അദൃശ്യം ഭാഗം 16 ഷാനു.വടക്കാഞ്ചേരി അത് മേടം എന്റെ അന്വേഷണത്തിൽ അതൊരു ആക്സിഡന്റ് തന്നെയാണ്. പിന്നെ സാക്ഷികൾ കുടുംബക്കാർ ജോലിക്കാർ സുഹൃത്തുക്കൾ അവരെയെല്ലാം ചോദ്യം ചെയ്തപ്പോഴും ആർക്കും ഒരു സംശയവും ഉണ്ടായിരുന്നില്ല. പിന്നെയെങ്ങനെ ഞാൻ ആ കേസ് മറ്റൊരു രീതിയിൽ അന്വേഷിക്കും... പ്രതീപ് തെളിവുകൾ ഒരിക്കലും നമ്മെ തേടി വരില്ല നമ്മളാണ് കണ്ടെത്തേണ്ടത്. അന്ന് താൻ ബാലുവിന്റെ ഡ്രൈവറേ കണ്ടിരുന്നോ... Yes മേടം... അന്ന് അയാൾ തന്നോട് എന്താ പറഞ്ഞത്... അത് മേടം എനിക്ക് ഓർമ്മ വരുന്നില്ല.എല്ലാം ഞാൻ ആ കേസ് ഫയലിൽ എഴുതിയിട്ടുണ്ട്... പ്രതീപ് തനിക്ക് ഓർമ ഉണ്ടാവില്ല. കാരണം താൻ  ആ കേസ് എത്രയും പെട്ടന്ന് തന്നെ ക്ലോസ് ചെയ്യാനുള്ള തിടുക്കത്തിലായിരുന്നു... മേടം... മേടം പറയുന്നത് കേട്ടാൽ തോന്നും ആ കേസ് എന്റെ പ്രത്യേക താല്പര്യം മൂലം ക്ലോസ് ചെയ്തതാണെന്ന്.ഞാൻ ആ കേസ് വളരെ സത്യസന്ധതയോടെ തന്നെയാണ് അന്വേഷിച്ചത്. ഞാൻ കണ്ടെത്തിയ കാര്യങ്ങളെല്ലാം സത്യം തന്നെയാണ്. അതൊരു ആക്സിഡന്റ് തന്നെയാണെന്ന് ഞാൻ ഇപ്പോഴും ഉറപ്പിച്ചു തന്നെ പറയുന്നു... മിസ്റ്റർ പ്രതീപ് ഞാൻ താങ്കളെ ദേഷ്യം പിടിപ്പിക്കാൻ വേണ്ടി പറഞ്ഞതല്ല. താൻ അന്വേഷിച്ചപ്പോൾ ചില കാര്യങ്ങൾ വിട്ടുപോയി എന്ന് ഓർമ്മിപ്പിക്കാൻ വേണ്ടി പറഞ്ഞതാണ്... എന്ത് കാര്യങ്ങൾ..? ഒന്ന് താൻ എങ്ങനെയാണ് ആ ആക്സിഡന്റ് ഉണ്ടായത് എന്ന് അന്വേഷിച്ചില്ല... രണ്ട് നിർത്താതെ പോയ ആ ലോറി എവിടുന്നു വന്നു എത്ര നേരം അവരെ ഫോളോ ചെയ്തു.ആക്സിഡന്റ് ഉണ്ടായത്തിന് ശേഷം അത് എവിടേക്ക് പോയി എന്നൊന്നും താൻ അന്വേഷിച്ചില്ല... അങ്ങനെ പല കാര്യങ്ങളും താൻ മറന്നു പോയി അല്ലെങ്കിൽ വേണ്ടന്ന് വെച്ചു... അല്ല മേടം ഞാൻ ആ വണ്ടിയെ കുറിച്ച് അന്വേഷിച്ചു ആ ആക്സിഡന്റ് നടന്ന സ്ഥലത്ത് CCTV ക്യാമറ ഒന്നും