അനുരാഗം 5️⃣7️⃣ കണ്മണിയെ ഹോസ്റ്റലിൽ ആക്കിയിട്ടാണ് സിദ്ധു കോളേജിലേക്ക് പോയത്... അവർക്ക് പോകാനുള്ള ബസ് എത്തിയിരുന്നു... കുട്ടികൾ എല്ലാവരും എത്തിയതും ബസ് പുറപ്പെട്ടു..... മെസ്സേജ് സൗണ്ട് കേട്ടതും സിദ്ധു ഫോൺ എടുത്തു നോക്കി.... " മിസ്സ്‌ യൂ.... " കണ്മണിടെ മെസ്സേജ്.... സിദ്ധുവിന്റെ ചുണ്ടിൽ നേരിയ ചിരി വിരിഞ്ഞു.... " ഗുഡ് നൈറ്റ്‌.... " സിദ്ധു മെസ്സേജ് അയച്ചു.... ഹോസ്റ്റലിൽ കണ്മണി തിരികെ വന്ന ആഘോഷത്തിലായിരുന്നു ദേവികയും ജാസ്മിനും അശ്വതിയും..... പാട്ടും പുറത്തെ ഫുഡും ഡാൻസും ആയി അടിച്ചു പൊളിക്കുകയാണ്... കണ്മണി ബെഡിൽ കിടന്നു ഒരു ചിരിയോടെ എല്ലാം നോക്കി കണ്ടു... കണ്മണിയെ അവർ ഒരുപാട് നിർബന്ധിച്ചെങ്കിലും അവളിലെന്ന് പറഞ്ഞു ബെഡിൽ കിടന്നു.... " ഇങ്ങനെ ആണേൽ നീ ഇങ്ങോട്ട് വരേണ്ടിരുന്നില്ല.... " ദേവിക വിയർത്തു കുളിച്ചു കൊണ്ടു കണ്മണിയെ കെട്ടിപിടിച്ചു.... " നാറീട്ടും പാടില്ല നിന്നെ... വിട്ട് കിടക്ക്..... ". കണ്മണി ദേവികയെ ഉന്തി.... " ഓഹ് നിനക്ക് സാറിന്റെ വിയർപ്പ് മണം മാത്രമേ പിടിക്കൂ..... " ദേവിക കണ്മണിയെ ഉന്തി കൊണ്ടു പറഞ്ഞു..... കണ്മണി ഒന്ന് പതിഞ്ഞു ചിരിച്ചു.... ആ മനുഷ്യൻ തനിക്ക് ആരെന്ന് നിർവചിക്കാൻ കഴിയില്ല.... സിദ്ധുവിന്റെ നേർത്ത ഓർമ്മകൾ അവളെ വിരഹ വേദനയിലാഴ്ത്തി..... നിദ്ര പുൽകുമ്പോൾ പോലും ആ ഒരുവന്റെ അസാന്നിധ്യം നോവ് തന്നെയായിരുന്നവൾക്ക്..... രാവിലെ കണ്മണിയുടെ ഫോൺ നിർത്താതെ അടിക്കുന്നത് കേട്ട് ദേവിക ചെവി പൊത്തി... കണ്മണി കയ്യെത്തിച്ചു ഫോൺ എടുത്തു ഉറക്ക ചടപ്പിൽ ഹലോ എന്ന് ചോദിച്ചു.... " എഴുന്നേറ്റില്ലേ നീയ്.... " മറുപുറം സിദ്ധു.... കണ്മണി വേഗം ചാടി എഴുന്നേറ്റു... " സിദ്ധു ഏട്ടൻ എത്തിയോ...? " " എത്തി.... ഫ്രഷായി... ചായ കുടിക്കാൻ ഇറങ്ങിയതാ.... നീ വല്ലതും കഴിച്ചോ...? " " ഇത്ര നേരത്തെയോ...? " കണ്മണി കിണുങ്ങി.... " എട്ട് മണി ആയില്ലേ.... മെസ്സ് ക്ലോസ് ചെയ്യില്ലേ.... " കണ്മണി ഫോണിലേക്ക് നോക്കി... ശരിയാണ് സമയം എട്ട് മണി കഴിഞ്ഞിട്ടുണ്ട്..... " കഴിക്കാം.... ഇന്നലെ കിടക്കാൻ ഇത്തിരി വൈകി...." കണ്മണി ഏറ്റു പറച്ചില് പോലെ പറഞ്ഞു..... " ശരി... ഞാൻ വൈകുന്നേരം വിളിക്കാം.... " സിദ്ധു പറഞ്ഞു... " വെക്കാണോ....? " പരിഭവം കൊണ്ടു കൂർത്തു പോയ വാക്കുകൾ.... " നിനക്ക് എന്തെങ്കിലും പറയാനുണ്ടോ....? " ഇല്ലെന്നവൾ ചുമൽ കുച്ചി.... " കണ്ണെ നിനക്ക് എന്തെങ്കിലും പറയാനുണ്ടോ...? " " ഇല്ല സിദ്ധു ഏട്ടാ.... " " എങ്കിൽ പോയി കുളിച്ചു വല്ലതും കഴിച്ചു കോളേജിൽ പോകാൻ നോക്ക്....." " ശരി.... " സിദ്ധു ഫോൺ വെച്ച് കളഞ്ഞു..... കണ്മണി വീണ്ടും വന്നു പുതച്ചു മൂടി കിടന്നു..... കണ്ണുകൾ അടഞ്ഞു പോയി.... കണ്ണ് തുറന്നു നോക്കുമ്പോൾ എല്ലാം ബെഡിൽ തലങ്ങും വിലങ്ങും കിടക്കുന്നുണ്ട്.... " റെഡിയാകുന്നില്ലേ... കോളേജിൽ പോകണ്ടേ.... " കണ്മണി ഒന്ന് കയ്യും കാലും നിവർത്തി കൊണ്ടു ചോദിച്ചു..... ദേവികയുടെ നോട്ടം പോയത് കുഞ്ഞോരു ടേബിളിൽ ഇരിക്കുന്ന ടൈം പീസിലേക്കാണ്.... സമയം പന്ത്രണ്ടു കഴിഞ്ഞു..... " ഉച്ചയായോ....? " കണ്മണി ഞെട്ടി കൊണ്ടു ചോദിച്ചു.... " ആടി എഴുന്നേൽക്കാൻ വൈകി... ഞങ്ങളൊക്കെ ഇപ്പൊ എഴുന്നേറ്റതെ ഉള്ളൂ... ഇന്നത്തെ ഒരു ക്ലാസ്സ്‌ പൊക്കോട്ടെ... നീ വിഷമിക്കണ്ട..... " ദേവിക പറഞ്ഞു.... " സിദ്ധു ഏട്ടൻ എങ്ങാനും അറിഞ്ഞാ അത് മതി.... " " നിനക്ക് നിന്റെ സിദ്ധു ഏട്ടൻ അറിയോ എന്ന പേടി... ബാക്കിയുള്ളോള് അതിലും വലിയ പ്രെഷറിലാണ് ഇരിക്കുന്നത്.... " ജാസ്മിന്റെ വർത്താനം കേട്ട് കണ്മണി എന്തെന്ന പോലെ നോക്കി.... " രാവിലെ ചായ കുടിച്ചിട്ടില്ല... ഇനി ഇപ്പൊ ചായ കുടിച്ചാൽ എപ്പോ ചോറ് കഴിക്കും... ആകെ ടൈം തെറ്റി...." " തീറ്റി പണ്ടാരം.... " കണ്മണി പിറുപിറുത്തു.... " എന്റെ ഒരു നേരത്തെ ഫുഡ്‌ പോയിട്ടുണ്ട്.... നിനക്കൊന്നും ആ വിഷമം പറഞാ മനസ്സിലാവില്ല..... ". ജാസ്മിൻ ഭാവഭിനയം തീർത്തു കൊണ്ടു പറഞ്ഞു..... " എന്തായാലും എഴുന്നേൽക്കിൻ എല്ലാം... വല്ല സിനിമക്കും പോകാം.... " അശ്വതി പറഞ്ഞു... " ഞാനില്ല... സിദ്ധു ഏട്ടൻ അറിഞ്ഞാൽ എന്നെ വെച്ചേക്കില്ല.... " കണ്മണി ആ ചീട്ട് പാടെ കീറി കളയാൻ നോക്കി.... പക്ഷെ ആരും സമ്മതിച്ചില്ല.... " എങ്കിൽ നീ സാറിനോട് വിളിച്ചു പറ.... " ജാസ്മിന്റെ വക.... " ഹേയ്... ഞാൻ ഇന്ന് ലീവ് ആണെന്ന് അറിഞ്ഞാൽ ഉണ്ടാകുന്ന പുകില് തന്നെ നിങ്ങൾക്ക് അറിയില്ല... പുളിവാറലോണ്ടായിരിക്കും എനിക്ക് മറുപടി.... " മുന്നേ കിട്ടിയ ഓർമയിൽ കണ്മണി പറഞ്ഞു... " നീയൊരു ഫ്രഞ്ച് അടിച്ചാൽ തീരാവുന്ന പ്രശ്നമേ ഉള്ളൂ... ഇനി വക്കാലത്ത് ഒന്നും തന്നെ ഇല്ല... നമ്മൾ പോകുന്നു.... " അശ്വതി തീർപ് പറഞ്ഞു.... നാലും കൂടെ വേഗത്തിൽ റെഡിയായി ഇറങ്ങി... പുറത്തെ ഹോട്ടലിൽ നിന്നും ഫുഡും കഴിച്ചു സിനിമക്ക് കയറിയത് നാലു മണിയുടെ ഷോക്കായിരുന്നു.... ഏഴു മണിക്ക് അടുത്തായി സിനിമ കഴിയാൻ..... സിനിമ കഴിഞ്ഞതും എല്ലാം ഒന്ന് കയ്യും കാലും നിവർത്തി ഉഷാറായി പുറത്തേക്ക് ഇറങ്ങി.... സിനിമ കണ്ടു ഇറങ്ങിയവരുടെയും അടുത്ത ഷോക്ക് കയറാൻ വന്നവരുടെയും നല്ല തിരക്ക് ഉണ്ടായിരുന്നവിടെ..... തിരക്കിനുള്ളിലൂടെ ദേവികയുടെ കയ്യും പിടിച്ചു കണ്മണി നടന്നു.... പിറകിൽ നിൽക്കുന്നവൻ നല്ല രീതിയിൽ തന്നെ വന്നു മുട്ടുന്നുണ്ട്... " ഇത്തിരി മാറി നിൽക്ക് ചേട്ടാ.... " ശല്യമായി തോന്നിയപ്പോൾ കണ്മണി പറഞ്ഞു.... " തിരക്ക് അല്ലേ പെങ്ങളെ.... " അയാൾ ചുറ്റും വിരൽ ചൂണ്ടി പറഞ്ഞു.... വീണ്ടും വീണ്ടും ആ തിരക്ക് അയാൾ ഒരു തഞ്ചമായി കണ്ടു.... പിന്നിൽ നിന്നും ഉന്തുന്നത് ഭാവിച്ചു അയാൾ മുന്നോട്ട് ആഞ്ഞവളുടെ വയറിൽ പിടിച്ചതും സകല നിയന്ത്രണവും വിട്ട് കണ്മണി അയാളുടെ ഷിർട്ടിന്റെ കോളറിൽ പിടിച്ചു.... പിന്നെ തിരക്കായി ബഹളായി ക്യാമറയായി ആളുകൾ കൂടി കയ്യേറ്റത്തിലെത്തി.... ദേവിക കണ്മണിയെയും കൂട്ടി വേഗത്തിൽ അവിടെ നിന്നും ഇറങ്ങി.... . " ഞാൻ അപ്പോഴേ പറഞ്ഞതാ ഈ പണിക്കൊന്നും എന്നെ കിട്ടില്ലെന്ന്‌..... " കണ്മണി നഖം കടിച്ചു കൊണ്ടു പറഞ്ഞു.... " എല്ലാം ഉണ്ടാക്കിയതും നീയല്ലേ... നിനക്ക് ഒന്ന് കണ്ണടച്ച് നിൽക്കായിരുന്നില്ലേ... എന്നാൽ ഈ പുലിവാല്ണ്ടാകുമോ...? " അശ്വതി ചോദിച്ചു.... " ദേ റോഡ്‌ ആണെന്നും വഴിയാണെന്നും നോക്കില്ല... ചെരുപ്പൂരി മോന്തക്ക് ഒന്ന് തരും ഞാൻ... അവന്റെ തട്ടലും ഒട്ടലും സഹിക്കണം പോലും... അതിന് എന്നെ കിട്ടില്ല.... " " എല്ലാം നീ തന്നെ പറയുന്നു... " ജാസ്മിൻ അവളെ കളിയാക്കി.... " ഒന്നും ഉണ്ടാവില്ല കണ്മണി... ഇത്‌ ആരും അറിയാൻ പോകുന്നില്ല.... " ദേവിക അവളെ ആശ്വസിപ്പിച്ചു.... ആ ആശ്വാസത്തിനു ഒന്ന് ഇരുട്ടി വെളുക്കാനുള്ള സമയമേ ഉണ്ടായിരുന്നള്ളൂ..... ഫോൺ നിർത്താതെ ശബ്ദിക്കുന്നത് കേട്ടാണ് കണ്മണി ഉണർന്നത്... സിദ്ധു ഏട്ടൻ കാളിങ്... കണ്മണി ചാടി എഴുന്നേറ്റു കാൾ എടുത്തു.... " നീ ഇന്നലെ എവിടെയായിരുന്നു...? " അങ്ങേ തലക്കലെ ശബ്ദത്തിന്റെ മൂർച്ച മനസിലായതും കണ്മണിടെ ഉള്ളിലൊരു വെള്ളിടി വെട്ടി.... " കണ്ണെ നിന്നോടാ ഞാൻ ചോദിച്ചത്...? " " ഞാ.... ഞാൻ... ഞാൻ.... " അവളാകെ പതറി പോയി.... " നീ ഇന്നലെ കോളേജിൽ പോയില്ലേ...? " " മ്മ് ഹ്.... " കണ്മണി മൂളി... " ഉണ്ടെന്നോ ഇല്ലെന്നോ...? " ഷൗട്ട് ചെയ്യുമ്പോലെ ചോദിച്ചവൾ.... " പോയില്ല.... " നേർത്തൊരു ശബ്ദം..... ഫോൺ കട്ട്‌ ആകുന്ന ശബ്ദം കേട്ടതും കണ്മണിക്ക് ഉള്ളാലെ ആകെ ഭയം കയറി.... കണ്മണി തിരികെ വിളിച്ചു നോക്കി... സിദ്ധു ഫോൺ എടുക്കുന്നില്ല.... " ദേവു... ഡി ദേവു... ശവമേ എഴുന്നേൽക്ക്.... " കണ്മണി അരികിൽ കിടക്കുന്നവളെ കുലുക്കി വിളിച്ചു... അവളുടെ അലറലിൽ എല്ലാം എഴുന്നേറ്റു... " എന്താടി.... " ദേവിക കണ്ണ് തിരുമ്മി ചോദിച്ചു.... " ഡി ഇന്നലത്തെ സംഭവം സിദ്ധു ഏട്ടൻ അറിഞ്ഞു.... "വെപ്രാളം കലർന്ന സ്വരത്തിൽ പറഞ്ഞവൾ.. ." നീ വല്ല സ്വപ്നവും കണ്ടതാകും.... " ജാസ്മിൻ പറഞ്ഞു... " മനുഷ്യന്റെ ഉറക്കം കളയാൻ.... " പിറുപിറുത്തു കൊണ്ടു ദേവിക ബെഡിലേക്ക് തന്നെ കിടന്നു.... സമയം ആറു മണി കഴിഞ്ഞു.... പക്ഷേ കണ്മണിടെ ഉള്ളം പുകഞ്ഞു... അവൾ ഫോൺ എടുത്തു സിദ്ധുവിന് വിളിച്ചു... പതിമൂന്നോളാം കാൾ.... മറുപുറം കാൾ അറ്റൻഡ് ചെയ്തതും കണ്മണിക്ക് ശ്വാസം നേരെ വീണു.... " സോറി സിദ്ധു ഏട്ടാ... സോറി... സോറി.... " " നോക്ക് കണ്മണി വെറുതെ എന്നെ വിളിച്ചു ബുദ്ധിമുട്ടണ്ട... എനിക്ക് ഇവിടെ തിരക്കുണ്ട്.... " അവളെ പറഞ്ഞു മുഴുവനക്കാൻ സമ്മതിക്കാതെ സിദ്ധു പറഞ്ഞു.... . " സിദ്ധു ഏട്ടാ സോറി.... " " അതിന്റെ സ്റ്റേജ് ഇന്നലെ കഴിഞ്ഞു... ഇന്നലെ ഇതേ കുറിച്ച് നീ പറഞ്ഞിരുന്നെങ്കിൽ....." സിദ്ധു ബാക്കി പറയാതെ ഫോൺ വെച്ച് കളഞ്ഞു.... നല്ല ദേഷ്യം തോന്നി അവന്... അത്രേം പറഞ്ഞതാണ് അവളോട്.... എന്നിട്ടും അനുസരണ കേട് കാണിച്ചു... യാതൊരു കുറ്റബോധവുമില്ലാതെ മറച്ചു പിടിച്ചു.... സിദ്ധു ഫോൺ സ്വിച്ച് ഓഫ് ചെയ്തു വെച്ചു... കണ്മണി സ്വയം നെറ്റിക്കടിച്ചു... എല്ലാം നേരിൽ കാണുമ്പോൾ ശരിയാകുമെന്ന പ്രതീക്ഷയോടെ..... കാത്തിരിക്കുക Hai guys.... സ്റ്റോറി മനഃപൂർവം വൈകിയതല്ല... ഓണത്തിന് ഒരാഴ്ച്ച മുൻപ് വിറക് എടുക്കുമ്പോൾ കയ്യിൽ അതൊന്ന് തട്ടി... രണ്ടീസം വിരൽ നല്ല പോലെ വീർത്തു... പിന്നെ വേദന തുടങ്ങി... ഇന്ന് മാറും നാളെ മാറും എന്ന് കരുതി ഹോസ്പിറ്റലിൽ പോയില്ല... പിന്നെ പഴുത്തു.. വിരൽ കീറി. സ്റ്റിച് ഇട്ടു... ആകെ സീൻ... അതോണ്ടാ സ്റ്റോറി വൈകിയത്... #📙 നോവൽ #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