पुरुषालाही मन असतं आजच्या समाजात "पुरुष" म्हटला की लगेच त्याच्या अंगावर काही ठराविक शिक्के मारले जातात . “तो भावना दाखवत नाही”, “त्याला फक्त देह महत्त्वाचा वाटतो”, “पुरुष म्हणजे कामातूर प्राणी”. पण खरं सांगायचं तर पुरुषालाही मन असतं, भावना असतात, आवड-निवड असते, आणि प्रेमात नाजूकपणा असतो. पुरुष म्हणजे फक्त “शारीरिक इच्छा असलेला प्राणी” नाही, तर तोही भावनांनी, सन्मानाने आणि आत्मीयतेने जगणारा माणूस आहे. स्त्री जशी प्रेम, जिव्हाळा, संवाद, स्पर्श यांची अपेक्षा करते ,तसाच पुरुषही मानसिक जवळीक आणि भावनिक स्पर्श शोधतो. जेव्हा स्त्री त्याच्याशी ममतेने, सन्मानाने बोलते, त्याला आपलेपण दाखवते तेव्हा तो केवळ शरीरिकच नाही, तर पूर्ण मनाने नात्यात गुंततो. पुरुष माणूस आहे, मशीन नाही. तो सुद्धा थकतो, दुःखतो, अपेक्षा ठेवतो, समजून घेण्याची आस बाळगतो. त्याच्या मनातही कोमल भावना असतात, फक्त समाजाने त्याला "तू रडू नकोस, तू मजबूत राहा" असं सांगत त्याला भावनांच्या अभिव्यक्तीपासून दूर ठेवलं आहे. पण आतून तोही प्रेम, आपलेपणा, आणि सन्मानाची अपेक्षा करतो. स्त्रीच्या वागण्यानं पुरुषाचं मन जिंकतं : पुरुषाचं मन जिंकण्यासाठी मोठं काही करावं लागत नाही फक्त थोडं समजून घेणं, काही प्रेमळ शब्द, आणि थोडी काळजी इतकंच पुरेसं असतं. स्त्रीच्या बोलण्यात ममत्व असावं, नजरेत विश्वास असावा आणि स्पर्शात आपुलकी असावी . असं झालं की पुरुष स्वतःहून बदलतो, तो अधिक प्रेमळ, जबाबदार आणि समर्पित होतो. स्त्रीच्या प्रेमळ वागण्याने त्याच्या मनात आनंद निर्माण होतो, आणि त्या मानसिक समाधानातूनच शारीरिक जवळीक नैसर्गिक आणि आनंददायी बनते. मनातून जुळलेलं नातं हेच शरीरातून टिकतं , जबरदस्तीने नाही. शृंगार हा देहापुरता नसतो तर तो दोन मनांचा, दोन आत्म्यांचा संवाद असतो. म्हणुन त्याच्या ही मणाचा विचार केला पाहिजे. बरोबर ना. 🙏🙏🙏🙏🙏🙏🙏🙏🙏🙏🙏 🌹🌹🌹शुभ सकाळ #बोल अंतरीचे #ए जिंदगी ❤️❤️ ##🌅 सकाळ तुमची शुभेच्छा आमची #Soft❤️ #कडवी बाते 🌹🌹🌹