തന്നെ ഉണ്ടായിരുന്നില്ല. ആ സംഭവം നടക്കുന്നത് ആളൊഴിഞ്ഞ ഒരു റോട്ടിലാണ്. വണ്ടികൾ തന്നെ രാത്രി സമയങ്ങളിൽ വല്ലപ്പോഴും മാത്രമാണ് പോകുന്നത്. പിന്നെ ആക്സിഡന്റ് നടന്നത് നിർത്തിയിട്ടിരുന്ന കാറിന്റെ പിറകിൽ ആ ലോറി വന്നു ഇടിക്കുകയായിരുന്നു. ഇടിയുടെ ആഘാതത്തിൽ ഡ്രൈവിങ് സീറ്റിലിരുന്ന ബാലുപിള്ള തെറിച്ച് തല ഇടിച്ചു വീണാണ് മരണപ്പെട്ടത്. ഒപ്പം ഉണ്ടായിരുന്ന ഡ്രൈവർ അദ്ദേഹം സൈഡ് സീറ്റിൽ ആയിരുന്നു ഇരുന്നിരുന്നത്. ആൾ റോഡിന്റെ സൈഡിലെ കനാലിലേക്കും തെറിച്ച് വീണു. അത് കണ്ട് ആ ലോറി നിർത്താതെ പോയി അതാണ്‌ ഉണ്ടായത്... അതും പറഞ്ഞ് പ്രതീപ് നിർത്തി... പ്രതീപ് താൻ പറയുന്നത് ഒരുപക്ഷെ ശെരിയായിരിക്കാം. എന്നാൽ അന്ന് അവിടെ അങ്ങനെയല്ല നടന്നത്. ഈ കേസ് ഞങ്ങൾ വീണ്ടും റീ ഓപ്പൺ ചെയ്യാൻ പോവുകയാണ്. എന്തെങ്കിലും സഹായം ആവശ്യം വന്നാൽ ഞാൻ വിളിക്കും... അത്...അത്.... മേടം... (പ്രതീപ് വിക്കി വിക്കി പറഞ്ഞു ) എന്താ പ്രതീപ് ബുദ്ധിമുട്ടുണ്ടോ..? ( രുദ്ര ചോദിച്ചു ) ഇല്ല മേടം... ഞാൻ കൂടെയുണ്ടാകും... താങ്ക്സ് പ്രതീപ്... Ok പ്രതീപ് താങ്കൾ പൊക്കോളൂ... (ഭദ്ര പറഞ്ഞു) പ്രതീപ് അവർക്ക് സല്യൂട്ട് കൊടുത്ത് അവിടെ നിന്നും ഇറങ്ങി.ശേഷം ജോൺ തുടർന്നു... പ്രതീപ് മേടം ഉദ്ദേശിക്കുന്ന പോലത്തെ ആളല്ല. അവന്റെ അരികിൽ എത്തുന്ന ഏത് കേസും അത് വലുതായാലും ചെറുതായാലും വളരെ ആത്മാർത്ഥയോടും സത്യസന്ധതയോടും കൂടിയേ അന്വേഷിക്കാറുള്ളു.അവൻ ഈ കേസിലും അത് തന്നെയാകും ചെയ്തിട്ടുണ്ടാവുകയുള്ളൂ... അതിന് ജോൺ ഞാൻ പറഞ്ഞത് ആളൊരു മോശം പോലീസ്കാരൻ എന്ന് ഉദ്ദേശിച്ചല്ല. അയാൾ അതിന്റെ ഒരു വശം മാത്രമേ കണ്ടിട്ടുള്ളൂ. ഒരു പക്ഷേ ഇന്ന് ശരത് കാണിച്ച ധൈര്യം അന്ന് കാണിച്ചിരുന്നെങ്കിൽ ആ മരണത്തിന്റെ അല്ലെങ്കിൽ ആ കൊലപാതകത്തിന്റെ പിന്നിലുള്ളവരെ ഈ പറയുന്ന പ്രതീപ് തന്നെ കണ്ട് പിടിച്ചേനെ... (ഭദ്ര പറഞ്ഞു നിർത്തി. അതൊക്കെ പോട്ടേ ഈ കേസ് നമ്മൾ എവിടുന്നു തുടങ്ങണം എങ്ങനെ തുടങ്ങണം എന്ന് ആലോചിക്കണം.