അദൃശ്യം ഭാഗം 15 ഷാനു.വടക്കാഞ്ചേരി മേടം സ്വന്തം  കുടുംബത്തിലും ജീവനിലും ആർക്കാണ് പേടിയില്ലാത്തത്. അന്ന് ഞാൻ അതെല്ലാം പോലീസിൽ പറഞ്ഞിരുന്നെങ്കിൽ ഞാനും എന്റെ കുടുംബവും ഇന്ന് ജീവിനോടെ ഇരിക്കില്ലായിരുന്നു. അവർ കൊന്ന് കളഞ്ഞേനേ.... ഇപ്പോഴെന്താ ആ പേടി ഇല്ലേ... ഇല്ല... കാരണം. അവൻ കാരണം എത്ര നിരപരാതികളാണ് കൊല്ലപ്പെടുന്നത്. അവസാനം ആ പിഞ്ചു കുഞ്ഞടക്കം. എന്റെ സുഹൃത്തിനെയടക്കം അവൻ ഇല്ലാതെയാക്കി. ഇനിയും ഞാൻ ഒന്നും മിണ്ടാതിരുന്നാൽ പിന്നെ ഞാനൊരു വക്കീലാണെന്ന് പറഞ്ഞിട്ട് എന്താ കാര്യം. ഇതിന്റെ പിന്നിൽ ആരായാലും അവരെയെല്ലാം നിയമത്തിന് മുന്നിൽ കൊണ്ട് വരണം. അതിന് ഞാൻ എന്തിനും തെയ്യാറാണ്... Ok ശരത്... താൻ ദേഷ്യപ്പെടാൻ വേണ്ടി പറഞ്ഞതല്ല. തനിക്ക് ഈ കൊല്ലപ്പെട്ട ബാലുപിള്ളയെ കുറിച്ച് മറ്റെന്തേങ്കിലും അറിയാമോ... എനിക്ക് എന്റെ സുഹൃത്ത് പറഞ്ഞു തന്ന അറിവേയുള്ളൂ.പിന്നെ ഒന്ന് രണ്ട് തവണ കണ്ടിട്ടുമുണ്ട് .... RK ഗ്രൂപ്പിനെ കുറിച്ചോ... (രുദ്ര ചോദിച്ചു ) ഈ RK ഗ്രൂപ്പ് എന്ന് പറഞ്ഞാൽ അത് ഒന്നിൽ മാത്രം ഒതുങ്ങി നിൽക്കുന്നതല്ല.അവർക്ക് ഒരുപാട് ബിസിനസ്സുകൾ ഉണ്ട്. ഹോസ്പിറ്റൽ, ഹോട്ടൽ, ട്രാവൽസ്, സൂപ്പർ മാർക്കറ്റ്,റിയൽഎസ്റ്റേറ്റ് അങ്ങനെ അങ്ങനെ ഒരുപാട്. പക്ഷെ ഇപ്പോൾ RK ഗ്രൂപ്പ് ഇല്ല. ഇല്ല എന്നല്ല ഇല്ലാതാക്കി എന്ന് വേണം പറയാൻ... അതെന്താ...? ബാലുപിള്ളയുടെ റിയൽഎസ്റ്റേറ്റ് ബിസിനസ്സിൽ ഒപ്പം പങ്കാളികൾ ഉണ്ടായിരുന്നു.  ബാലുപിള്ള മരിച്ചതോടെ മറ്റു ബിസിനസ്സുകൾ അയാളുടെ പങ്കാളികൾ കൈക്കലാക്കി.മേടം ഇത്രയും മാത്രമേ എനിക്കറിയൂ. ഇതെല്ലാം അയാളുടെ ഡ്രൈവറായിരുന്ന എന്റെ സുഹൃത്ത് പറഞ്ഞു തന്നതാണ്... ഈ ബാലുപിള്ളയെ കൊല ചെയ്തു എന്ന് നിങ്ങൾ പറയുന്ന അതായത് ഞങ്ങൾ ഇപ്പോൾ അന്വേഷിച്ചുകൊണ്ടിരിക്കുന്ന ഈ വ്യക്തിയെ അതിനു ശേഷം പിന്നെ എവിടെയെങ്കിലും വെച്ച് കണ്ടിരുന്നോ... അതിനു ശേഷം ഒരുപാട് സ്ഥലത്ത് ഇയാളെ കുറിച്ച് അന്വേഷിച്ചെങ്കിലും കണ്ടത്താനായില്ല. പക്ഷെ അയാൾ ഒരു തമിഴനാണെന്ന് എന്റെ സുഹൃത്ത് പറഞ്ഞിരുന്നു... Ok ശരത്... ഇത്രയും നേരം ഞങ്ങളോട് സഹകരിച്ചതിന് ഒരുപാട് നന്ദി. ഇനിയും ഞങ്ങൾ താങ്കളെ ബുന്ധിമുട്ടിക്കും.. ഹോ അത് സാരമില്ല മേടം. എന്തിനും ഞാൻ കൂടെ ഉണ്ടാകും. എന്റെ സുഹൃത്തിനു വേണ്ടി.... (അതും പറഞ്ഞ് ശരത് അവിടെ നിന്നും ഇറങ്ങി നേരേ ഫിറോസിനെ വിളിച്ചു.