#😇My Status #భక్తి స్పెషల్ #కాలభైరవష్టమి #కాలభైరవష్టమి శుభాకాంక్షలు *కాళభైరవాష్టమి* *28-11-2025 శుక్రవారం* 🍁🍁🍁🍁🍁🍁🍁🍁 కాళభైరవా నమోస్తుతే - కపిలీశ్వరా నమోస్తుతే - కాశీ విశ్వేశ్వరా నమోస్తుతే" అని నిత్యం పఠిస్తే బలాన్ని ధైర్యాన్ని ఇస్తాడు కాళభైరవుడు. మార్గశిర మాసంలోని కృష్ణపక్ష అష్టమి ''కాలభైరవాష్టమి''. పరమ శివుడి వల్ల కాలభైరవుడు ఆవిర్భవించిన రోజే ‘కాలభైరవాష్టమి’. లయకారుడైన పరమశివుడివల్ల ఆవిర్భవించి సృష్టికర్త అయిన బ్రహ్మదేవుడి ఐదవ శిరస్సును ఖండించిన కాశీ క్షేత్రంలో క్షేత్ర పాలకుడుగా కొలువుదీరిన దేవడు - కాలభైరవుడు. శ్రీకాలభైరవుడు ఆవిర్భవించిన ''కాలభైరవాష్టమి'' పర్వదినాన్న కాలభైరవుడిని పూజించాలని శాస్తవ్రచనం. భైరవుడంటే పోషకుడని, భయంకురడనే అర్ధాలు వస్తాయి. భైరవుని దగ్గర కాలుడు (కాలం) కూడా అణిగి ఉంటాడు కనుకనే కాళభైరవుడయ్యాడు. భైరవుణ్ణి శరణు కోరితే మృత్యు భయం తొలగిపోతుంది. ఈరోజు గంగాస్నానం, పితృతర్పణం, శ్రాద్ధకర్మలు ఆచరిస్తే ఏడాది మొత్తం లౌకిక, పార లౌకిక బాధల నుండి విముక్తి కలుగుతుంది. అలాగే భైరవుని వాహనమైన శునకానికి పాలు, పెరుగు, వంటివి ఆహారం గా ఇవ్వడం మంచిది. కాలభైరవస్వామి ఆవిర్భవానికి సంబంధించి శివపురాణంలో ఆసక్తికరమైన పురాణగాధ వుంది. పూర్వం సృష్టి ప్రారంభంలో బ్రహ్మదేవుడికి శివుడికి మధ్య ఒక వివాదం ఏర్పడింది. బ్రహ్మదేవుడు మధ్యన వున్న తన ఐదవ శిరస్సుతో శివుడిని తూలనాడడం ప్రారంభించాడు. దీనితో కోపోద్రిక్తుడైన శివుడు హూంకరించాడు. ఆ హూంకారం నుంచి ఒక భయంకర రూపం ఆవిర్భవించింది. మహోన్నతకాయముతో... మూడు నేత్రాలతో త్రిశూలము, గద, ఢమరుకము వంటి వాటిని చేతులతో ధరించిన ఆ భయంకర రూపుడే - శ్రీకాలభైరవుడు. శివుని ఆజ్ఞ మేరకు కాలభైరవుడు బ్రహ్మదేవుడి ఐదు శిరస్సులలో మధ్యన వున్న ఐదవ శిరస్సును ఖండించాడు. దీనితో బ్రహ్మదేవుడి గర్వం అణిగిపోయింది. బ్రహ్మ శిరస్సును ఖండించిన కాలభైరవుడు తనకు చుట్టుకున్న బ్రహ్మహత్యాపాతకాన్ని పోగొట్టుకోవడానికి కాశీ చేరుకోగా ఆయన చేతికున్న బ్రహ్మ కపాలం కాశీలో మాయమైంది... అదే బ్రహ్మ కపాల తీర్థంగా ప్రసిద్ధి చెందింది... కాలభైరవుడు పరమేశ్వరుని యొక్క అంశ అందునా శివక్రోధము చేత జన్మించాడు... ఇతను కాలస్వరూపుడు, భయంకరమైన రూపం కలవాడు. సాధారణంగా కాలభైరవుడు నాలుగు చేతులతో దర్శనమిస్తాడు. నాలుగు చేతుల్లో శూలం,కపాలం,గద మరియు ఢమరుకం