കാരണം നമ്മൾ അന്വേഷിച്ചു കൊണ്ടിരിക്കുന്ന ഈ ഫോട്ടോയിലുള്ള ഇയാളെ കണ്ടത്തിയാൽ മാത്രമേ മറ്റു രണ്ട് കേസിലേക്ക് നമുക്ക് എത്തിച്ചേരൻ സാധിക്കൂ... മേടം... ഫിറോസ് വിളിച്ചു... ഉം... പറ ഫിറോസ്... മേടം നമ്മുക്ക് ആ ലോറി ആദ്യം കണ്ടത്തിയാലോ... എങ്ങനെ ആ വണ്ടിയുടെ നമ്പറോ അല്ലെങ്കിൽ ആ വണ്ടിയെ കുറിച്ചുള്ള വല്ല വിവരമോ ഒന്നും തന്നെ ആർക്കും അറിയില്ല. ഇനി വല്ല CCTV ദൃശ്യങ്ങൾ കണ്ടെത്താം എന്ന് വച്ചാൽ അതും നടക്കില്ല. കാരണം രണ്ട് കൊല്ലം മുമ്പുള്ള ദൃശ്യങ്ങൾ എവിടുന്നു കിട്ടാനാണ് രുദ്ര പറഞ്ഞു... മേടം കുറച്ചു മുമ്പ് എനിക്ക് നേരേ ഒരു ഫോൺ നീട്ടിയില്ലേ ആരുടെയോ ഫോട്ടോ കാണിച്ചു തരാം എന്ന് പറഞ്ഞ്. ഫിറോസ് ചോദിച്ചു... ഓ ഞാൻ അത് മറന്നു... ഇതാ ഇതാണ് ആ ഫോട്ടോ. ഭദ്ര വീണ്ടും ഫോൺ അവർക്ക് നേരേ നീട്ടി... മേടം ഇത് ആരാണ്... ഇത് ബാലുപിള്ളയുടെ ഭാര്യ... ഭാര്യയോ... ഫിറോസ് അത്ഭുതത്തോടെ ചോദിച്ചു.മേടം ഇങ്ങനെ ഒരാളെ കുറിച്ച് ആരും പറഞ്ഞില്ലല്ലോ. അതായത് ബാലുപിള്ളയുടെ സുഹൃത്തുക്കൾ ജോലിക്കാർ അങ്ങനെ ആരും... അതിൽ ഒരു കാര്യമുണ്ട്. ഇത് ബാലുപിള്ളയുടെ ഭാര്യായാണെന്ന് ആർക്കും അറിയില്ല. സ്വന്തം അച്ഛനും അമ്മക്ക് പോലും. സമൂഹത്തിന്റെയും സുഹൃത്തുക്കളുടെയും ജോലിക്കാരുടെയും ബന്ധുക്കളുടെയും ഇടയിൽ അയാൾ അവിവാഹിതനാണ്.ശരത്തിന്റെ സുഹൃത്ത് ബാലുപിള്ളയുടെ ഡ്രൈവർ മാത്രമായിരുന്നില്ല മനസ്സ് സൂക്ഷിപ്പുകാരനും കൂടിയായിരുന്നു.അതുകൊണ്ട് അയാൾക്ക് മാത്രം അറിയുന്ന ഒരു രഹസ്യമായിരുന്നു ഇത്.