അനുരാഗം 5️⃣9️⃣ ഫോൺ ശബ്ദിച്ചപ്പോഴാണ് സിദ്ധു കൺതുറക്കുന്നത്.... അമ്മ കാളിങ് എന്ന് കണ്ടതും അവൻ ഫോൺ എടുത്തു.... " അമ്മ.... " " ചായകുടിച്ചോ...? " " ഇല്ല അമ്മ... വന്നതും ഇവിടെ കിടന്നു... രണ്ടീസത്തെ ക്ഷീണം കാരണം ഒന്ന് മയങ്ങി...." സിദ്ധു കണ്ണൊന്നു തിരുമി പറഞ്ഞു.... " വിളക്ക് വെക്കണ നേരത്ത് കിടക്കാതെ എഴുന്നേൽക്കു.... " ഭാമ ടീച്ചർ സ്നേഹത്തോടെ പറഞ്ഞു... " ആ അമ്മേ.... " സിദ്ധു എഴുന്നേറ്റിരുന്നു കൊണ്ടു പറഞ്ഞു... " കുഞ്ഞെവിടെ....? " " ആഹാ... ആ റൂമിലെങ്ങാനും കാണും.... " താല്പര്യമില്ലാതെ പറഞ്ഞു... " എന്താടാ രണ്ടും കൂടെ ഉടക്കിയോ..? " " എന്റേന്ന് രണ്ടെണ്ണം കിട്ടി ബാത്‌റൂമിൽ കയറി ഒളിച്ചതാ... ഞാൻ ഇവിടെ വന്നു കിടന്നു.... " " എന്തിനാഡാ നീ എന്റെ കുഞ്ഞിനെ തല്ലിയത്...? സിദ്ധു എന്റെന്ന് നീ നല്ലത് വാങ്ങിക്കും കേട്ടോ... " ഭാമ ടീച്ചർ ദേഷ്യത്തോടെ പറഞ്ഞു.... " അമ്മേടെ കുഞ്ഞില്ലേ... ആ ഇള്ള കുഞ്ഞ് ക്ലാസും കട്ട്‌ ചെയ്തു സിനിമക്ക് പോയിട്ട് സസ്‌പെൻഷനും വാങ്ങി വന്നിട്ടുണ്ട്... ഒരു രണ്ടു ദിവസം ഞാൻ ഇവിടെ നിന്നും മാറിയപ്പോഴേക്കും എല്ലാ കുരുത്തക്കേടും ഒപ്പിച്ചിട്ടുണ്ട്..... എന്റെ സബോർഡിനേറ്റ്സിന്റേം സ്റ്റുഡന്റസിന്റെയും മുഖത്തു നോക്കാൻ വയ്യാ എനിക്ക്...... " സിദ്ധു രോക്ഷത്തോടെ പറഞ്ഞു.... " അതിന്... അതിന് എന്റെ കുഞ്ഞിനെ തല്ലാണോ വേണ്ടത്... സിദ്ധു അതൊരു കുഞ്ഞേ കുട്ടിയാണ്... നീ ഈ പ്രായത്തിൽ ക്ലാസ്സ്‌ കട്ട്‌ ചെയ്തിട്ടില്ലേ? സിനിമക്ക് പോയിട്ടില്ലേ.? ബീച്ചിൽ പോയിട്ടില്ലേ? എന്തെല്ലാം ചെയ്തിട്ടുണ്ട്.... നീ ചെയ്തിട്ടുണ്ടെങ്കിൽ നിന്റെ ഭാര്യക്കും ചെയ്യാം.... പെണ്ണെന്ന പ്രിവിലേജ് ഒന്നും അവൾക്ക് കൊടുക്കേണ്ട.... " അമ്മയുടെ സംസാരം കേട്ടതും സിദ്ധുവിന് എന്തോ പോലെ തോന്നി... " സോറി അമ്മ... ഞാൻ എന്റെ ഭാഗം മാത്രമേ ചിന്തിച്ചള്ളൂ.... " " മ്മ്.... എന്തായാലും കുഞ്ഞിന് കോളേജിൽ പോകണ്ടല്ലോ... നീ രണ്ടു ദിവസം ലീവ് എടുത്തു ബുനാഴ്ച്ച രാത്രി ഇങ്ങ് വാ... രണ്ടീസം ഇവിടെയും രണ്ടു ദിവസം അവളുടെ വീട്ടിലും നിന്നിട്ട് തിരികെ പോകാം.... " " ശരിയമ്മേ..... " സിദ്ധു ഫോൺ കൊടുത്തു.... റൂമിലേക്ക് ചെന്ന് നോക്കി... ബെഡിൽ ചുരുണ്ടു കൂടി കിടന്നു നല്ല ഉറക്കമാണ്.... അവന് പാവം തോന്നി... " ഇങ്ങനെ ഒരു തല്ലു കൊള്ളി.... " വാത്സല്യത്തോടെ പറഞ്ഞു.... സിദ്ധു ഫ്രന്റ്‌ ഡോർ ലോക്ക് ചെയ്തു കാറും എടുത്തു പുറത്തേക്ക് ഇറങ്ങി.... ബിരിയാണിയും ഐസ് ക്രീംമും വാങ്ങി തിരികെ വീട്ടിലേക്കു വന്നവൻ.... ഫുഡ്‌ പാത്രത്തിലേക്ക് എടുത്തു ഒരു കുപ്പി വെള്ളവും ആയി സിദ്ധു റൂമിലേക്ക് നടന്നു.... പാത്രം അവിടെ വെച്ച് സിദ്ധു കണ്മണിയെ വിളിച്ചു.... " കണ്ണെ... കണ്ണെ എഴുന്നേൽക്കു... " കണ്മണിയെ കുലുക്കി വിളിച്ചവൻ.... കണ്മണി കണ്ണൊന്നു വലിച്ചു തുറന്നു... മുന്നിൽ സിദ്ധു... ഓർമയിൽ ചെമ്പരത്തി വടിയുമായി ദേഷ്യത്തിൽ വരുന്ന സിദ്ധുവിനെയാണ്... " അയ്യോ എന്നെ തല്ലല്ലേ... " കണ്മണി ചാടി എഴുന്നേറ്റു പേടിയോടെ പറഞ്ഞു... " ഇല്ല ഡാ... തല്ലില്ല... " സിദ്ധു അവളെ പതിയെ പറഞ്ഞു.... കണ്മണി അവനെ ഒന്ന് നോക്കി.... മുഖത്തു ദേഷ്യമൊന്നും ഇല്ല.. " ഞാൻ പേടിച്ചു പോയി... " ഇളിഞ്ഞ ചിരിയോടെ പറഞ്ഞവൾ... സിദ്ധുവിന് ചിരി വന്നു... " വല്ലതും കഴിക്കണ്ടേ... വാ... " അവളെ നോക്കി ചോദിച്ചു.... " അതിന് ഞാൻ ഒന്നും ഉണ്ടാക്കിയിട്ടില്ല... ". കണ്മണി കുത്തി പറഞ്ഞു... സിദ്ധു അവളെയൊന്നു നോക്കി... എങ്ങും തൊടാതെ നോക്കിയിരിപ്പാണ് പെണ്ണ്... നേരത്തെ പറഞ്ഞതിലുള്ള പകരം വീട്ടൽ.... " വാചകടിക്കാതെ വന്നു കഴിക്കടി.... " സിദ്ധു അവൾക്ക് നേരെ ഫുഡ്‌ കഴിച്ചു.... " എന്നോട് സ്‌നേഹമില്ലല്ലോ.... " കണ്മണി പിണങ്ങും പോലെ പറഞ്ഞു... " ഒട്ടും ഇല്ല.... " സിദ്ധു നേർത്ത ചിരിയോടെ പറഞ്ഞു... " എന്നെ അടിച്ചില്ലേ...? " " ഇനിയും അടിക്കും.... " സിദ്ധു ചിക്കൻ നുള്ളി ചോറ് വാരി കൊണ്ടു പറഞ്ഞു.... ഉരുള കണ്മണിക്ക് നേരെ നീട്ടിയതും അവൾ വാ തുറന്നു.... " ഇനി വാരി കഴിക്ക്.... " ഭക്ഷണം അവൾക്ക് നേരെ നീട്ടി... " എനിക്ക് വേണ്ട.... " കണ്മണി തിരിഞ്ഞു ഇരുന്നു.... " ഇങ്ങനെ ഒരു പെണ്ണ്.... " സിദ്ധു വീണ്ടും ഭക്ഷണം അവൾക്ക് നേരെ നീട്ടി... ഒരു ചിരിയോടെ വാ തുറന്നു.... ഭക്ഷണം കഴിച്ചു കഴിഞ്ഞു സിദ്ധു പാത്രം അടുക്കളയിലേക്ക് കൊണ്ടു പോയി കഴുകി തിരികെ റൂമിൽ വന്നതും കണ്മണി