*आजचे ऐतिहासिक शिवकालीन दिनविशेष.* **************************** 📜 ९ नोव्हेंबर इ.स.१६५९ (मार्गशीर्ष शुद्ध पंचमी शके १५८१ संवत्सर विकारी वार बुधवार) महाराजांचे सहकाऱ्यांना कामाचे वाटप! सर्व सहकाऱ्यांना कामाचे वाटप करुन इशारात कोडवर्ड दिले. काय करायचे ह्या सुचना दिल्या. महाराजांनी आपल्या जवळच्या सर्व सवंगड्यांना या युध्दाचे महत्त्व पुन्हा पटवुन दिले. कोणत्याही परिस्थितीत संयम ढळू न देता. अफझलखानच्या सेनेचा पुर्ण पराभव करा असा आदेश दिला. आम्ही राहु अथवा न राहू परंतु स्वराज्य राहीले पाहिजे हे सवंगड्यांना पटवुन दिले. आणि सर्व निरवानिरव करुन टोकाटाक सर्वांना किल्ले प्रतापगडाच्या परिसराचा संपूर्ण ताबा तोही गुपचूप व अफजल सैन्याला कळु न देता घेण्याचे आदेश महाराजांनी दिले. 🏇🚩🏇🚩🏇🚩🏇🚩🏇 📜 ९ नोव्हेंबर इ.स.१६७५ शिवरायांनी सातारा हा प्रांत जिंकला. १३५८ ते १३७५ हा बहामनी बादशाहीचा वैभवाचा काळ अजिंक्यताऱ्याचा जन्म याच काळातला. विजापूरकरांनी नंतर तो आपल्या ताब्यात घेतला व त्याची जोपासनाही मोठ्या ईर्षेने केली. शहाजीराजे जेव्हा विजापूरकरांसोबत होते तेव्हा त्यांना देशमुखी मिळाली ती कऱ्हाड प्रांताची. अजिंक्यताऱ्याचा अधिक उपयोग विजापूरकर करीत होते ते तुरुंग म्हणून. या तुरुंगात असलेले मुधोजी व बजाजी निंबाळकर पळाले ते शहाजीराजांच्या मदतीनेच. त्यांनी फलटणची जहागिरी मिळविली. शहाजींचे ऋण बजाजी निंबाळकराने नाते जोडूनच फेडले. त्यांची बहीण सईबाई शिवाजीराजांची पत्नी झाली. फलटणची कन्या पत्नी झाली तरी १६७५पर्यंत शिवछत्रपतींकडे सातारचा किल्ला आला नव्हता. मे १६७३ मध्ये शिवरायांनी परळीचा किल्ला घेतला, परंतु सातारा किल्ला हस्तगत व्हावयास नोव्हेंबर उजाडला. 🏇🚩🏇🚩🏇🚩🏇🚩🏇 📜 ९ नोव्हेंबर इ.स.१६८२ औरंगजेबाचा अधिकारी अबु मुहम्मद याने दक्षिणेच्या भुगोलाची (सह्याद्रीची) माहिती औरंगजेबास दिली, त्याची नोंद! औरंगजेबाचे सैन्य चौफेर मराठ्यांचा बंदोबस्त करीत होते.मराठे औरंगजेबाच्या ठाण्यावर आणि आसपासचे भागातून चौथ वसूल करीत होते. विशेषतः ऑक्टोबर नोव्हेंबर डिसेंबर इ.स. १६८२ मध्ये हे हल्ले होत होते असे दिसते. नाशिक, बागलाण, अहमदनगर, पेडगाव, सोलापूर, सातारा, पुरंदर (पुणे-चाकण), शिरवळ या भागात चकमकी चालू होत्या. परकीय प्रदेशात लढाई करणे म्हणजे त्यास भुगोलाचे ज्ञान असणे जरुर असते. बादशाही सैन्यात दक्षिणेचा भुगोल नद्या, डोंगर, दऱ्या, रस्ते, घाट इत्यादी) माहीती असणारा अबु मुहम्मद नावाच्या अधिकाऱ्यास मराठांच्या मुलखातील घोडखिंडीची माहीती करुन घेण्याबद्दल सांगण्यात आल्यावर त्याने मराठ्यांच्या प्रदेशात जाण्यास ३६० घाट व खिंडी आहेत व ६५ घाट असे आहेत की जिथुन हत्ती उंट वैगरे जाऊ शकतात व बाकी खिंडीमधील वाटा अरुंद असल्याची माहिती औरंगजेब बादशहाकडे दिली. 🏇🚩🏇🚩🏇🚩🏇🚩🏇 📜 ९ नोव्हेंबर इ.स.