ఉంటాయి. రౌద్రనేత్రాలు , పదునైన దంతాలు, మండే వెంట్రుకలు ఇదే కాలభైరవ స్వరూపం. కాలభైరవుడు నాగుపాములను ఆభరణాలుగా ధరిస్తాడు. ఈయన వాహనం శునకం. కాలాన్ని జయించడం సాధ్యం కాకున్నా దాన్ని అనుకూలంగా మార్చుకోవచ్చు. గ్రహబలాలను అధిగమించి అదృష్ట జీవితాన్ని, సంకల్ప సిద్ధిని పొందడం భైరవ ఉపాసనతో సాధ్యమని శాస్త్రాలు చెబుతున్నాయి. కాలభైరవుడిని కాశీ క్షేత్ర పాలకుడిగా కీర్తించారు. ఏది సాధించాలన్నా ముందుగా ఆయన అనుమతి తీసుకోవాలని కాశీక్షేత్ర మహిమ చెబుతుంది. సాక్షాత్తు శివుడే కాలభైరవుడే సంచరించాడని శాస్త్రాలు చెబుతున్నాయి. హోమ కార్యాలలో అష్టాభైరవులకు ఆహుతులు వేసిన తరువాతే ప్రధాన హోమం చేస్తారు. భక్తులకు అనుగ్రహాన్ని, అతీంద్రమైన శక్తులను ఆయన ప్రసాదిస్తారు. దేవాలయంలో ఆయనకి గారెలతో మాల వేస్తారు. కొబ్బరి, బెల్లం నైవేద్యంగా పెడతారు. ఈశ్వరుడు ఆయుష్షుని ప్రసాదిస్తాడు. ఆయనకు పరమ విధేయుడైన కాలభైరవుడిని ఆరాదిస్తే ఆయుష్షు పెరుగుతుందని ప్రతీతి. కాలభైరవునికి ….. ఎనిమిది మిరియాలు ఒక తెల్ల గుడ్డలో కట్టి వత్తిగా చేసి, భైరవుని తలచుకుంటూ, దేవుని ముందు ... 2 దీపాలు నువ్వుల నూనెతో వెలిగించి పెట్టండి. ఎంతో మంచిది. భైరవుడు ఎంతో సంతోసిస్తాడు. దీవిస్తాడు. 🍁🍁🍁🍁🍁🍁🍁🍁 *కాలభైరవ స్వామిని పూజిస్తే.* 🍁🍁🍁🍁🍁🍁🍁🍁 కాలభైరవుడిని పూజించడం ద్వారా రోగ భయం, మృత్యు భయం నుంచి విముక్తి లభిస్తుందని విశ్వాసం. అన్ని రకాల వ్యాధుల నుంచి, ప్రతికూలశక్తుల నుంచి ఉపశమనం లభిస్తుందని నమ్ముతారు. కాలభైరవ స్వామి ఆరాధన వలన ప్రజలు ధర్మ మార్గాన్ని ఎలా అనుసరించాలో నిర్దేశిస్తుంది. మన పాపాలు మరియు చెడు కర్మల యొక్క పరిణామాల నుండి మనల్ని విముక్తి చేస్తుంది. రాహు, కేతు, శని దోషాల ప్రతికూల ప్రభావాలను తగ్గిస్తుంది. ఈ స్వామిని పూజించడం ద్వారా మన జీవితంలోని దీర్ఘకాలిక సమస్యలు మరియు కష్టాల నుండి ఉపశమనం పొందవచ్చు. మీరు దృష్టి దోషాలతో బాధపడుతున్నట్లయితే కాలభైరవ స్వామిని పూజించడం వలన సకల దృష్టి దోషాలు తొలిగి మీకు దీర్ఘాయువు కలుగుతుంది. శివుని అగ్ని రూపమైన కాల భైరవుడిని పూజించడం ద్వారా భయం నశిస్తుంది. అంతేకాదు పనుల్లో ఎలాంటి ఆటంకాలైనా తొలగిపోతాయి. ఎవరైతే నమ్మకంగా ఈ కాలభైరవస్వామిని నమ్మి పూజిస్తూ ఉంటారో వారికి ఈ స్వామి ఎల్లప్పుడూ రక్షణగా ఉంటారు అలాగే ఎటువంటి ఇబ్బందులు ఉన్నా అన్ని తీరి సకల సౌభాగ్యాలతో ఆరోగ్యంగా ఉంటారు. 🍁🍁🍁🍁🍁🍁🍁🍁