#🙏महादेव स्टेट्स video #🙏श्री गुरुदेव दत्त💐 #🙏जय हनुमान व्हिडीओ #🙏आई एकविरा 🙏 श्री गणेशाय नमः ||* *विश्ववंद्य बुद्धीदाता श्रीगणेश भाग - ६* *५. महागणपती -* *'गणानांत्वा शौनको गृत्समदो गणाधिपतिर्जगती गणपत्यावाहने विनियोग:' या श्रीगणेशाच्या आवाहनाच्या मंत्रातील गृत्समद ऋषी विद्वान तपस्वी होते. त्यांना एक पुत्र झाला. त्याला श्रीगणेशाने प्रसन्न होऊन तीन नगरी दिल्या. तो तीन पुरांचा स्वामी म्हणून त्रिपुरासुर झाला. आपल्या प्रतापाच्या गर्वाने तो माजला आणि त्याने शंकरावर स्वारी केली. भगवान शंकर हे प्रत्यक्ष लयकर्ताच आहेत. त्यांनी त्याचा अंत केला ते हे मणिपूर रांजणगाव. येथे शंकरानी गणेशाची स्थापना केली. त्रिपुरासुर वधासाठी महापराक्रम केला म्हणून महागणपती.* *परमेश्वर लिलांच्या कोणत्याही कथा या केवळ इतिहास असत नाहीत किंबहुना त्याकडे इतिहास म्हणून बघू जाता सत्यान्वेषणाचा मोह झाल्याशिवाय राहत नाही. अर्थात हा भाग ज्ञानमार्गीयांचा आहे. ईश्वर बुद्धिगम्य नक्कीच नाही. बुद्धीच्या आधाराने हा विश्वाचा पसारा, हे व्यापकत्व हे कुठल्या तरी चैतन्याच्या एकत्वात आहे, हे शोधण्यासाठी करावयाची खटपट म्हणजे ज्ञानभक्ती.* *रामायणात जसे श्रीमारुतीरायांनी मोत्याच्या कंठ्यातील एक एक मोती दातांनी फोडून फेकून दिला तद्वत ज्ञानी भक्ताला बुद्धीवर घासून एक एक तत्व फेकूनच द्यावे लागते. तेव्हा छाती न फाडता आत्मरूप दर्शन होते. तर भाविक भक्तांना कथेच्या माध्यमातून भगवत गुण कीर्तन करूनच त्याची महती पटत असते. गीतेतही श्रीकृष्णांनी असे सांगितले आहे की:* *लोकेस्मिन द्विविधा निष्ठा पुरा प्रोक्ता मयानद्य* *ज्ञानयोगेन सांख्यानां* *कर्मयोगें योगीनाम'* *६. वरद विनायक (महड) -* *रायगड जिल्यातच पूर्वीच्या काली भद्रक किंवा पुष्पक नावाचे अरण्य होते. तेथे गृत्समद नावाच्या ऋषींनी घोर तपश्चर्या करून श्रीगणेशाला प्रसन्न करून घेतले. गृत्समदाच्या आईने काम मोहीत होऊन पापाचरण केले होते आणि त्यातूनच ऋषींचा जन्म झाला होता. लोक त्यांची कुचेष्टा करीत अशा ह्या पापातून मुक्त होण्यासाठीच गृत्समदानी गणेशाला तपाचरण करून प्रसन्न करून घेऊन गणेशांना इथेच राहा, अशी विनंती केली. वर देणारा तो वरदविनायक म्हणून प्रसिद्ध आहे.* *प्रभुकृपांकीत* *श्री प्रभाकर गजाननराव अपस्तंब गुरू, नांदेड* *मो.नं.९३७११८७६६६* *क्रमशः*