*બીજું શું જોઈએ પ્રભુ ?*
ખાવા મીઠાં બે રોટલાં હોય,
રહેવા નાના ઓટલા હોય;
ઓછી ઇચ્છાના પોટલાં હોય,
*બીજું શું જોઈએ પ્રભુ ?*
સાવ નિરોગી કાયા હોય,
સંતાનો બધાય ડાયા હોય;
માવતરની અમૂલ્ય છાયા હોય,
*બીજુ શું જોઈએ પ્રભુ ?*
ફટ દઈ ઊંઘ આવતી હોય,
સારું કરવાની મતિ હોય;
કરૂણા સહુ પ્રતિ હોય,
*બીજુ શું જોઈએ પ્રભુ ?*
સંપીલો પૂરો પરિવાર હોય,
મગજ પર જરીય ભાર ન હોય;
નિર્દોષ ખુશીઓની ભરમાર હોય,
*બીજુ શું જોઈએ પ્રભુ ?*
પેટ ભરીને ખવાતું હોય,
ખાધેલું પચી જાતું હોય;
મોજ ભરેલી વાતું હોય,
*બીજુ શું જોઈએ પ્રભુ ?*
પ્રભુનું નિત્ય સ્મરણ હોય,
ભલે પછી એ અભણ હોય;
દંભ રહિત જીવવાની લઢણ હોય,
*બીજુ શું જોઈએ પ્રભુ ?*
સુંદર મજાનો સ્વભાવ હોય,
ભલેને રૂપિયાનો અભાવ હોય;
ભીતરી ઉજાસનો પ્રભાવ હોય,
*બીજુ શું જોઈએ પ્રભુ ?*
સ્વજનો આસપાસ હોય,
પીવા ભલેને છાસ હોય;
પ્રસન્નતાની સુવાસ હોય,
*બીજુ શું જોઈએ પ્રભુ ?*
તંદુરસ્ત બસ તન હોય,
અહોભાવયુક્ત મન હોય;
સંતોષ નામનું ધન હોય,
*બીજુ શું જોઈએ પ્રભુ ?*
તારા- મારાનો ભેદ ન હોય,
હારવાનો કોઈ ખેદ ન હોય;
સંબંધોમાં છેદ ન હોય,
*બીજુ શું જોઈએ પ્રભુ ?*
ખાવા ભલે ખીર ન હોય,
ભલે શ્રીમંતાઈની તકદીર ન હોય;
પણ, અંતરમાં શ્રીહરી હોય... તો,
*બીજુ શું જોઈએ,પ્રભુ ?*
#🙏 જય શ્રી કૃષ્ણ