🌹☕गुड मॉर्निंग Special☕🌹 Images • रमेश गुरव औंध (@208431111) on ShareChat

रमेश गुरव औंध - Author on ShareChat: Funny, Romantic, Videos, Shayari, Quotes

🌹🌹 सत्य परिस्थिती 🌹🌹 माणूस माणसाला पारखा होत चालला आहे.. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~ हल्ली...प्रत्यक्षातील सोडा पण स्वप्नातील वाट सुद्धा सापडत नाही. खरं तर आपणच ती शोधण्याच्या भानगडीत पडत नाही कारण आपण खूप बिझी झाल्याने नात्याची माती करीत आहोत. आणि आपल्याला या गोष्टीची अजिबात खंत वाटत नाही. आपण इतके आत्मकेंद्री झालेले आहोत की फक्त मी आणि माझे या पलीकडे पाहायला आपल्याला वेळ नाही. समोरचा काय बोलतोय, काय करतोय हे पाहण्या इतकाही आपल्याकडे वेळ नाही. खरेतर आपण तो वेळ काढीतच नाही. वेळ फार विचित्र असते बरे, आज तुम्ही तुमच्या लोकांसाठी वेळ काढीत नाही उद्या ती लोकं तुमच्यासाठी वेळ काढणार नाहीत. वेळीच सावध व्हायला हवं कारण फक्त स्वतःपुरतं जगणाऱ्यांना वेळ नेहमीच धडा शिकवीत आलेला आहे. इथे मोठाले राजे महाराजे मातीत मिसळले तिथे तुम्ही आम्ही कोण आहोत हो. आपण इतके निबर कातडीचे झालेले आहोत की, बाबा तुझे काय चालले आहे एवढे सुध्दा खूपशा लोकांना विचारावेसे वाटत नाही. तुमचे पैसे, वय, सौन्दर्य, प्रसिद्धी हे काहीच सोबत येत नाही, लक्षात राहते ती तुमची माणुसकी आणि तुम्ही कमावलेली माणसं.. विद्वान लोक तुमची श्रीमंती तुमच्या पैशावर मोजत नाही तर तुमच्या दारात तुमच्या आप्तस्वकीयांच्या, मित्रमंडळींच्या किती चपला आहेत यावरून तुमची ख्याती मोजतात. दोन मिनिट सुद्धा न बोलण्या इतकं या जगात कधीच आणि कुणीच बिझी नसतं. मी खूप बिझी आहे असे म्हणणारे त्यांची रोजची कामं करीत नाहीत काय? मुळात आपल्या मनात जेव्हा एखादी अपराधीपणाची भावना असेल तेव्हाच आपण समोरच्या व्यक्तीला टाळतो. सगळं आपल्याच मताने होत नाही, कधीकधी आपल्या माणसाच्या मनाची सुद्धा दखल घ्यायची असते. पण त्या माणसाला तुम्ही आपलं मानत असाल तर. आणि आपलं मानतच नसाल तर मग बोलण्यात काही अर्थच नाही. बरीचशी नाती एकमेकांशी संवाद तुटल्यानेच तुटतात. आज बोलू उद्या बोलू या आज उद्याच्या नादात वेळ हातातून निघून जाते आणि मग आपल्याला आपलीच लाज वाटते. आपण समोरच्याला राग येईल असे समजून त्याच्या पासून दूर जातो. माणसाने भाषा विकसित केली आणि म्हणून तो जगातील सर्व प्राणिमात्रांच्याहून श्रेष्ठ गणला गेला. पण ही भाषा संवादासाठी असून आपसातील नाती जपण्याचे प्रभावी माध्यम आहे हेच तो हेतू पुरस्सर विसरून गेला. संवाद साधण्यास हाच माणूस आता कंजुषी करू लागल्याने माणूस माणसाला पारखा होत चालला आहे. बाकी जास्त बोलण्याची गरज नाही, कारण तुम्ही तसे खूप हुशार आहातच.. आणि सूज्ञास सांगणे न लगे असे म्हणतात. कारण संवादामुळे समाजात एकता आणि योग्य समज निर्माण होते. म्हणून अबोला टाळा...संवाद साधा. 🙏🌹श्रीराम समर्थ 🌹🙏 #🌹☕गुड मॉर्निंग Special☕🌹 #☀️गुड मॉर्निंग☀️ #✨सोमवार स्पेशल✨ #माणुसकी #कटू सत्य