ആവർത്തനം ആയിരുന്നു എല്ലാം.. ആത്മാന്വേഷണത്തിൻ്റെ ഒറ്റയടിപ്പാതകളിൽ അവശേഷിച്ച തിരിച്ചറിവിൻ്റെ അറ്റം ചേർന്ന് നിൽക്കാൻ നഷ്ടങ്ങളുടെ നിറം മങ്ങിയ പകലുകൾ മാത്രം... ഒരുപിടി നോവുകൾ ബാക്കി വെച്ച് പോകുന്ന സായാഹ്നങ്ങൾ... കുത്തിയൊഴുകുന്ന സങ്കപ്പെയ്ത്തിൻ്റെ അലയടികൾ ശേഷിച്ച രാത്രികൾ.. നൊന്ത് നീറുന്ന ഇന്നലെകൾ... കണ്ണുനീര് കാവൽ നിൽക്കുന്ന നാളെകൾ... ഈ സമയത്തിന് നന്ദി.. നൊമ്പരം അകറ്റി നിർത്തിയ ഈ രാത്രിയിൽ ശ്വാസതാളം ബന്ധിച്ച സിരകളെ വിട്ട് മരണമെന്ന മരവിപ്പിലേക്ക്... ഹൃദയാന്തരങ്ങളിൽ നിന്ന് ഒളിഞ്ഞുനോക്കാൻ ഓർമ്മകൾ ബാക്കിയുണ്ടാവില്ല... ആത്മാവിന്റെ ചെപ്പിലൊളിച്ച വികാരങ്ങൾ വഴിമാറിപോകും... ചാവേറായിരുന്നു ഞാൻ..!! തോൽക്കുമെന്ന് ഉറപ്പുണ്ടായിരുന്ന യുദ്ധത്തിൽ പടച്ചട്ട ഇല്ലാതെ പോരാടി നെഞ്ച് പിളർന്ന്ചാവേറായ പടയാളി... ഇനിയും ഉറക്കെ നിലവിളിക്കാൻ എനിക്കാവില്ല.. വാക്കുകൾ കുറിക്കാൻ അക്ഷരങ്ങളെ തേടിപോകുമ്പോൾ മൗനമെന്നെ കാർന്നുതിന്നുന്നു... വിധിക്ക് ചെന്നായകൂട്ടത്തിൻ്റെ ക്രൗര്യം... ഒറ്റപ്പെട്ട വർക്ക് ഓക്കാനിച്ച് നിൽക്കാൻ ഒറ്റുകാരുണ്ടാക്കിയ ലോകം.. പരാജിതനായ ഒരുവൻ്റെ ജൽപനങ്ങൾ എന്ന് കരുതി കണ്ണടയ്ക്കരുത്... വിഭിന്നമായ ചിന്തകൾക്ക് മേൽ മതിഭ്രമത്തിൻ്റെ തിടമ്പ് ചാർത്തി അരാജകത്വം കാട്ടുന്ന രാജാക്കൻമാർ... മണ്ണിലെല്ലാം തെളിഞ്ഞ് കീറിയ കണ്ണീർചാലുകൾ.. കാമകൊഴുപ്പുകൾ വിത്ത് പാകിയ വഴിയമ്പലങ്ങളിലെല്ലാം ഉന്തിയ വയറും.. വിശപ്പിന്റെ നേർത്ത നിലവിളികളും.. കരഞ്ഞുകൊണ്ട് സ്വപ്നം കാണുന്നു വാനം.. കണ്ണീര് വീണ് നീലിച്ചിരിക്കുന്നു ഭൂമിയും... താളം തെറ്റിപ്പോയ കാലത്തിന്റെ തിരിച്ചറിവിൽ പരാജയം കുറിച്ച് ഞാനും ഒറ്റയാകുന്നു.... ഇനിയും നിങ്ങൾക്ക് പഴിചാരാം.. അക്ഷരം കുറിക്കാൻ ആവാതെ പാതിവഴിയിൽ ഉപേക്ഷിച്ച കവിതയെ... മൗനമായി കരഞ്ഞ ശൂന്യതയിൽ പുലയാട്ട് പറഞ്ഞവൻ്റെ നേർക്ക് വിരൽചൂണ്ടാൻ കൈ ഉയർത്താൻ കഴിയാതെ പോയ എൻ്റെ നിസ്സഹായതയെ.. കണ്ണൂർകാരൻ ❤️❤️❤️❤️ #🤘 Motivation Video #👌 വൈറൽ വീഡിയോസ് #💃 Reels വീഡിയോസ് #❤️ പ്രണയം സ്റ്റാറ്റസുകൾ #💞 പ്രണയകഥകൾ