ഇപ്പോൾ എത്താം എന്ന് പറഞ്ഞ് ഫിറോസ് ഫോൺ കട്ട്‌ ചെയ്തു. അവനേയും കാത്ത് ശരത് അവിടെ തന്നെ നിന്നു. അതികം താമസിയാതെ ഫിറോസ് അടുത്തെത്തി.) ശരത് എന്താ മേടം പറഞ്ഞത്... ഹേയ് അത് ആ കേസിനെ കുറിച്ച് ചില കാര്യങ്ങൾ ചോദിച്ചറിഞ്ഞു അത്ര തന്നെ... കുറച്ചു സമയം കൂടി വെയ്റ്റ് ചെയ്യുകയാണെങ്കിൽ നമുക്ക് ഒരുമിച്ചു പോകാം. എനിക്ക് മേടത്തെ ഒന്ന് കാണണം... ഇല്ലടാ ഞാൻ പോട്ടേ ഇപ്പോൾ തന്നെ സമയം ഒരുപാടായി. ഇനി ഞാൻ വീട്ടിൽ എത്തുമ്പോഴേക്കും പാതിരാത്രിയാകും. Ok എന്നാ നീ വിട്ടോ. കുറച്ചു നാളായി നിന്നെ കാണണം എന്ന് ഉമ്മ പറയുന്നു. നിന്നെയും കൂട്ടി വീട്ടിൽ പോകാം എന്ന് കരുതി പറഞ്ഞതാ... ഫിറോസ്... ഞാൻ പിന്നെ ഒരു ദിവസം വരാം.ഞാനും കുറേ നാളായി കരുതുന്നു ഉമ്മയെ കാണണമെന്ന്... (അതും പറഞ്ഞ് ശരത് അവിടെ നിന്നും വീട്ടിലേക്ക് തിരുച്ചു. ഫിറോസ് നേരേ ഭദ്രയുടെയും രുദ്രയുടെയും അടുത്തേക്ക് ചെന്നു..) ...May I coming മേടം.... Yes coming...ആ ഫിറോസ് വരു ഇരിക്കൂ... ഫിറോസ്  ഞാൻ പറഞ്ഞ കാര്യങ്ങൾ എന്തായി.... മേടം ഞാൻ ഈ ബാലുപിള്ളയുടെ അച്ഛനേയും അമ്മയേയുമാണ് ആദ്യം കാണാൻ ചെന്നത്. ഞാൻ അവരോട് മകന്റെ മരണത്തെ കുറച്ചു ചോദിച്ചു. പക്ഷെ അവർ അതൊരു അപകടമരണമാണെന്ന് പറഞ്ഞ് ഒഴിഞ്ഞു മാറി. അപ്പോൾ അവർ എന്തോ മറക്കുന്നത് പോലെ എനിക്ക് തോന്നി. ഒപ്പം ആരെയൊക്കെയോ ഭയപ്പെടുന്നത് പോലേയും. പിന്നീട് മേടം തന്ന ലീസ്റ്റിലുള്ളവരെയും കണ്ടു. അതിൽ ഒരാൾ ഇപ്പോൾ ജീവിച്ചിരിപ്പില്ല. മറ്റൊരാൾ പ്രവാസിയാണ്. ഇവരെല്ലാം ഈ ബാലുപിള്ളയുടെ കൂട്ടുകാരും കൂടെ ജോലി ചെയ്യുന്നവരായിരുന്നു.... ( ഫിറോസ് തുടർന്നു ) ഒരാൾ ദിനേശ് വയസ്സ് അറുപത്. ഇയാൾ ബാലുപിള്ളയുടെ ഹോസ്പിറ്റലിലെ സെക്യൂരിറ്റി ജീവനക്കാരായിരുന്നു.ഇപ്പോൾ ചില ശാരീരിക ബുദ്ധിമുട്ടുകൾ കാരണം ജോലിക്ക് പോകുന്നില്ല എന്നാണ് പറഞ്ഞത്.