ଗୁଜରାଟର ସୌରାଷ୍ଟ୍ରରେ ନରେନ୍ଦ୍ର ତାଙ୍କ ଲିଭ୍-ଇନ୍ ପାର୍ଟନରଙ୍କୁ ହତ୍ୟା କରିଥିଲେ। ଘଟଣାଟି ସୌରାଷ୍ଟ୍ରର ଏକ ସିରାମିକ୍ କାରଖାନାର ଶ୍ରମିକ ହଷ୍ଟେଲରେ ଘଟିଥିଲା। ଯେଉଁଠାରେ ସେମାନେ ଗତ ତିନି ମାସ ଧରି ରହୁଥିଲେ।ଗୋଟିଏ ଦିନ ସେମାନଙ୍କ ମଧ୍ୟରେ ଝଗଡ଼ା ହୋଇଥିଲା। ଆଉ ରାଗରେ ନରେନ୍ଦ୍ର ତାଙ୍କ ପ୍ରେମିକା ପୁଷ୍ପା ଦେବୀ ମାରାଭିଙ୍କୁ କାଠ ଫାଳିଆ ଏବଂ ବେଲ୍ଟରେ ପିଟିବାକୁ ଲାଗିଲେ।ମାଡ଼ ଖାଇ ଖାଇ ପୁଷ୍ପା ଗୁରୁତର ହୋଇଯାଇଥିଲେ ଏବଂ ତାଙ୍କୁ ଛାଡ଼ି ଦେବାକୁ କାକୁତି ମିନତି ହେଉଥିଲେ କିନ୍ତୁ ଅବିବେକୀ ପ୍ରେମିକ ତାଙ୍କୁ ଛାଡିବ କ’ଣ ଓଲଟା ଆହୁରି କଷ୍ଟ ଦେଉଥିଲା। ଏପରିକି ନିଜ ଦାନ୍ତରେ କାମୁଡି କାମୁଡି ପ୍ରେମିକାକୁ ଦରମରା କରିଦେଇଥିଲା ପ୍ରେମିକ। ଯେଉଁଥିରେ କିଛି ସମୟ ପରେ ପ୍ରେମିକା ମାରଭିଙ୍କର ମୃତ୍ୟୁ ହୋଇଥିଲା।ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ମୃତକଙ୍କ ମୃତଦେହକୁ ହେପାଜତକୁ ନିଆଯାଇ ପୋଷ୍ଟମର୍ଟମ ପାଇଁ ପଠାଯାଇଥିଲା।ପୋଷ୍ଟମର୍ଟମ ରିପୋର୍ଟରେ ନିଶ୍ଚିତ ହୋଇଛି ଯେ ମହିଳାଙ୍କ ମୃତ୍ୟୁ ଗୁରୁତର ଆଘାତ ଏବଂ ଶାରୀରିକ ଯନ୍ତ୍ରଣା ଯୋଗୁଁ ହୋଇଥିଲା। ପୋଲିସ ଧ୍ରୁଭେଲକୁ ଗିରଫ କରିବା ପରେ ସେ ଅପରାଧ ସ୍ୱୀକାର କରିଥିଲା। ଅଧିକ ପଚରାଉଚରା ପାଇଁ ତାଙ୍କୁ ଅଟକ ରଖାଯାଇଥିଲା।ରବିବାର ଭୋର ପ୍ରାୟ ୪ଟା ସମୟରେ, ନରେନ୍ଦ୍ରଙ୍କ ଛାତିରେ ପ୍ରବଳ ଯନ୍ତ୍ରଣା ଅନୁଭବ ହୋଇଥିଲା। ପୋଲିସ ଅଧିକାରୀମାନେ ତୁରନ୍ତ ତାଙ୍କୁ ସ୍ଥାନୀୟ ହସ୍ପିଟାଲକୁ ନେଇଯାଇଥିଲେ। ସେଠାରେ ଡାକ୍ତରମାନେ ପ୍ରାଥମିକ ପରୀକ୍ଷା ପରେ ତାଙ୍କୁ ମୃତ ଘୋଷଣା କରିଥିଲେ। ନରେନ୍ଦ୍ରଙ୍କ ପରିବାରକୁ ସୂଚନା ଦିଆଯାଇଛି। କିନ୍ତୁ, ତାଙ୍କ ପ୍ରେମିକାଙ୍କୁ ହତ୍ୟା କରିଥିବା ପ୍ରେମିକଙ୍କ ମୃତ୍ୟୁକୁ ନେଇ ଏବେ ବ୍ୟାପକ ଆଲୋଚନା ହେଉଛି। #🦷ଦାନ୍ତରେ କାମୁଡି ପ୍ରେମିକାକୁ ମାରିଦେଲା ପ୍ରେମିକ😵‍💫