടൻ എന്ത് പണിയാ കാണിച്ചത്...." " സമയം പോകുന്നു കണ്ണെ... വേഗം.... " സിദ്ധു വെറുതെ തിരക്ക് നടിച്ചു.... " ഞാനില്ല..... " കണ്മണി മുഖം വീർപ്പിച്ചു ഇരുന്നു.... " കളിക്കാൻ നിക്കല്ലേ ട്ടൊ... എനിക്ക് നിന്നെ അവിടെ ആക്കിയിട്ട് വേണം ഇങ്ങോട്ട് തിരിച്ചു വരാൻ.... " " ഞാൻ ഇല്ല... " കണ്മണി അവിടെ നിലത്ത് ഇരുന്നു.... സിദ്ധു ചുറ്റുമോന്ന് നോക്കി... കണ്മണിയുടെ ഫോൺ കയ്യിൽ പെട്ടതും അവൻ അത് കയ്യിലെടുത്തു... അടുക്കളയിൽ ചെന്ന് ഫ്രിഡ്ജ് ഓഫ് ചെയ്തു... റൂമിൽ നിന്നും ചാർജറും എടുത്തു നിലത്ത് പടിഞ്ഞിരുന്നവളെ പൊക്കി കൊണ്ടു പുറത്തേക്ക് നടന്നു... അവളെ തോളിലിട്ട് വാതിലും അടച്ചു കാറിലേക്ക് ഇരുത്തി... ഡോർ അടച്ചു സിദ്ധു മറുവശം കയറി.... കണ്മണി മുഖം ഒറ്റ വെട്ടിക്കൽ.... " നോക്കിക്കോ... സിദ്ധു ഏട്ടൻ തിരികെ വരുമ്പോൾ ഞാനും കൂടെ പോരും.... ". സിദ്ധു ചിരിയോടെ തലയാട്ടി.... " എനിക്ക് വട്ടല്ലേ നിന്നെ അവിടെ വരെ വെറുതെ കാണിക്കാൻ കൊണ്ട് പോകാൻ.... " സിദ്ധു ഡ്രൈവ് ചെയ്യുന്നതിനിടെ പറഞ്ഞു..... കണ്മണി മുഖം വീർപ്പിച്ചു... " ഞാൻ അമ്മേടേം അച്ഛന്റേം കൂടെ നമ്മുടെ വീട്ടിൽ നിന്നോളാം... എന്റെ വീട്ടിൽ പോയാൽ അച്ഛന് സങ്കടം ആവും.... " കണ്മണി ആകെ ധർമ്മ സങ്കടത്തിലായി.... " നിന്നെ നിന്റെ വീട്ടിലാക്കുന്നു.... ഞാൻ തിരികെ പോരുന്നു അത്ര തന്നെ........ " സിദ്ധു ഓരോളത്തിൽ പറഞ്ഞു.... കണ്മണി മുഖം വെട്ടിച്ചു കൊണ്ടു തിരിഞ്ഞു കിടന്നു... " സത്യം വീട്ടിൽ പറയുക തന്നെ... അത്ര വലിയ കുറ്റം ഒന്നുമല്ലല്ലോ ചെയ്തത്... അച്ഛന് മനസ്സിലാകും എന്നെ.... " അവൾ സ്വയം സമാധാനിച്ചു.... ഏറെ നേരത്തെ യാത്രക്കൊടുവിലാണ് ആ ഗ്രാമത്തിലേക്ക് എത്തിയത്... അപ്പോഴേക്കും കണ്മണി നല്ല ഉറക്കമായിരുന്നു..... വണ്ടി ഗേറ്റ് കടന്നതും ഭാമ ടീച്ചർ വേഗത്തിൽ ഇറങ്ങി വന്നു...... സിദ്ധു ഡോർ തുറന്നു അമ്മയെ കെട്ടിപിടിച്ചു... " കുഞ്ഞെവിടെ...? " " നല്ല ഉറക്കമാണ്... ഞാൻ വിളിക്കാം... ". സിദ്ധു കോ ഡ്രൈവർ സീറ്റിലേക്ക് നടന്നു... " വേണ്ട സിദ്ധു... യാത്ര ക്ഷീണം കാണും... അവളെ എടുത്തു കൊണ്ടു കിടത്ത്... " സിദ്ധു അമ്മയെ ഒന്ന് ചുഴിഞ്ഞു നോക്കി... " അവളെന്താ കുഞ്ഞേ കുട്ടിയല്ലേ..... " " പറഞ്ഞത് കേൾക്കടാ... " ഭാമ ടീച്ചർ ഡോർ തുറന്നു പിടിച്ചു കൊടുത്തതും സിദ്ധു