ഒരു പക്ഷേ ഇവർക്ക് അറിയാമായിരിക്കും ബാലുപിള്ളയെ കുറിച്ച്. ആദ്യം ബാലുപിള്ളയുടെ ഭാര്യയെ അതായത് സുജാതയേയും അവരുടെ മകനേയും കണ്ടെത്തണം. ബാലുപിള്ള മരിക്കുന്നതിന് മുമ്പ് അല്ലെങ്കിൽ കൊല്ലപ്പെടുന്നതിനു മുമ്പ് താമസിച്ചിരുന്നത് കോഴിക്കോടായിരുന്നു. ഇപ്പോൾ എവിടെയാണ് എന്ന് ആർക്കും അറിയില്ല. ഒരുപക്ഷെ അവിടെ അന്വേഷിച്ചാൽ ഇവർ എവിടെ ഉണ്ടാകും എന്ന് അറിയാമായിരിക്കും. രുദ്രയും ഫിറോസും പിന്നെ ശരത്തും കൂടി അവിടെ വരെ ഒന്ന് പോകണം. ഞാൻ ശരത്തിനോട് പറഞ്ഞിട്ടുണ്ട്.അവർ ഇപ്പോൾ എവിടെയാണെന്ന് അന്വേഷിക്കണം. ഭദ്ര പറഞ്ഞു... Ok മേടം... ഫിറോസ് പറഞ്ഞു... ഇന്ന് മുതൽ നമ്മൾ അന്വേഷണം ആരംഭിക്കുകയാണ്.ജോൺ നമുക്കും ഒരു ചെറിയ പരിപാടിയുണ്ട്. പിന്നെ ഈ ബാലുപിള്ളയുടെ കേസ് അന്വേഷിക്കുന്നത് നമ്മൾ മാത്രം അറിഞ്ഞാൽ മതി. അതായത് നമ്മുടെ ഡിപ്പാർട്മെന്റിൽ ആരും അറിയാൻ പാടില്ല. ഭദ്ര പറഞ്ഞു... ഫിറോസ് നിങ്ങൾ ശരത്തിനെ വിളിച്ച് പോകുന്നത് എങ്ങനെയാണെങ്കിൽ മൂന്നുപേരും കൂടി നാളെ തന്നെ പുറപ്പെടണം... Ok മേടം... സമയം ഒരുപാടായി നിങ്ങൾ പൊക്കൊളു. ഫിറോസ് നാളെ രാവിലെ ഗസ്റ്റ് ഹൗസ്സിൽ എത്തിയാൽ മതി രുദ്ര പറഞ്ഞു. ശേഷം ഭദ്രയും രുദ്രയും അവിടെ നിന്നും ഇറങ്ങി... ആ ജോൺ താൻ നാളെ രാവിലെ പത്തുമണിക്ക് ഇവിടെ എത്തിയാൽ മതി. ഭദ്ര പറഞ്ഞു... Ok മേടം...      ::::::::::::::-------------------------::::::::::::::::: പിറ്റേ ദിവസം രാവിലെ ഫിറോസ് രുദ്രയെ വിളിക്കാനായി കാറുമായി ഗസ്റ്റ് ഹൗസിൽ എത്തി. രുദ്ര ഫിറോസിനെയും കാത്ത് അവിടെ ഇരിക്കുകയായിരുന്നു. ഫിറോസ് വന്നപ്പോൾ രുദ്ര കാറിൽ കയറി.ശരത്തിനെ കാണാത്തത് കൊണ്ട് രുദ്ര ചോദിച്ചു... ഫിറോസ് ശരത് എവിടെ... മേടം... അവൻ തൃശ്ശൂരിൽ കാത്ത് നിൽക്കാം എന്നാണ് പറഞ്ഞത്... ഉം... Ok... അങ്ങനെ അവർ യാത്ര തുടർന്നു... ഫിറോസ്... എന്താ മേടം... നമ്മൾ എത്ര മണിക്ക് കോഴിക്കോട് എത്തും... ഏകദേശം ഒരു നാല് മണിക്കൂർ മേടം... ഓ...ok... ഫിറോസ് എനിക്ക് വിശക്കുന്നുണ്ട് രാവിലെ ഒന്നും കഴിച്ചില്ല... മേടം നമ്മൾ ഒരു അരമണിക്കൂറിനുള്ളിൽ തൃശ്ശൂർ എത്തും. പിന്നെ ശരത് അവിടെ കാത്ത് നിൽക്കുന്നുണ്ടാകും. അവനേയും കൂട്ടി അവിടുന്ന് കഴിക്കാം... Ok.. അത് മതി... (രുദ്ര പറഞ്ഞു ) അങ്ങനെ അവർ തൃശ്ശൂരിൽ  എത്തി ഇവരെയും കാത്ത് ശരത് അവിടെ നിൽക്കുന്നുണ്ടായിരുന്നു. പറഞ്ഞത് പോലെ അവർ മൂന്ന് പേരും അവിടെ നിന്നും ഭക്ഷണം കഴിച്ച് യാത്ര തുടർന്നു.ഏകദേശം മൂന്ന് മണിക്കൂർ കഴിഞ്ഞപ്പോൾ അവർ മൂന്ന് പേരും കോഴിക്കോട് എത്തി... ശരത് ഇനി നമ്മൾ എങ്ങോട്ടാ പോകേണ്ടത്. ഫിറോസ് ചോദിച്ചു... ഫിറോസ് ഇവിടെ ബസ്റ്റാറ്റിനോട് അടുത്ത് ബാലുപിള്ളയുടെ ഓഫീസ് ഉണ്ടായിരുന്നു. ഒരു വട്ടം എന്റെ സുഹൃത്തിന്റെ ഒപ്പം വന്നിട്ടുണ്ട്. അന്ന് അവൻ ഒറ്റക്കാണ് വരുന്നത് എന്ന് പറഞ്ഞപ്പോൾ ഞാനും അവന്റെ ഒപ്പം വന്നിട്ടുണ്ട്.അന്നാണ് അവൻ ബാലുപിള്ളയുടെ ഫാമിലിയെ കുറിച്ച് എന്നോട് പറഞ്ഞത്. അന്ന് അവർ താമസിച്ചിരുന്നത് ഒരു ഫ്ലാറ്റിലായിരുന്നു. നമുക്ക് അവിടെ ഒന്ന് അന്വേഷിക്കാം... Ok.... രുദ്ര പറഞ്ഞു... അതും പറഞ്ഞ് അവർ ആ ഫ്ലാറ്റ് ലക്ഷ്യമാക്കി യാത്ര തുടർന്നു. കുറച്ചു കഴിഞ്ഞപ്പോൾ ശരത് പറഞ്ഞ ഫ്ലാറ്റിന്റെ മുന്നിൽ വണ്ടി വന്ന് നിന്നു. അവർ മൂന്ന് പേരും വണ്ടിയിൽ നിന്നും ഇറങ്ങി. നേരേ ഗെയ്റ്റിന്റെ മുന്നിലുള്ള സെക്യൂരിറ്റി റൂം ലക്ഷ്യമാക്കി നടന്നു. മൂന്ന് പേരേയും കണ്ടപ്പോൾ സെക്യൂരിറ്റി പുറത്തേക്ക് വന്നു... ആരാ... എന്ത് വേണം... (സെക്യൂരിറ്റി ചോദിച്ചു ) ചേട്ടാ ഞങ്ങൾ കുറച്ചു ദൂരേ നിന്നാണ് വരുന്നത്. ഞങ്ങൾക്ക് സുജാത എന്ന് പറയുന്ന ആളെ കാണണം. ആള് ഏത് ഫ്ലാറ്റിലാ താമസിക്കുന്നത്.... ( ശരത് ചോദിച്ചു ) സുജാതയോ അതാരാ. അങ്ങനെ ഒരാൾ ഇവിടെ ഇല്ലല്ലോ... ഉണ്ട് ചേട്ടാ. ഞാൻ അവരെ കാണാൻ ഒരു വട്ടം ഇവിടെ വന്നിട്ടുണ്ട്. മകന്റെ പേര് മനു എന്നാണ്... ഇല്ല സാർ അങ്ങനെ ആരും ഇവിടെ ഇല്ല... ഉണ്ട്.. ഞാൻ രണ്ട് വർഷം മുമ്പ് ഇവിടെ വന്നിട്ടുണ്ട്.