#💚 October 31 Updates ഡോക്ടറെ കാണാൻ വരിനിന്ന അമ്മയുടെ കൈയിലെ കുഞ്ഞ് മരിച്ചനിലയിൽ🙏🙏; ഒ.പിയിൽ കാണിക്കുന്നതിന് മൂന്നു മണിക്കൂർ മുമ്പുതന്നെ കുട്ടി മരിച്ചതായി ആശുപത്രി അധികൃതർ നിലമ്പൂർ: മലപ്പുറം ജില്ലാ ആശുപത്രിയിൽ ഡോക്ടറെ കാണിക്കാനായി കൊണ്ടുവന്ന ബാലിക മരിച്ചു. നിലമ്പൂർ ജില്ലയിലെ ചാലിയാർ പഞ്ചായത്തിലെ പാലക്കയം ആദിവാസി ഊരിലെ അജീഷ്-സൗമ്യ ദമ്പതികളുടെ മകൾ സനോമിയ (മൂന്ന് വയസ്സ്) ആണ് മരിച്ചത്. വ്യാഴാഴ്ച രാവിലെയാണ് ദാരുണമായ ഈ സംഭവം നടന്നത്. കുട്ടിക്ക് തലേദിവസം രാത്രിമുതൽ ശാരീരിക അസ്വസ്ഥതയും, വ്യാഴാഴ്ച രാവിലെ തളർച്ചയും പനിയും ഉണ്ടായിരുന്നുവെന്ന് മാതാപിതാക്കൾ പറയുന്നു. വ്യാഴാഴ്ച രാവിലെ 8 മണിയോടെയാണ് കുട്ടിയെ വീട്ടിൽ നിന്നും ആശുപത്രിയിലെത്തിച്ചത്. ഒപിയിൽ ഡോക്ടറെ കാണിച്ചപ്പോഴാണ് കുട്ടി മരിച്ചതായി അറിയുന്നത്. തുടർന്ന് വിദഗ്ദ്ധ പരിശോധനയ്ക്കായി അത്യാഹിത വിഭാഗത്തിലേക്ക് മാറ്റുകയും വിശദാന്വേഷണം നടത്തുകയും ചെയ്തു ഒപിയിൽ കാണിക്കുന്നതിന് മൂന്ന് മണിക്കൂർ മുൻപ് തന്നെ കുട്ടി മരിച്ചിരുന്നുവെന്ന് ആശുപത്രി സൂപ്രണ്ട് ഡോ. ഷിനാസ് ബാബു പറഞ്ഞു. തലേന്നത്തെ രാത്രിയിൽ കുട്ടിക്ക് അപസ്മാരം (Convulsions) ഉണ്ടായിരുന്നതായി സംശയിക്കുന്നുണ്ട്. #🆕 ലേറ്റസ്റ്റ് അപ്ഡേറ്റ് #📈 ജില്ല അപ്ഡേറ്റ്സ്‌ #📰ബ്രേക്കിങ് ന്യൂസ്