ମଝିରେ ଆଉ ଦୁଇ ଦିନ । ଆରମ୍ଭ ହେବ କଟକ ଐତିହାସିକ ବାଲିଯାତ୍ରା । ଚଳିତ ବର୍ଷ ବାଲିଯାତ୍ରରେ ଆକର୍ଷଣର କେନ୍ଦ୍ରବିନ୍ଦୁ ହେବ ଜଳ ପରୀ ଓ ରୋବଟିକ୍ ଆନିମଲ୍ ସୋ । ଅନ୍ୟପଟେ ବାହାରୁ ଆସିଥିବା ବିଭିନ୍ନ ପ୍ରକାରର ଦୋଳି ସହ ଜାଏଣ୍ଟ୍ ଫ୍ରିସବି ଓ ସୁନାମି ଭଳି ଦୋଳି ଦେଖିବାକୁ ମିଳିବ । ଐତିହାସିକ କଟକ ବାଲିଯାତ୍ରା ଯେତିକି ପୁରୁଣା ବାଲିଯାତ୍ର ସହ ଦୋଳିର ସମ୍ପର୍କ ମଧ୍ୟ ସେତିକି ପୁରୁଣା ବୋଲି କୁହାଯାଏ । ସେଥିପାଇଁ ଯେତେବେଳେ ବାଲିଯାତ୍ରା ପାଖେଇ ଆସେ ରାଜ୍ୟ ତଥା ରାଜ୍ୟ ବାହାରୁ ଦୋଳି ବ୍ୟବସାୟୀ ମାନେ ଧାଇଁ ଆସନ୍ତି ମେଳା ପଡ଼ିଆକୁ । ସେମାନଙ୍କ କହିବା କଥା ପୂର୍ବରୁ ବାପା ଦାଦା ହାତ ଚଲା ଦୋଳି ନେଇ ଆସୁଥିଲେ ଏବେ ୪୦ ୪୫ ବର୍ଷ ହେବ ତାଙ୍କ ପୁଅମାନେ ଦୋଳି ନେଇ ଆସୁଛନ୍ତି । ଅନ୍ୟପଟେ ରାଜ୍ୟ ବାହାରୁ ବିଭିନ୍ନ ଦୋଳି ବ୍ୟବସାୟୀମାନେ ଆସି ବାଲିଯାତ୍ରା ପଡ଼ିଆରେ ପହଞ୍ଚି ଦୋଳି ଖଞ୍ଜା କାମ ମଧ୍ୟ ଆରମ୍ଭ କରିଦେଇଛନ୍ତି । ଏହା ମଧ୍ୟରେ ରାଜ୍ୟ ବାହାରୁ ବିଭିନ୍ନ ସ୍ଥାନରୁ ଦୋଳି ବ୍ୟବସାୟୀମାନେ ଟ୍ରକ୍‌ରେ ଜିନିଷ ଆଣି ପଡିଆରେ କାର୍ଯ୍ୟ ଆରମ୍ଭ କରିଛନ୍ତି । ଏଥର ବାଲିଯାତ୍ରା ତଳପଡ଼ିଆର ୭ଟି ସ୍ଥାନରେ ୩୦ରୁ ଉର୍ଦ୍ଧ୍ବ ଦୋଳି ପଡିବ । #🎢ବାଲିଯାତ୍ରାକୁ ଆସିବ ଜଳପରୀ🧜‍♀️