#🛣️ਹਾਦਸਿਆਂ ਦੀਆਂ ਅਪਡੇਟਸ 🚛 #🆕2 ਨਵੰਬਰ ਦੀਆਂ ਅਪਡੇਟਸ🗞 #👉 ਤਾਜ਼ਾ ਅਪਡੇਟਸ ⭐ #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #😭ਭਾਰਤੀ ਆਲਰਾਊਂਡਰ ਕ੍ਰਿਕਟਰ ਦੀ ਹਾਦਸੇ 'ਚ ਮੌਤ! ਕ੍ਰਿਕਟ ਜਗਤ ਤੋਂ ਇਕ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ। ਭਾਰਤੀ ਟੀਮ ਲਈ ਅੰਡਰ-19 ਵਿਸ਼ਵ ਕੱਪ ਖੇਡ ਚੁੱਕੇ ਤ੍ਰਿਪੁਰਾ ਦੇ ਸਾਬਕਾ ਆਲਰਾਊਂਡਰ ਰਾਜੇਸ਼ ਬਾਨਿਕ ਦੀ ਪੱਛਮੀ ਤ੍ਰਿਪੁਰਾ ਦੇ ਆਨੰਦਨਗਰ 'ਚ ਇਕ ਸੜਕ ਹਾਦਸੇ 'ਚ ਮੌਤ ਹੋ ਗਈ ਹੈ। ਉਹ 40 ਸਾਲ ਦੇ ਸਨ। ਉਨ੍ਹਾਂ ਦੇ ਪਰਿਵਾਰ 'ਚ ਉਨ੍ਹਾਂ ਦੇ ਮਾਂ-ਬਾਪ ਅਤੇ ਭਰਾ ਹਨ। ਉਨ੍ਹਾਂ ਦੀ ਅਚਾਨਕ ਹੋਈ ਮੌਤ ਕਾਰਨ ਕ੍ਰਿਕਟ ਜਗਤ 'ਚ ਸੋਗ ਦੀ ਲਹਿਰ ਛਾਅ ਗਈ ਹੈ। ਤ੍ਰਿਪੁਰਾ ਦੀ ਟੀਮ ਲਈ ਫਰਸਟ ਕਲਾਸ 'ਚ ਬਣਾਈਆਂ 1400 ਤੋਂ ਵੱਧ ਦੌੜਾਂ ਰਾਜੇਸ਼ ਬਾਨਿਕ ਨੇ 2002-03 ਦੇ ਸੀਜ਼ਨ ਵਿੱਚ ਤ੍ਰਿਪੁਰਾ ਲਈ ਰਣਜੀ ਟਰਾਫੀ ਵਿੱਚ ਆਪਣਾ ਡੈਬਿਊ ਕੀਤਾ ਸੀ। ਉਹ ਆਪਣੇ ਸਮੇਂ ਦੌਰਾਨ ਸੂਬੇ ਦੇ ਚੋਟੀ ਦੇ ਕ੍ਰਿਕਟਰਾਂ ਵਿੱਚੋਂ ਇੱਕ ਸਨ। ਉਨ੍ਹਾਂ ਨੇ 42 ਫਰਸਟ ਕਲਾਸ ਮੈਚਾਂ ਵਿੱਚ ਕੁੱਲ 1,469 ਦੌੜਾਂ ਬਣਾਈਆਂ। ਉਨ੍ਹਾਂ 24 ਲਿਸਟ-ਏ ਮੈਚਾਂ ਵਿੱਚ 378 ਦੌੜਾਂ ਵੀ ਬਣਾਈਆਂ, ਜਿਸ ਵਿੱਚ ਇੱਕ ਸੈਂਕੜਾ ਵੀ ਸ਼ਾਮਲ ਸੀ। ਇਸ ਸਮੇਂ ਦੌਰਾਨ ਉਨ੍ਹਾਂ ਦਾ ਸਭ ਤੋਂ ਵੱਧ ਸਕੋਰ 101 ਸੀ। ਉਨ੍ਹਾਂ ਨੇ ਆਪਣੇ ਕਰੀਅਰ ਵਿੱਚ 18 ਟੀ-20 ਮੈਚ ਵੀ ਖੇਡੇ, ਜਿਸ ਵਿੱਚ 203 ਦੌੜਾਂ ਬਣਾਈਆਂ। ਆਪਣੀ ਸ਼ਾਨਦਾਰ ਬੱਲੇਬਾਜ਼ੀ ਤੋਂ ਇਲਾਵਾ ਰਾਜੇਸ਼ ਬਾਨਿਕ ਆਪਣੀ ਲੈੱਗ-ਬ੍ਰੇਕ ਸਪਿਨ ਲਈ ਵੀ ਮਸ਼ਹੂਰ ਸਨ। ਉਨ੍ਹਾਂ ਨੇ ਲਿਸਟ-ਏ ਕ੍ਰਿਕਟ ਵਿੱਚ ਕੁੱਲ 8 ਵਿਕਟਾਂ ਅਤੇ ਫਰਸਟ ਕਲਾਸ ਕ੍ਰਿਕਟ ਵਿੱਚ 2 ਵਿਕਟਾਂ ਲਈਆਂ। ਬਾਅਦ ਵਿੱਚ ਜਦੋਂ ਉਨ੍ਹਾਂ ਨੇ ਕ੍ਰਿਕਟ ਖੇਡਣਾ ਬੰਦ ਕਰ ਦਿੱਤਾ ਤਾਂ ਉਨ੍ਹਾਂ ਦੀ ਯੋਗਤਾ ਨੇ ਉਸਨੂੰ ਸੂਬੇ ਦੀ ਅੰਡਰ-19 ਟੀਮ ਲਈ ਚੁਣਿਆ। ਇਰਫਾਨ ਪਠਾਨ ਅਤੇ ਰਾਇਡੂ ਦੇ ਸਾਥੀ ਰਹਿ ਚੁੱਕੇ ਹਨ ਰਾਜੇਸ਼ ਬਾਨਿਕ ਰਾਜੇਸ਼ ਬਾਨਿਕ ਦਾ ਜਨਮ 12 ਦਸੰਬਰ, 1984 ਨੂੰ ਤ੍ਰਿਪੁਰਾ ਦੀ ਰਾਜਧਾਨੀ ਅਗਰਤਲਾ ਵਿੱਚ ਹੋਇਆ ਸੀ। ਈਐੱਸਪੀਐਨ ਕ੍ਰਿਕਇੰਫੋ ਦੇ ਅਨੁਸਾਰ, ਬਾਨਿਕ ਨੇ 2000 ਵਿੱਚ ਭਾਰਤੀ ਅੰਡਰ-15 ਟੀਮ ਨਾਲ ਇੰਗਲੈਂਡ ਦਾ ਦੌਰਾ ਕੀਤਾ ਸੀ, ਜਿੱਥੇ ਉਨ੍ਹਾਂ ਨੇ ਅੰਬਾਤੀ ਰਾਇਡੂ ਅਤੇ ਇਰਫਾਨ ਪਠਾਨ ਵਰਗੇ ਖਿਡਾਰੀਆਂ ਨਾਲ ਟੀਮ ਬਣਾਈ ਸੀ। ਉਨ੍ਹਾਂ ਨੇ ਤ੍ਰਿਪੁਰਾ ਲਈ ਕਈ ਟੂਰਨਾਮੈਂਟਾਂ ਵਿੱਚ ਖੇਡਿਆ, ਜਿਨ੍ਹਾਂ ਵਿੱਚ ਵਿਜੇ ਮਰਚੈਂਟ ਟਰਾਫੀ, ਵਿਜੇ ਹਜ਼ਾਰੇ ਟਰਾਫੀ, ਸੀਕੇ ਨਾਇਡੂ ਟਰਾਫੀ ਅਤੇ ਐੱਮਏ ਚਿਦੰਬਰਮ ਟਰਾਫੀ ਸ਼ਾਮਲ ਹਨ। ਰਾਜੇਸ਼ ਬਾਨਿਕ ਨੂੰ ਸ਼ਰਧਾਂਜਲੀ ਅਗਰਤਲਾ ਵਿੱਚ ਬੰਗਾਲ ਵਿਰੁੱਧ ਰਣਜੀ ਟਰਾਫੀ ਮੈਚ ਖੇਡ ਰਹੇ ਤ੍ਰਿਪੁਰਾ ਦੀ ਸੀਨੀਅਰ ਪੁਰਸ਼ ਟੀਮ ਦੇ ਖਿਡਾਰੀਆਂ ਨੇ ਰਾਜੇਸ਼ ਬਾਨਿਕ ਦੇ ਸਨਮਾਨ ਵਿੱਚ ਕਾਲੀਆਂ ਬਾਂਹਾਂ 'ਤੇ ਪੱਟੀ ਬੰਨ੍ਹੀ। ਤ੍ਰਿਪੁਰਾ ਕ੍ਰਿਕਟ ਐਸੋਸੀਏਸ਼ਨ ਨੇ ਸ਼ਨੀਵਾਰ ਨੂੰ ਆਪਣੇ ਮੁੱਖ ਦਫਤਰ ਵਿੱਚ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਸਕੱਤਰ ਸੁਬਰਤ ਡੇ ਨੇ ਕਿਹਾ, "ਇਹ ਬਹੁਤ ਮੰਦਭਾਗਾ ਹੈ ਕਿ ਅਸੀਂ ਇੱਕ ਪ੍ਰਤਿਭਾਸ਼ਾਲੀ ਕ੍ਰਿਕਟਰ ਅਤੇ ਅੰਡਰ-16 ਕ੍ਰਿਕਟ ਟੀਮ ਦੇ ਚੋਣਕਾਰ ਨੂੰ ਗੁਆ ਦਿੱਤਾ ਹੈ। ਅਸੀਂ ਹੈਰਾਨ ਹਾਂ। ਭਗਵਾਨ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ।"