ബാലു പിള്ളയുടെ അച്ഛന്റെയും അമ്മയുടെയും അടുത്തു നിന്ന് നേരേ പോയത് ഇയാളുടെ അടുത്തേക്കാണ്. ആദ്യം ബാലുപിള്ളയെ കുറിച്ചാണ് അന്വേഷിച്ചത്. ബാലു അയാൾ ഒരു പാവം മനുഷ്യനാണ്. എല്ലാവരോടും വളരെ മാന്യമായി പെരുമാറുന്നയാൾ. ഒരു ശാന്തസ്വഭാവക്കാരൻ. ആരെയും മുഖം നോക്കാതെ സഹായിക്കുന്നവൻ. ഈ ദിനേശന്റെ മകളുടെ കല്യാണം വരെ നടത്തി കൊടുത്തത് ഈ ബാലുപിള്ളയാണ്. അങ്ങനത്തെ ഒരാളെ ഇല്ലാതാക്കാൻ മാത്രം വിരോധം ഉള്ള ആരും തന്റെ അറിവിൽ ഇല്ല എന്നാണ് അയാൾ പറഞ്ഞത്. അയാൾക്കും പറയാനുള്ളത് ഇതൊരു ആക്സിഡന്റ് ആയിരുന്നു എന്നാണ്... പിന്നെ കണ്ടത് സജീവൻ വയസ്സ് 40 ജോലി :- ബാലുവിന്റെ സൂപ്പർ മാർക്കറ്റിലെ മാനേജർ....          അയാൾക്കും ഏകദേശം ഇതൊക്കെതന്നെയാണ് പറയാനുള്ളത്. പക്ഷെ ഇയാൾ വേറേ ഒന്നുകൂടി പറഞ്ഞു. ബാലുപിള്ള മരിക്കുന്നതിന് കുറച്ചു ദിവസങ്ങൾക്ക് മുമ്പ് വളരെ ടെൻഷനിലായിരുന്നു. എന്താ കാരണം എന്ന് ബാലുവിനോട് ചോദിച്ചപ്പോൾ ഒന്നും ഇല്ലാന്ന് പറഞ്ഞു. പിന്നെ വൈകുന്നേരം ഷോപ്പ് അടക്കാൻ തുടങ്ങുമ്പോൾ ഒരാൾ അദ്ദേഹത്തെ കാണാൻ വന്നിരുന്നു ഒറ്റ നോട്ടത്തിൽ കണ്ടാൽ ഒരു തമിഴനാണെന്ന് തോന്നും വിധം. അയാൾ വന്നപ്പോൾ സാർ എന്നേ വിളിച്ചു. എന്നിട്ട് അന്നത്തെ കളക്ഷൻ എല്ലാം എടുത്തു കൊണ്ട് വരാൻ പറഞ്ഞു ഞാൻ ക്യാഷ് സാറിനെ ഏൽപ്പിച്ചു ഏകദേശം രണ്ടര ലക്ഷം ഉണ്ടായിരുന്നു അത് അയാൾക്ക് കൊടുത്തു. അയാൾ അതും വാങ്ങി പുറത്തേക്ക് പോയി. അപ്പോൾ ഞാൻ ചോദിച്ചു. സാർ ക്യാഷ്. അത് എന്റെ പേരിൽ എഴുതി വെച്ചേക്ക്. പിന്നീട് നോക്കാം എന്ന് സാർ പറഞ്ഞു.തമിഴൻ എന്ന് പറഞ്ഞപ്പോൾ എനിക്ക് സംശയം തോന്നി ഞാൻ എന്റെ കൈയ്യിൽ ഉണ്ടായിരുന്ന നമ്മൾ അന്വേഷിച്ച് കൊണ്ടിരിക്കുന്ന ആ പ്രതിയുടെ ഫോട്ടോ അയാൾക്ക് കാണിച്ചു കൊടുത്തു. അയാൾ ആളെ തിരിച്ചറിഞ്ഞിട്ടുണ്ട്.പക്ഷേ അപ്പോളും ബാലുപിള്ളയുടെ മരണം ആയാളും പറയുന്നത് ആക്സിഡന്റ് എന്ന് തന്നെയാണ്. പിന്നെ കണ്ടത് റോസമ്മ ചാക്കോ വയസ്സ് :- 35 ജോലി :- ബാലുപിള്ളയുടെ ട്രാവൽസിലെ സ്റ്റാഫ്... ആ സ്ത്രീക്ക് പ്രത്യേകിച്ച് ഒന്നും പറയാൻ ഉണ്ടായിരുന്നില്ല. ബാലുപിള്ള മരിക്കുന്നതിന് നാല് മാസം മുമ്പാണ് ട്രാവൽസിൽ ജോയിൻ ചെയ്യുന്നത്. അതുകൊണ്ട് തന്നെ ഈ ലേഡീക്ക് ബാലുവിനെ അത്രക്ക് പരിചയപ്പെടാൻ സാധിച്ചില്ല. ഈ ബാലു ആഴ്ച്ചയിൽ ഒന്നോ രണ്ടോ തവണ മാത്രമാണ് അങ്ങോട്ട് പോകാറുള്ളൂ. പിന്നെ ഞാൻ ഈ ഫോട്ടോ കാണിച്ചു കൊടുത്തപ്പോൾ ഇയാളെ ആ ലേഡീ തിരിച്ചറിഞ്ഞു.