ഒരു പൂച്ചെണ്ട് എടുക്കുന്ന ലാഘവത്തിൽ അവളെ എടുത്തു... " ഇവളെ ഉറക്കത്തിൽ വല്ലോരും തട്ടി കൊണ്ടു പോയാൽ കൂടെ അറിയില്ല അമ്മേ... " സിദ്ധു കണ്മണിയെ ബെഡിൽ കിടത്തി ചിരിയോടെ പറഞ്ഞു.... " കൊച്ചിനെ കിടത്തി നീയും ഇത്തിരി നേരം വിശ്രമിച്ചോ... ഒരുപാട് ദൂരം യാത്ര ചെയ്തതല്ലേ.... വല്ലതും കഴിച്ചോ നിങ്ങൾ...? " " കഴിച്ചമ്മേ.... " " ഇന്ന് വൈകിട്ട് വായന ശാലയിൽ ഒരു പ്രോഗ്രാം ഉണ്ട്. ചീഫ് ഗസ്റ്റ്‌ ഞാനാ... പോയിട്ട് വരുമ്പോഴേക്കും ഉഷാറായി വാ.... " സിദ്ധുവിനെ തഴുകി കൊണ്ടു പറഞ്ഞവർ.... അമ്മ പോയതും സിദ്ധു ഡോർ ക്ലോസ് ചെയ്തു ഒരു ബോക്സറും ബനിയനും ഇട്ട് ബെഡിലേക്ക് കിടന്നു.... കണ്മണിയെ നെഞ്ചോടടക്കി പിടിച്ചുകൊണ്ടു കിടന്നു.... കണ്മണി കണ്ണുകൾ തുറന്നു നോക്കുമ്പോൾ സിദ്ധുവിന്റെ കരവലയത്തിലാണ്.... സ്ഥലകാല ബോധം വരാൻ ഇത്തിരി സമയമെടുത്തവൾക്ക്.... " സിദ്ധു ഏട്ടാ പോകുന്നില്ലേ...? " സിദ്ധാർഥ്വിനെ കുലുക്കി വിളിച്ചു കൊണ്ടു ചോദിച്ചു.... " സിദ്ധു ഏട്ടാ.... " " ന്താ കണ്ണെ.... " ഉറക്കപിച്ചിൽ ചോദിച്ചവൻ... " പോകണ്ടേ.... " " എങ്ങോട്ട്... " കണ്ണുകൾ ചിമ്മി തുറന്നവൻ ചോദിച്ചു.... " കോളേജിലേക്ക്... " " ഞാൻ രണ്ടു ദിവസം ലീവാണ്..... " സിദ്ധു നേരെ കിടന്നു കൊണ്ടു പറഞ്ഞു... " സത്യമായിട്ടും..." അവന്റെ നെഞ്ചിൽ താടി കുത്തി വെച്ച് ചോദിച്ചvവൾ... . " നീ എങ്ങോട്ടാ ഈ ഒട്ടുന്നത്... നീങ്ങി കിടക്ക് അങ്ങോട്ട്.... " സിദ്ധു അവളെയൊന്ന് തള്ളി കൊണ്ടു പറഞ്ഞു... " എന്നെ എന്ത് വേണേലും ചെയ്യാം... ഞാൻ ഒന്ന് അടുത്ത് വന്നാൽ പോലും കുറ്റം... " കണ്മണി മുഖം വീർപ്പിച്ചു കൊണ്ടു പറഞ്ഞു.... " സാരമില്ല... എന്നാലും സിദ്ധു ഏട്ടൻ ലീവ് എടുത്തല്ലോ... നല്ല ചക്കര സിദ്ധു ഏട്ടൻ.... " അവന്റെ താടിയിൽ പിടിച്ചു കൊഞ്ചിച്ചു കൊണ്ടു പറഞ്ഞു.... " ഒരു ഉമ്മ തരട്ടെ സിദ്ധു ഏട്ടാ.... " " വേണ്ടാ.... " " പ്ലീസ്... ചെറിയൊരു ഉമ്മ... ദേ ഇവിടെ.... " അവന്റ ചുണ്ടിൽ തൊട്ടു കൊണ്ടു പറഞ്ഞവൾ.... " വേണ്ടാ.... " സിദ്ധു ഈർഷ്യ പോലെ പറഞ്ഞു.... " പണ്ട് ഞാൻ കോളേജിൽ പഠിക്കുമ്പോൾ എത്ര പേരാ കണ്മണി ഒരു ഉമ്മ തരോ എന്ന് ചോദിച്ചു എന്റെ പിന്നാലെ നടന്നത്.... " സിദ്ധുവിന്റെ കുശുമ്പ് കാണാൻ വേണ്ടി കണ്മണി ചോദിച്ചു.... " ഇപ്പൊ അമ്മൂമ്മ ഈ ഉമ്മ ഹോൾ സെയിൽ ആയാണോ കൊടുക്കുന്നത്....? " " അമ്മൂമ്മയോ....? " " ആ പണ്ട് കോളേജിൽ നീ പഠിച്ചെങ്കിൽ ഇപ്പൊ നീ അമ്മൂമ്മയായി കാണില്ലേ.. പറയൂ അമ്മൂമ്മേ എങ്ങനെ ഈ ഉമ്മ കൊടുത്തിരുന്നത്....." "ഞാൻ ആർക്കും കൊടുത്തിട്ടൊന്നുമില്ല... എന്നോട് ഇങ്ങോട്ട് ചോദിച്ചു വരും...." കണ്മണി മുഖം വീർപ്പിച്ചു പറഞ്ഞു... " അത്രേം ദാരിദ്ര്യമുള്ള ചെറുപ്പക്കാരോ.... " സിദ്ധു ആലോചനയോടെ ചോദിച്ചു..... കണ്മണി ഒറ്റ കുത്ത് കൊടുത്തു ബെഡിൽ നിന്നും എഴുന്നേറ്റു... ബാത്‌റൂമിലേക്ക് കയറാൻ ഡോർ തുറന്നു... പിന്നെ എന്തോ ഓർത്ത പോലെ തിരിഞ്ഞു നിന്നു.... " എന്റെ സ്നേഹം കണ്ടില്ലെന്ന് വെക്കുന്ന സിദ്ധാർഥ് സാറെ..... ഇത് മനസ്സിൽ കുറിച്ച് വെച്ചോളൂ..... ഒരുനാൾ നിങ്ങളീ സ്നേഹത്തിന് എന്റെ പിന്നാലെ നടക്കും... ഇത് എൻ സാപം.... സാപം... സാ.... പം..... " കണ്മണി തമാശ പോലെ പറഞ്ഞു കൊണ്ടു അകത്തേക്ക് കയറി.... സിദ്ധു ചിരിയോടെ തലയാട്ടി..... " ഇങ്ങനെ ഒരു പെണ്ണ്..... " വൈകിട്ട് കുളിയും കഴിഞ്ഞു കണ്മണി വിളക്ക് കൊളുത്തി ഉമ്മറത്തിരുന്നു.... " നീ എന്താ പുറത്തേക്ക് നോക്കിയിരിക്കുന്നത്....? " സിദ്ധു അവളുടെ തലയിൽ കിഴുക്കി ചോദിച്ചു.... " എപ്പോഴും ഈ മുഖമല്ലേ കാണുന്നത്... കണ്ട് കണ്ടു മടുത്തു... ഫ്രഷ് വല്ലതും കണ്ടാലോ.... " കണ്മണി പുരികം ഉയർത്തി ചോദിച്ചു.... " എങ്കിൽ വാ നിന്നെ ഞാൻ ആ കവലയിൽ കൊണ്ടു വിടാം... അതാകുമ്പോ എപ്പോഴും ഫ്രഷ് ഫ്രഷ് ഐറ്റംസ് കാണാം..... " അവളുടെ കയ്യിൽ പിടിച്ചു വലിച്ചു കൊണ്ടു പറഞ്ഞു.... " നിങ്ങള് ഒരു മനുഷ്യൻ തന്നെയാണോ... താലി കെട്ടിയ ഭാര്യ വേറെ ഒരാളെ നോക്കുന്നത് കാണുമ്പോൾ സാധാരണ ഭർത്താക്കൻമാർക്ക് ചൊറിഞ്ഞു വരും... നീ എന്റെ ആണെന്ന് പറഞ്ഞു കെട്ടിപിടിച്ചു ഉമ്മ കൊടുക്കും... ഇത്‌ വേണേൽ എന്നെ വേറെ വല്ലോർക്കും കെട്ടിച്ചു കൊടുക്കും..... " കണ്മണി മുഖം വെട്ടിച്ചു കൊണ്ടു പറഞ്ഞു.... " ഒരു ഉമ്മക്ക് വല്ലാണ്ട് കൊതിക്കുന്നുണ്ടല്ലേ എന്റെ കൊച്ച്....." സിദ്ധു പറഞ്ഞതും കണ്മണി ഇളിച്ചു കാണിച്ചു.... " തരോ.... " കണ്മണി മുറ്റത്തേക്ക് ഇറങ്ങുന്നവനെ നോക്കി ചോദിച്ചു....... പിറക് തിരിഞ്ഞു നോക്കാതെ തരില്ലെന്ന് കൈ വീശി സിദ്ധു ആ മതിലോരം ചേർന്ന് നിന്ന് പാടത്തേക്ക് നോക്കി.... കാത്തിരിക്കുക. #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