എന്റെ ഒരു സുഹൃത്തിന്റെ കൂടെയാണ് ഞാൻ വന്നത്.അന്ന് ചേട്ടൻ തന്നെയാണ് എനിക്ക് ആ ഫ്ലാറ്റ് കാണിച്ചു തന്നത്. ചേട്ടന്റെ പേര് രാഘവൻ എന്നല്ലേ. അതെ...എനിക്ക് ആളെ അങ്ങനെ ഓർമ്മ വരുന്നില്ല... ചേട്ടന് ഓർമ്മ വരും. RK ഗ്രൂപ്പിന്റെ എം ഡി ബാലുപിള്ളയെ അറിയുമോ അയാളുടേതായിയുന്നു ഫ്ലാറ്റ്... അത് കേട്ടപ്പോൾ രാഘവൻ കുറച്ചു നേരം ഒന്ന് ആലോചിച്ചു നിന്നു. എന്നിട്ട് പറഞ്ഞു... അയാൾ... അയാൾ ഒരു ആക്സിഡന്റിൽ മരണപ്പെട്ടില്ലേ... അതെ അയാളുടെ വൈഫ് ആണ് ഞങ്ങൾ ചോദിച്ച സുജാത... (ഫിറോസ് പറഞ്ഞു ) ഓ... സുജി മേടം. ഇപ്പോൾ ഓർമ്മ വന്നു. നിങ്ങൾ പെട്ടന്ന് സുജാത എന്ന് പറഞ്ഞപ്പോൾ എനിക്ക് ഓർമ്മ വന്നില്ല അതാ. അവർ ഭർത്താവ് മരിച്ചപ്പോൾ ഇവിടുന്ന് പോയി... അത് എവിടെ ആണെന്ന് അറിയുമോ...(രുദ്ര ചോദിച്ചു ) അറിയില്ല... ആ പിന്നെ ഒരു മാസം മുമ്പ് ഇവിടെ വന്നിരുന്നു. ഇവിടുത്തെ വാർഷികത്തിന് അന്ന് ഞാൻ കണ്ടിരുന്നു. പക്ഷേ ഇപ്പോൾ എവിടെയാണ് താമസിക്കുന്നത് എന്ന് ഞാൻ ചോദിക്കാൻ വിട്ടുപോയി... അവർ എവിടെയാണെന്നറിയാൻ എന്തെങ്കിലും വഴിയുണ്ടോ. (ശരത് ചോദിച്ചു ) ഈ ഫ്ലാറ്റിൽ മേടത്തിനോടൊപ്പം താമസിച്ചിരുന്ന ഒരു ഫാമിലി ഉണ്ട്. ഒരുപക്ഷെ അവരോട് ചോദിച്ചാൽ എനന്തേങ്കിലും അറിയാൻ പറ്റും. കാരണം അവർ എല്ലാവരും കൂടിയാണ് അന്ന് വാർഷികത്തിന് സുജി മേടത്തെ ഇങ്ങോട്ട് ക്ഷണിച്ചത്... ആണോ അവർ ഏത് ഫ്ലാറ്റിലാ താമസിക്കുന്നത്... (ശരത് ചോദിച്ചു ) അവർ മൂന്നാമത്തെ നിലയിലാണ്. ഞാൻ ഒന്ന് വിളിച്ചു ചോദിക്കട്ടെ. (സെക്യൂരിറ്റി പറഞ്ഞു) ശെരി... സാർ അവിടേക്ക് ചെല്ലാൻ പറഞ്ഞു.