१६८३ याच दिवशी फोंड्याच्या मदतीस आलेल्या संभाजी महाराजांनी डिसेंबरच्या शेवटच्या आठवड्यापर्यंत म्हणजे जवळपास दोन महिने पोर्तुगीजांची अवस्था फार दयनीय करून टाकली होती. संभाजी महाराजांच्या धास्तीने शेवटी सेंट झेवियरच्या मृत शरीरास शरण जाऊन पोर्तुगीजांनी प्रार्थना केली. तरीही पोर्तुगीजांना शेवटची आशा होती ती मोघल राजपूत्र शहा आलम याच्या सैन्याच्या कोकणातील आगमनाची. 🏇🚩🏇🚩🏇🚩🏇🚩🏇 📜 ९ नोव्हेंबर इ.स.१७२८ गोदावरी ओलांडून चिमाजीअप्पा बागलाण खानदेशमार्गे माळव्याकडे निघाले. त्यांच्याकडे अंदाजे २२००० फौज होती. उदाजी पवार, राणोजी शिंदे, मल्हारराव होळकर, बाजी भिवराव रेठरेकर, अंताजी माणकेश्वर, गणपतराव मेहेंदळे असे ताज्या दमाचे शिपाईगडी होते. हे सर्वजण थोरल्या बाजीराव पेशव्यांच्या तालमीतले. त्यामुळे विद्युत वेगाने हालचाली करणे त्यांच्या नसानसात भिनलेले होते. रोज ३०/३० कोसांचे मोठे मोठे पल्ले ओलांडत मजल दरमजल करीत मराठी फौजा बुन्हाणपूरनजीक आल्या. हे कळताच नंदलालने त्याची माणसे भेटीसाठी पाठविली. त्यांच्या मदतीने मराठी फौजांनी धर्मपुरी, महेश्वर, अकबरपुरा या दरम्यान नर्मदा ओलांडली आणि ते माळव्यात शिरले. होळकरांच्या चरित्रात उल्लेख आढळतो की हा नंदलाल, मराठ्यांनी नर्मदा ओलांडल्यानंतर २०० स्वारानिशी मल्हारराव होळकरांना येऊन भेटला. 🏇🏻🚩🏇🏻🚩🏇🏻🚩🏇🏻🚩🏇🏻 📜 ९ नोव्हेंबर इ.स.१७३९ शाहु महाराजांचे संभाजीराजेंना (कोल्हापूर) पत्र बाजीराव पेशव्याने पोर्तुगीजांशी युद्ध करीत असताना संभाजीराजांच्या मुलूखात धुमाकूळ घालून कारण नसताना संभाजीराजेंची काही ठाणी ताब्यात घेतली. तेव्हा प्रचंड नाराज होऊन राजेंनी शाहू महाराजांकडे त्यांच्या पेशव्याच्या कृत्याचा खुलासा मागितला. यावर दि. ९ नोव्हेंबर १७३९ रोजी महाराजांनी लिहून पाठविले की, " तुम्ही संदेह मानू नये. तुमची आमची भेट व्हावी. तुम्हापेक्षा आम्हास काय थोर आहे ? " महाराजांनी संभाजीराजेंना भेटीला बोलाविले आहे हे समजताच आपल्या हातचा प्रदेश जाणार असे वाटून तो प्रदेश आपल्या चिरंजीवाचे नावे करुन द्यावा अशी बाजीरावाने महाराजांकडे मागणी केली. पण बाजीरावाची मागणी धुडकावून संभाजीराजेंना भेटीस बोलावून बाजीराव पेशव्याने घेतलेली राजेंची सर्व ठाणी शाहू महाराजांनी राजेंना परत केली. "तुम्हापेक्षा आम्हास काय थोर आहे ?" अशी वाक्ये केवळ पत्रात लिहिण्यापुरती नव्हे तर महाराज मनापासून तसे मानित होते, हे यामधून सिद्ध होते. आपल्या आईचे संस्कार व रक्ताची नाती महाराज आयुष्यभर विसरले नाहीत. शिवरायांच्या स्वराज्याची जबाबदारी शाहू महाराजांनी समर्थपणे पेललीच पण त्याचबरोबर आपल्या धाकट्या बंधूप्रती असणारी थोरल्या भावाची जबाबदारी पार पाडण्यातही महाराज कुठेच कमी पडले नाहीत. 🏇🚩🏇🚩🏇🚩🏇🚩🏇 || हर हर महादेव, जय श्रीराम || || जय भवानी, जय शिवाजी.|| *‼️वारसा हिंदवी स्वराज्याचा‼️* *‼️वसा गडकोट संवर्धनाचा*‼️ #🙏शिवाजी महाराज वॉलपेपर #🙏शिवदिनविशेष📜 #🚩शिवराय #🗿शिवकालीन पुराणवस्तू #🙂Positive Thought