#🌸संतश्रेष्ठ ज्ञानेश्वर माउली🙏 #✍️भक्ती संदेश #💐संत महंत🙏 #🌻आध्यात्म 🙏 . .ll ज्ञानेश्वरीतील ज्ञानामृत चिंतन ll . ------------------------------------------ सूर्योदयाबरोबर जसा अंधार नाहीसा होतो त्याप्रमाणे भगवंतांचे नाव उच्चारल्याबरोबर भेदभाव नाहीसा होतो. देवा, तुझे फक्त नावच ज्याच्या मुखाने येईल किंवा कानावर पडेल त्याच्या अंतःकरणातील भेद खरोखर नाहीसा होतो. असा तू पूर्ण परब्रह्मच आहेस. ************************************************* तुझे नामचि एक कोण्ही वेळे । जयांचिये मुखासि का काना . मिळे l तयाचिया हृदयाते सांडूनि पळे । भेदु जी साच ll ***************[ ज्ञानेश्वरी-१०/३२१]***************** . ------- अर्थ ------- . हे भगवंता, तुझे फक्त नावच ज्याच्या मुखाने येईल किंवा कानावर पडेत त्याच्या अंतःकरणातील भेद खरोखर नाहीसा होतो. . ------ll चिंतन ll--- . या अध्यायाचा उद्देश एवढाच आहे की, ज्याचा जेवढा अधिकार असेल त्याने तसा हेतू समजून ज्ञान, उपासना व भक्ती यापैकी जो कोणता मार्ग अनुकूल असेल त्याचा स्वीकार करावा आणि साधेल त्या प्रकारे शेवटी भगवत्रूप समजून घेण्याचा व त्याचा अनुभव घेण्याचा प्रयत्न करावा. . वरील श्लोकाद्वारे ज्ञानेश्वर महाराज म्हणतात, भगवान श्रीकृष्णांनी विभूति वर्णन केल्यावर अर्जुन एकदम भारावून गेला. त्याची मती कुंठित झाली. तरीपण तो आपल्या गुरूंना म्हणजेच श्रीकृष्णास म्हणाला, 'देवा, मला यावयाचे आहे तुम्ही अंधारास बाजूस सारा.' असे सूर्य लोकांना कधी म्हणतो कां? सूर्योदयाबरोबर जसा अंधार नाहीसा होतो त्याप्रमाणे भगवंतांचे नाव उच्चारल्याबरोबर भेदभाव नाहीसा होतो. देवा, तुझे फक्त नावच ज्याच्या मुखाने येईल किंवा कानावर पडेल त्याच्या अंतःकरणातील भेद खरोखर नाहीसा होतो. असा तू पूर्ण परब्रह्मच आहेस. माझ्या पूर्वपुण्याईने हातावर पाणी सोडून दान दिल्याप्रमाणे लाभला आहेस. तर मग भेद कसला व तो पहावयाचा कोणी? चंद्रबिंबाच्या गाभाऱ्यात शिरल्यावर कधी उकडेल कां? पण आपण थोर आहात.' हे अर्जुनाचे भाषण ऐकून भगवंत संतुष्ट झाले व मनःपूर्वक त्याला आलिंगन देऊन म्हणाले, 'आम्ही जो विभूति योग सांगितला तो तुझ्या मनात ठसला की नाही?' . ll राम कृष्ण हरी, माऊली ll