#😓 കണ്ണും ദേഹവും മഞ്ഞ നിറം, ICU-വിൽ’; അനുഭവം തുറന്ന് പറഞ്ഞ് മലയാള നടി സംസാരമില്ല, എഴുന്നേൽക്കാൻ പറ്റുന്നില്ല, കരളിന് വീക്കം, ഐസിയുവിൽ; ആരാധകരെ സങ്കടത്തിലാഴ്ത്തി ദേവിചന്ദനയുടെ വീഡിയോ!😥😥 നടി ദേവിചന്ദനയെ അറിയാത്ത മലയാളികൾ ഉണ്ടാകില്ല. സോഷ്യൽമീഡിയയിലും വളരെ സജീവമായി നിൽക്കുന്ന ആളാണ് ദേവിചന്ദന. എന്നാൽ കുറച്ച് നാളുകളായി ദേവിചന്ദനയുടെ ഒരു വിവരവും ഇല്ലായിരുന്നു. തങ്ങളുടെ പ്രിയ താരത്തിന് എന്ത് സംഭവിച്ചു എന്ന് ആരാധകർ അന്വേഷിക്കുകയായിരുന്നു. ഇപ്പോഴിതാ ഞെട്ടിക്കുന്ന ചില വിവരങ്ങൾ പങ്കുവെച്ച് താരം തന്നെ നേരിട്ട് എത്തിയിരിക്കുകയാണ്. ഒരു മാസത്തോളം താൻ ആശുപത്രിയിൽ ആയിരുന്നുവെന്നും ഹെപ്പറ്റൈറ്റിസ് എ പിടിപ്പെട്ട് ഐസിയുവിലായിരുന്നുവെന്നും ദേവി ചന്ദന പറയുന്നു. തന്റെ യുട്യൂബ് ചാനൽ വഴിയാണ് താരം താൻ നേരിട്ട ദുരവസ്ഥയെ കുറിച്ച് ആരാധകരെ അറിയിച്ചത്. ശ്വാസം മുട്ടലെന്ന് പറഞ്ഞ് വെച്ചോണ്ടിരുന്ന അസുഖം കടുക്കുകയായിരുന്നു എന്ന് താരം പറയുന്നു. കഴിഞ്ഞ മാസം 26ന് രാത്രി ഹോസ്പിറ്റലിൽ അഡ്മിറ്റായതാണ്. ഈ അസുഖത്തെ കുറിച്ച് തനിക്ക് വലിയ ധാരണയില്ലായിരുന്നു. തുടക്കം ചെറിയൊരു ശ്വാസം മുട്ടലോടെയായിരുന്നു. മൂന്നാർ പോയി വന്നതുകൊണ്ടാകുമെന്ന് കരുതി മൈന്റ് ചെയ്തില്ല. എന്നാൽ സംഭവം അതൊന്നുമായിരുന്നില്ല. കരളിന് വീക്കം വന്നതുകൊണ്ട് ശ്വാസം മുട്ടലുണ്ടായതാണ് ദേവിചന്ദന പറഞ്ഞു. അട്ട ചുരുണ്ട് കിടക്കുന്നതുപോലെ ബെഡ്ഡിൽ കിടക്കുകയായിരുന്നു. സംസാരമില്ല, എഴുന്നേൽക്കാൻ പറ്റുന്നില്ല, ഭക്ഷണം പോലും വളരെ കുറച്ച് മാത്രമെ കഴിക്കൂ. ഫുഡ് കഴിച്ചാലും ഛർദ്ദിക്കും. ആകെ വല്ലാത്ത അവസ്ഥയായിരുന്നു. മാത്രമല്ല കണ്ണിന് മുഖത്തും എല്ലാം മഞ്ഞ നിറം വന്നു. ബിൽറൂബിൽ പതിനെട്ട് വരെ എത്തി. എൻസൈമസ് വളരെ അധികം കൂടിയെന്നും താരം വിഡിയോയിൽ പറയുന്നു. യാത്രകൾ ചെയ്യുന്നവർ വെള്ളം, ഭക്ഷണം എന്നിവയിൽ വളരെ കെയർഫുള്ളായിരിക്കണമെന്ന് പറഞ്ഞുകൊണ്ടാണ് താരം വീഡിയോ അവസാനിപ്പിക്കുന്നത്.