ലിഫ്റ്റ് ഇറങ്ങി വലതു ഭാഗത്ത് ആദ്യം കാണുന്ന ഫ്ലാറ്റ്... (സെക്യൂരിറ്റി പറഞ്ഞു ) മൂന്ന് പേരും കൂടി അവിടേക്ക് പോയി... മേടം... ഞങ്ങൾ ബാലുപിള്ളയുടെ ഫ്രണ്ട്സാണ്. ഞങ്ങൾക്ക് സുജാതയെ ഒന്ന് കാണണം അതിനു വേണ്ടി വന്നതാ. അവർ ഇപ്പോൾ എവിടെയാണ് എന്ന് ഒന്ന് പറഞ്ഞു തരാമോ... (ഫിറോസ് ചോദിച്ചു ) ഏത് സുജാത. അങ്ങനെ ഒരാളെ എനിക്ക് അറിയില്ല... ഇല്ല മേടം. മേടത്തിന് അറിയാം എന്ന് സെക്യൂരിറ്റി പറഞ്ഞല്ലോ.... എനിക്കറിയില്ല. അല്ല ഇതൊക്കെ ചോദിക്കാൻ നിങ്ങളാരാ.... ഞങ്ങൾ പറഞ്ഞില്ലേ ബാലുപിള്ളയുടെ ഫ്രണ്ട്‌സ് ആണെന്ന്... ആരായാലും എനിക്ക് പ്രശ്നമില്ല. നിങ്ങൾ പറയുന്ന സുജാത എന്ന ആളെ ഞാൻ അറിയില്ല. നിങ്ങൾക്ക് പോകാം... അതും പറഞ്ഞ് ആ സ്ത്രീ അവിടെ നിന്നും അകത്തേക്ക് പോയി. ഇനി നിന്നിട്ടും കാര്യമില്ല എന്ന് അറിഞ്ഞപ്പോൾ മൂന്ന് പേരും തിരിച്ച് താഴെ സെക്യൂരിറ്റിയുടെ അടുത്തേക്ക് തന്നെ തിരിച്ചു വന്നു... എന്താ സാർ ആളെ എവിടെയാണ് എന്ന് അറിഞ്ഞോ... ഇല്ല രാഘവേട്ട അവർ ഒന്നും പറഞ്ഞില്ല. അവർക്ക് അറിയില്ല എന്നാണ് പറയുന്നത്... അതെന്താ അവർ അങ്ങനെ പറഞ്ഞത്.ഇനി എന്ത് ചെയ്യും. (രഘവേട്ടൻ ചോദിച്ചു.) രാഘവേട്ട ഞാൻ ഒരു കാര്യം ചോദിക്കട്ടെ. (ശരത് ചോദിച്ചു) എന്താ സാറേ... ഈ ബാലുപിള്ള ഇവിടെ വരുമ്പോൾ ആള് എങ്ങനെ... അങ്ങനെ ചോദിച്ചാൽ (രാഘാവേട്ടൻ ചോദ്യം മനസിലായില്ല ) ഇവിടെ വരുമ്പോൾ ആളെ കാണാൻ ആരേങ്കിലും വരാറുണ്ടായിരുന്നോ... അങ്ങനെ ആരും വരാറില്ല. പിന്നെ അദ്ദേഹം ഒന്നോ രണ്ടോ ദിവസം ഇവിടെ ഉണ്ടാവാറുള്ളൂ... ചേട്ടൻ ഈ ഫോട്ടോയിൽ കാണുന്ന ആളെ ഇവിടെ എവിടെയെങ്കിലും വെച്ചു കണ്ടിട്ടുണ്ടോ. ഫിറോസ് തന്റെ കൈയ്യിലുള്ള അവർ അന്വേഷിക്കുന്ന കൊലയാളിയുടെ ഫോട്ടോ നീട്ടികൊണ്ട് ചോദിച്ചു... രാഘവേട്ടൻ ആ ഫോട്ടോയിലേക്ക് സൂക്ഷിച്ചു നോക്കി എന്നിട്ട് പറഞ്ഞു. ഇയാള് ഒരു വട്ടം ബാലു സാർ ഇവിടെ ഉള്ളപ്പോൾ വന്നിട്ടുണ്ട്. അന്ന് അയാളെ മുകളിലേക്ക് വിടണ്ട ഞാൻ താഴേക്ക് ഇറങ്ങി വരാം എന്ന് പറഞ്ഞു. അവിടുന്ന് കുറച്ചു കഴിഞ്ഞപ്പോൾ സാർ താഴേക്ക് ഇറങ്ങി വന്നു. കുറച്ചു നേരം ആള് വന്ന കാറിൽ ഇരുന്ന് എന്തോ സംസാരിച്ച് ബാലു സാർ മുകളിലേക്ക് തന്നെ കയറിപ്പോയി. വന്ന ആള് കുറച്ചു നേരം ഇവിടെ നിന്നു എന്നോട് സംസാരിച്ചു. ആളുടെ സംസാരം കേട്ടിട്ട് തമിഴനാണെന്ന് തോന്നുന്നു. വീണ്ടും കുറച്ചു കഴിഞ്ഞപ്പോൾ ബാലു സാർ ഒരു പെട്ടിയുമായി ഇറങ്ങി വന്ന് അത് അയാളെ ഏൽപ്പിച്ചു. അയാൾ അതും വാങ്ങി പോയി. രാഘവേട്ടൻ പറഞ്ഞു നിർത്തി... പിന്നെ അതിനു ശേഷം ആളെ കണ്ടിട്ടില്ലേ രാഘവേട്ടൻ. ശരത് ചോദിച്ചു... ഇല്ല... അല്ല സാറേ നിങ്ങൾ പോലീസാണോ... രാഘവേട്ടൻ സംശയ ഭാവത്തിൽ ചോദിച്ചു... അതെന്താ രാഘവേട്ട അങ്ങനെ ചോദിച്ചത്. ഫിറോസ് അറിയാത്ത ഭാവത്തിൽ തിരിച്ചു ചോദിച്ചു... അല്ല നിങ്ങളുടെ ചോദ്യങ്ങൾ കേൾക്കുമ്പോൾ എനിക്ക് അങ്ങനെ തോന്നുന്നു.... എന്നാൽ ഞങ്ങൾ സത്യം പറയാം... ശരത് പറഞ്ഞു.ഇവർ രണ്ട് പേരും പോലീസാണ്. ഞാൻ ഒരു വക്കീലും. ഞങ്ങൾ വന്നത് ബാലുപിള്ളയുടെ മരണത്തെ കുറിച്ച് ചില കാര്യങ്ങൾ അന്വേഷിക്കാനാണ്. ഞങ്ങൾക്ക് കാണേണ്ടത് അദ്ദേഹത്തിന്റെ ഭാര്യ സുജാതയേയും മകൻ മനുവിനെയുമാണ്.ഞങ്ങൾക്ക് അവരെ കാണാൻ വേറേ എന്തേങ്കിലും വഴിയുണ്ടോ. അവരെ കുറിച്ച് അറിയുന്ന വേറെ ആരേങ്കിലും ഇവിടെ ഉണ്ടോ... രാഘവേട്ടൻ ഒന്ന് ആലോചിച്ച് അല്പനേരം നിന്നു.എന്നിട്ട് പറഞ്ഞു ഒരാളുണ്ട് സാർ. പേര് ഷീല ഇവിടെയുള്ള ഫ്ലാറ്റിൽ പണിക്ക് വരുന്ന സ്ത്രിയാണ് ബാലു സാറിന്റെ ഭാര്യയുമായി വലിയ അടുപ്പമാണ് അവർക്ക്. കാരണം ആ സ്ത്രീയുടെ മകളെ പഠിപ്പിക്കുന്നത് അവരായിരുന്നു. അവരെ കണ്ടാൽ ഒരുപക്ഷെ ബാലു സാറിന്റെ ഭാര്യയെ കുറച്ചു അറിയാൻ കഴിയും... തുടരും.... #📙 നോവൽ #📔 കഥ #🕵️‍♀️ കുറ്റാന്വേഷണ കഥകൾ