#🔯ଗଣେଶ ପୂଜା ସ୍ପେଶାଲ ଜ୍ୟୋତିଷ ଉପାୟ💫 #🪔ଗଣେଶ ପୂଜା ମହୁର୍ତ୍ତ ଏବଂ ବିଧି🪔 #🥁ଗଣେଶ ପୂଜା ସେଲିବ୍ରେସନ🤩 #🎨ଗଣପତି ଆର୍ଟ ଓ ପେଣ୍ଟିଂ🖌️🎨 #🙏ଗଣେଶ ପୂଜା ଷ୍ଟାଟସ🌟 *ଶୁଭ ସନ୍ଧ୍ୟା* 🌷🌺🌷 🙏ଶ୍ରୀ ଗଣେଶ ସ୍ତୁତି 🙏 °°°°°°°°°°°°°°°°°°°°°°° ଜୟ ଜୟ ଗଣନାଥ ଗଉରୀ ନନ୍ଦନ। ଜୟ ଜୟ ଲମ୍ବୋଦର ଗଜେନ୍ଦ୍ର ବଦନ।। ଜୟ ଜୟ ଗଣପତି ଖର୍ବ କୁନ୍ତଧାରୀ । ଜୟ ଜୟ ଖର୍ବ ବାହୁ ସୁଧାଲଡୁଧାରୀ।। ଜୟ ଜୟ ମୂଷିକ ବାହାନ ବିଦ୍ୟାଧର। ଜୟ ଜୟ ସୁନ୍ଦର ମୂରତି ଗଣେଶ୍ୱର।। ଜୟ ରତ୍ନ ଗିରିବାସୀ, କପିଳ ଦ୍ବିଦନ୍ତ। ଜୟ ଜୟ ଚତୁର୍ଭୁଜ ସଦାଶିବ ସୁତ।। ମହାକାୟ ଲକ୍ଷ୍ୟ ସ୍ବର୍ଣ୍ଣ ବର୍ଣ୍ଣ ଗଜ କର୍ଣ୍ଣ। ବିକଟ ବିଘ୍ନ ନାଶନ ସଙ୍କଟ ମୋଚନ ।। ଖଡ଼ଗଧର ଧୂମକେତୁ ଶୋହେ ଶ୍ରୀଚନ୍ଦନ। ସକଳ ଦେବତାଙ୍କର ଅଗ୍ରେ ତୋ ବନ୍ଦନ ।। ଗରବ ଗଞ୍ଜନ ସାଧୁ ଜୟ ପ୍ରିୟ ସଦା। କ୍ଷଣକେ ବଇରିକୁଳ କରିଦିଅ ପଦା।। ଗଣ୍ଡସ୍ଥଳୁ ନିରନ୍ତର ମକରନ୍ଦ ବହେ। ସୁନ୍ଦର ଯଜ୍ଞ ପଇତା କାନ୍ଧେ ଶୋଭାପାଏ ।। ଏକହସ୍ତେ ପାଶାଙ୍କୁଶ ମାଳା ଅନ୍ୟ ହସ୍ତେ। ତୋହର ଯେ ଶୋଭାପାଏ ପଦ୍ମ ଏକହସ୍ତେ ।। କଣ୍ଠରେ ମୁକୁତାହାର ସଦା ବିରାଜଇ। କପାଳେ ଚନ୍ଦନ ବିନ୍ଦୁ ସୁନ୍ଦର ଦିଶଇ।। ସୂର୍ଯ୍ୟକୋଟି ପ୍ରକାଶିତ ଭୀମ ବିନାୟକ। ହୃଦପ୍ରିୟ ବ୍ରହ୍ମଚାରୀ ଅଜ୍ଞାନ ଅନ୍ତକ।। ଶୁଦ୍ଧ ସୁବର୍ଣ୍ଣର ପ୍ରାୟେ ଶରୀର ଦିଶଇ। କର୍ଣ୍ଣଯୁଗଳେ କୁଣ୍ଡଳ ତେଜେ ବିରାଜଇ।। ଅଜିତ ଜୟ ବର୍ଦ୍ଧନକାରୀ ଦେବରୂପୀ। ଯଜ୍ଞରୂପୀ ବିଷ୍ଣୁରୂପୀ କନ୍ଦର୍ପ ସ୍ବରୂପୀ ।। ଆଦିଦେବ ଆଦିକର୍ଣ୍ଣ ମାୟା ବିବର୍ଜିତ। ନମୋ ନମୋ ଗଣପତି ତ୍ରୈଲୋକ ପୂଜିତ।। ସେନାଧ୍ୟକ୍ଷ ଜାଡ୍ୟହର କଲ୍ୟାଣ ଦାୟକ। ଅମ୍ବିକେୟ ଅରବିନ୍ଦ ହେ ଚଣ୍ଡୀନାୟକ।। ବ୍ରାହ୍ମଣପ୍ରିୟ ଭକତବନ୍ଧୁ ଦୟାମୟ। ଜ୍ଞାନର ଗରିଷ୍ଠ ଦୈତ୍ୟଦେବ ସେବନୀୟ।। ରକ୍ତ ମନ୍ଦାର ମାଳାରେ ତନୁ ବିଭୁଷିତ। ନିଶ୍ଚଳଅଗ୍ନି ବଦନ ନିର୍ଗୁଣ ଆରକ୍ତ।। ମେରୁମନ୍ଦରସ୍ବରୂପ ବିରୂପ ସ୍ବରୂପ। ଭିନ୍ନାଞ୍ଜନ ସଦାପ୍ରଭୁ ଚଣ୍ଡୀ ଗଜରୂପ।। ରକତ ଚନ୍ଦନ ରକ୍ତ ବସ୍ତ୍ର ପରିଧାନ। ନମସ୍ତେ ନମସ୍ତେ ପ୍ରଭୁ ଅମ୍ବିକା ନନ୍ଦନ।। ପ୍ରସାରିତ ମଧୁଗନ୍ଧ ଆଘ୍ରାଣେ ଲୋଲୁପ। ହୋଇ ବିରାଜନ୍ତି ଗଣ୍ଡ ସ୍ଥଳରେ ମଧୁପ।। ଦନ୍ତାଘାତ ବିଦାରିତ ବଇରୀ ରୁଧିରେ। ରକ୍ତ ସିନ୍ଦୂର ପରାଏ ଦେହ ଶୋଭା ଧରେ।। ଶଙ୍କୁବର୍ଣ୍ଣ ପ୍ରଚଣ୍ଡ ହେ ଶାନ୍ତ ଭବାତ୍ମଜ। ଋଷି ବନ୍ଦନୀୟ ତୁମ୍ଭ ଚରଣ ପଙ୍କଜ।। ନମୋ ବିଘ୍ନ ବିନାଶକ ଅଭୟବରଦ। କି ସ୍ତୁତି କରିବି ମୁହିଁ ଅଧମ ନିର୍ବୋଧ।। ଦୟାକର ଆହେ ପ୍ରଭୁ ଗିରିଜା ନନ୍ଦନ । ତୋହର ଚରଣ ତଳେ ଗଲି ମୁଁ ଶରଣ ।। 🙏🌷🌺🪷 ଜୟ ଶ୍ରୀ ଗଣେଶ 🪷🌺🌷