#📫વિશ્વ ટપાલ દિવસ📨 ૯ ઓક્ટોમ્બર એટલે વિશ્વ ટપાલ દિવસ જ્યારે મોબાઈલ નો યુગ નહોતો ત્યારે ટપાલ નો એક જમાનો હતો...." પંદર પૈસા માં પોસ્ટ કાર્ડ મળે લખી ને નાખો લાલ ડબલા ની અંદર તો પહોંચી જાય પોરબંદર..." સાચું એડ્રેસ અને પીનકોડ નંબર ટપાલ વ્યવસ્થિત રીતે પહોચાડવા માં ખૂબ ઉપયોગી હતા.....ટપાલી ના આવવા ના સમયે તેના આવવા ની આતુરતા થી રાહ જોવાતી....અને ચોક્કસ પુછાતું કે " ભાઈ અમારી ટપાલ છે ? અને જો હા કહે તો ટપાલ તુરતજ લઈ ને ફટાફટ વાચવા ની આતુરતા રહેતી....અને જો ટપાલ ના હોય તો ચહેરો ઉદાસ થતો....નોકરી...વ્યવસાય...સામાજિક...ધાર્મિક...સરકારી કાર્યક્રમો ની માહિતી નું એક માત્ર સાધન ટપાલ જ હતું....જો કાગળ કે ટપાલ અન્ય ભાષા માં હોય તો ઘણી વખત તે ભાષા ના જાણકાર પાસે ટપાલ વંચાવવા જવું પડતું.. કદાચ એ બાબત પરથી જ જોક્સ બન્યો હશે " કાકા આજ મર ગયે હૈ..... એવું વાંચતા ભાઈ ના ભાષાકીય અજ્ઞાન ના કારણે " અજમેર ગયેલા કાકા ને કાકી મૃત સમજે છે ... દીકરી મરિયમ ના પત્ર ની બાપ.અલી ને અનિમેષ જોવાતી રાહ અને તેમાંથી જન્મતી વેદના ......કોઈ ના મૃત્યુ ના સમાચાર ની ટપાલ જોઈ ને દુઃખ થતું તો કોઈ નો નોકરી નો કોલ લેટર કે કોઈ ને ત્યાં પ્રસંગ નું આમંત્રણ જોઈ ને આનંદ પણ થતો......ત્યારે જ્યારે સંદેશા વ્યવહાર નું અન્ય કોઈ સાધન નહોતું ત્યારે ટપાલ નો પણ એક વૈભવ હતો.....!!!