ബാത്‌റൂമിൽ നിന്നും ഛർദിക്കുന്ന ശബ്ദം.... സിദ്ധു പോയി നോക്കി... ആകെ അവശയായി ചുമര് ചാരി നിൽപ്പുണ്ട്... " എന്ത് പറ്റി...? " അവളെ ചെന്ന് പിടിച്ചു നേരെ നിർത്തി... " അറിയില്ല.... കഴിച്ചതൊക്കെ ഛർദിച്ചു.... " " വാ ഹോസ്പിറ്റലിൽ പോകാം.... ഭക്ഷണത്തിന്റെ ആണെങ്കിലോ.... " സിദ്ധു അവളെ താങ്ങി പിടിച്ചു മുറ്റത്തേക്ക് നടന്നു.... കാറിലിരുത്തി ഡോർ അടച്ചു വീടും പൂട്ടി ഇറങ്ങി... വണ്ടി മുന്നോട്ട് പോകുത്തോറും അവൾക്ക് നന്നായി വയറ് വേദനിക്കാൻ തുടങ്ങി.... " വയ്യാ സിദ്ധു ഏട്ടാ.... " കണ്മണി അവന്റെ തോളിലേക്ക് ചാരി... സിദ്ധുവിന് ആകെ വെപ്രാളം.... ഹോസ്പിറ്റലിൽ എത്തി ഡോക്ടറെ കാണാൻ ഒപി ടിക്കറ്റും എടുത്തു.... " എന്താ കഴിച്ചത്...? " ഡോക്ടർ അവളുടെ പൾസ് നോക്കി ചോദിച്ചു.... " ഇപ്പൊ ബിരിയാണി... ഉച്ചക്കും രാവിലെയും ഒന്നും കഴിച്ചില്ല... ". കണ്മണി പതിഞ്ഞ സ്വരത്തിൽ പറഞ്ഞു... സിദ്ധു കൂർപ്പിച്ചൊരു നോട്ടം..... " ലൂസ് മോഷൻ ഉണ്ടോ..? " " ഇല്ല.... " " അപ്പൊ ഫുഡിന്റെ അല്ല... ഗ്യാസ് കയറിയതാകും... ഒരു ഇൻജെക്ഷൻ എടുക്കാം... പിന്നെ ടാബ്ലെറ്റ്‌ എഴുതിയിട്ടുണ്ട്... " ഡോക്ടർ അവരെ നോക്കി പറഞ്ഞു.... " എന്തെങ്കിലും ബുദ്ധിമുട്ട് ഉണ്ടെങ്കിൽ വന്നോളൂ.... " ഇൻജെക്ഷൻ എടുത്തപ്പോൾ കണ്മണിക്ക് ആശ്വാസം തോന്നി.... ഹോസ്പിറ്റലിൽ നിന്നും ഇറങ്ങിയതും സിദ്ധു അവളെ ചീത്ത പറഞ്ഞു കണ്ണ് പൊട്ടിച്ചു... കണ്മണി ഒന്നും കേൾക്കാത്ത ഭാവത്തിൽ കണ്ണടച്ച് കിടന്നു..... വീട്ടിൽ തിരികെ എത്തിയതും സിദ്ധു ഇത്തിരി അരി കഴുകി കുക്കറിൽ ഇട്ട് തിരികെ വന്നവൾക്ക് ഗുളിക കൊടുത്തു.... " ഇനി അര മണിക്കൂർ കഴിഞ്ഞു കഞ്ഞി കഴിക്കാം. " അവളുടെ അരികിലേക്ക് ഇരുന്നു പറഞ്ഞവൻ... " എനിക്ക് ഇനി ഒന്നും വേണ്ടാ.... " കണ്മണി അവന്റെ കൈ തണ്ടയിലേക്ക് മുഖം പൂഴ്ത്തി വെച്ച് പറഞ്ഞു... " നേരത്തെ ഞാൻ ആ വടി ഇവിടെ എവിടെയോ വെച്ചിരുന്നു.... ". സിദ്ധു തിരയുന്നത് പോലെ ഭാവിച്ചു കൊണ്ടു പറഞ്ഞു.... " ഞാൻ കഴിച്ചോളാം.... " മുഖം വീർപ്പിച്ചു കുടുക്ക പോലെ ആയിരുന്നവളുടെ.... സിദ്ധുവിന് ചിരി വന്നു.... കണ്മണി അവനെ കൂർപ്പിച്ചു നോക്കി അവന്റെ മടിയിലേക്ക് കയറിയിരുന്നു... " എന്നെ എന്തോരം അടിച്ചെന്നോ.... " അവൾ അവന്റെ കഴുത്തിലൂടെ കയ്യിട്ട് പറഞ്ഞു.... " രണ്ടെണ്ണം.... ". സിദ്ധു അവളെ ചുറ്റി പിടിച്ചു പറഞ്ഞു... " എനിക്ക് നന്നായി വേദനിച്ചു.... ". ചുണ്ട് കൂർപ്പിച്ചു പറഞ്ഞവൾ . " ചുണ്ട് കൂർപ്പിക്കരുത് എന്ന് പറഞ്ഞിട്ടുണ്ട് ഞാൻ.... " സിദ്ധു അവളോട്‌ കണ്ണുരുട്ടി പറഞ്ഞു.... " ഇനിയും ഇനിയും നിന്നെ ഞാൻ വേദനിപ്പിക്കും.... " സിദ്ധു വെല്ലുവിളി നടത്തും പോലെ പറഞ്ഞു.... കണ്മണി അവന്റെ കവിളിൽ പല്ലുകൾ ആഴ്ത്തി.... " കടിക്കുന്നോടി കുട്ടി പിശാച്ചേ.... " അവളെ നോക്കി കവിളിൽ ഉഴിഞ്ഞവൻ.... " സോറി... എങ്കിൽ ഉമ്മ തരാം.... " കണ്മണി അവനെ കൊഞ്ചിച്ചു കൊണ്ടു പറഞ്ഞു.... " വേണ്ടാത്ത വിചാരം മാത്രമേ ഉള്ളൂ... മാറിരിക്കങ്ങോട്ട്.... " അവളെ മടിയിൽ നിന്നും എടുത്തു മാറ്റി സിദ്ധു എഴുന്നേറ്റു അടുക്കളയിലേക്ക് നടന്നു... " അതെന്താ എന്റെ ഉമ്മ കൊള്ളില്ലേ...? " കണ്മണി അവന്റെ പിറകെ ചെന്ന് ചോദിച്ചു... " ഇല്ല... ഒട്ടും കൊള്ളില്ല.... " സിദ്ധു പൊട്ടി വന്ന ചിരി ചുണ്ടിലൊളിപ്പിച്ചു.... " ഞാൻ സുന്ദരിയാ... സുന്ദരി കുട്ടി... എന്നെ കാണാനും നല്ല ഭംഗിയാ... ആ എന്റെ ഉമ്മ കൊള്ളില്ലെന്നോ..." കണ്മണി വീറോടെ പറഞ്ഞു... " എന്റെ അത്രേം ഇല്ല... എനിക്ക് കണ്ണ് തട്ടാതിരിക്കാൻ കൂടെ കൊണ്ടു നടക്കാം... പിന്നെ ഈ സുന്ദരി ആയതോണ്ട് ഉമ്മ നന്നാവണം എന്നില്ല.... " സിദ്ധു കളിയോടെ പറഞ്ഞു.... " ഇത് കുടിക്ക്.... ". അവൻ ബ്ലൗളിൽ കഞ്ഞി നിറച്ചു അവളുടെ നേരെ നീട്ടി... " എനിക്ക് വേണ്ടാ... ഞാൻ സുന്ദരി അല്ലല്ലോ...? " കണ്മണി മുഖം വീർപ്പിച്ചു.. " സുന്ദരി കുട്ടികൾ പട്ടിണി കിടക്കില്ലെന്നാ.... " സിദ്ധു എങ്ങോട്ടോ നോക്കി പറഞ്ഞു.... " പിന്നെ ഈ സുന്ദരി കുട്ടികൾ പറഞ്ഞതൊക്കെ കേൾക്കുകയും അനുസരിക്കുകയും ചെയ്യും എന്ന് ആരോ പറയുന്നത് കേട്ടിട്ടുണ്ടല്ലോ.....? " സിദ്ധു ആലോചിക്കും പോലെ പറഞ്ഞതും കണ്മണി ബൗൾ വാങ്ങി കയ്യിൽ പിടിച്ചു.... " ഇപ്പൊ മനസിലായില്ലേ ഞാൻ സുന്ദരി കുട്ടിയാന്നെന്ന്... " കണ്മണി ഒരു വിജയിയെ പോലെ ചോദിച്ചു.... മനസിലായെന്ന് സിദ്ധു തലയാട്ടി... " ഒരു പത്തു പൈസക്കുള്ള വിവരമില്ല... ആര് എന്ത് പറഞ്ഞാലും വിശ്വസിച്ചോളും... ". കഞ്ഞിയുമായി പോകുന്നവളെ നോക്കി പറഞ്ഞവൻ... കഞ്ഞി കുടിച്ചതും കണ്മണി വീട്ടിലേക്ക് വിളിച്ചു.... ഛർദിച്ചതും ഹോസ്പിറ്റലിൽ പോയതും എല്ലാം വള്ളി പുള്ളി വിടാതെ പറഞ്ഞു കൊടുത്തു... ഭക്ഷണം കഴിക്കാത്തത് മാത്രം പറഞ്ഞില്ല.... കണ്മണി ഫോൺ വിളി കഴിഞ്ഞു മുറിയിലേക്ക് ചെന്നതും സിദ്ധു ഫോണിലെന്തോ കണ്ടുകൊണ്ടു കിടപ്പാണ്.... അവൾ ഫോൺ എടുത്തു വെച്ച് സിദ്ധുവിന്റെ അരികിലേക്ക് കയറി കിടന്നു.... " സിദ്ധു ഏട്ടാ.... " കണ്മണി തോണ്ടി വിളിച്ചു... സിദ്ധു ഫോൺ ഓഫ് ചെയ്ത് കണ്മണിക്ക് നേരെ തിരിഞ്ഞു കിടന്നു.... കണ്മണി അവന്റെ കൈ വിടർത്തി അതിലേക്ക് തല വെച്ച് ഇത്തിരി കൂടെ അടുത്തേക്ക് നീങ്ങി കിടന്നു.... " എന്നെ കെട്ടിപിടിച്ചു കിടന്നോ... " അവന്റെ കൈ എടുത്തു വയറിനു കുറുകെ ചുറ്റിച്ചു കൊണ്ടു പറഞ്ഞവൾ.... " സിദ്ധു ഏട്ടാ... അതില്ലേ... അമ്മ ചോദിക്കാ എന്താ ഞാൻ ഛർദിച്ചത്... എനിക്ക് വിശേഷം ഉണ്ടോ ന്ന്...? " കണ്മണി അവന്റെ ബനിയൻ വലിച്ചു കൊണ്ടു പറഞ്ഞു.... " പിന്നെ.... വലിയ വിശേഷം തന്നെയാണെന്ന് പറയാമായിരുന്നില്ലേ... ഒരാഴ്ച്ചത്തെ സസ്‌പെൻഷൻ.... " കണ്മണി മുഖം വീർപ്പിച്ചു... " ഇത് അതല്ല... ഞാൻ ഗർഭിണി ആണോ ന്ന്.... " സിദ്ധു മുഖം താഴ്ത്തി അവളെയൊന്ന് നോക്കി... നാണം കൊണ്ടു താഴ്ന്നു പോയവളുടെ മുഖം... അവന് ചിരി വന്നു... " ആദ്യം നീയൊന്ന് വളര്... എന്നിട്ടു പോരെ കുഞ്ഞൊക്കെ...? " കണ്മണി മുഖം വീർപ്പിച്ചു... " നീ ഉറങ്ങിക്കാ.... " " ഒരു ഉമ്മ തരോ...? " കണ്മണി കെഞ്ചി... " ഉറങ്ങ്... " അവളുടെ തലക്ക് ഒരു കൊട്ട് കോട്ടി പറഞ്ഞവൻ... " ഒന്നേ ഒന്ന് പ്ലീസ്.... " അവന്റെ താടിയിൽ കൊഞ്ചിച്ചു ചോദിച്ചവൾ... അവൻ നെറുകയിൽ നേർമയിൽ ഒരു ഉമ്മ കൊടുത്തു... " ഇത് പോരാ നമുക്ക് ഫ്രഞ്ച് അടിക്കാം... " കണ്മണി ഉഷാറോടെ പറഞ്ഞു... " വേണ്ടാത്തത് ഒക്കെ മനസില്... കിടന്നു ഉറങ്ങടി... " സിദ്ധു അവളോട് ചാടി... " പ്ലീസ്... " " ഉറങ്ങ്..... ഉറങ്ങ്.... ഉറങ്ങ്... " ഓരോ കൊട്ട് തലയിൽ കൊടുത്തു പറഞ്ഞവൻ.... " ദുഷ്ടൻ.... " കണ്മണി പിറുപിറുത്തു.... കാത്തിരിക്കുക #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