രണ്ട് മൂന്ന് തവണ ഇയാൾ അവിടെ പോയിട്ടുണ്ട് എന്തോ പാസ്പോർട്ട് ശെരിയാക്കാൻ എന്ന പറഞ്ഞത്. പക്ഷേ ബാലുപിള്ള ഉള്ളപ്പോൾ ഒന്നും ഇയാൾ അവിടെ വന്നിട്ടില്ല എന്നും പറഞ്ഞു. ബാലുവിന്റെ മരണ ശേഷം ഈ റോസമ്മ ജോലിക്ക് പോയിട്ടില്ല എന്നും പറഞ്ഞു... പിന്നെ പോയത് ഫാസിൽ... വയസ്സ് :- 28 ജോലി :- ഡ്രൈവർ ബാലുപിള്ളയുടെ ഫ്രണ്ട്... ബാലുപിള്ളയുടെ ഉറ്റ സുഹൃത്തുക്കളിൽ ഒരാളായിരുന്നു ഫാസിൽ.ഏകദേശം ഒരാറ് കൊല്ലത്തെ പരിജയം. ബാലു അയാളുടെ സ്വന്തം ആവശ്യങ്ങൾക്ക് പുറത്തുപോകുമ്പോൾ കൂടുതലും ഇയാളെയാണ് കൂടെ കൂട്ടാറുള്ളത്.അയാളോടും ബാലുവിനെ കുറിച്ച് അന്വേഷിച്ചപ്പോൾ ആയാളും ആകെ അമ്പരന്നു പോയി ഇത്രയും കാലം കൂടെ നടന്നിട്ടും അയാൾക്കും കൂടുതൽ ഒന്നും പറയാനില്ല. ചുരുക്കി പറഞ്ഞാൽ ബാലുവിന്റെ സുഹൃത്തുക്കൾക്കും ജോലിക്കാർക്കും ഒരേ കാര്യം മാത്രമേ പറയാനുള്ളൂ അതൊരു ആക്സിഡന്റ് ആയിരുന്നു എന്ന്.... ഇതെല്ലാം കേട്ടുകൊണ്ടിരുന്ന രുദ്രയും ഭദ്രയും ഇനി എന്ത് ചെയ്യും എന്ന ഭാവത്തിൽ ഇരുന്നു. ഫിറോസ് വീണ്ടും തുടർന്നു... മേടം... ഇനിയും നമ്മൾ ഇതിന്റെ പിന്നാലെ നടന്ന് സമയം കളയണോ. അല്ലെങ്കിൽ തന്നെ നമ്മുക്ക് രണ്ട് കേസ് എവിടേയും എത്താതെ നിൽക്കുന്നുണ്ട്... ഇല്ല ഫിറോസ് നമ്മൾ ഇപ്പോഴും എത്തിപെടാത്ത ഒരു സത്യം ഇതിന്റെ പിന്നിലുണ്ട്. കാരണം തന്റെ കൂട്ടുകാരൻ ശരത് എനിക്ക് കുറച്ചു മുമ്പ് ഒരു ഫോട്ടോ എനിക്ക് വാട്സ്ആപ്പ് അയച്ച് തന്നിട്ടുണ്ട്. ആരും കാണാത്ത അല്ലങ്കിൽ അറിഞ്ഞിട്ടില്ലാത്ത ഒരാളുടെ ഫോട്ടോ. ഒരു പക്ഷേ ബാലുവിന്റെ വീട്ടുകാർക്ക് പോലും അറിയില്ലായിരിക്കും ഈ ഫോട്ടോയിലുള്ള ആളെ. ഇത് ശരത്തിന്റെ സുഹൃത്ത് അതായത് ബാലുവിന്റെ ഡ്രൈവർ കൊടുത്തതാണ് അയാൾക്ക്.... അതും പറഞ്ഞ് ഭദ്ര തന്റെ ഫോൺ എടുത്ത് ഫിറോസിന് നീട്ടി. അപ്പോഴാണ് ജോൺ ഒരാളേയും കൊണ്ട് അങ്ങോട്ട് കയറി വന്നത്... മേടം.... Yes... ഇതാണ് ബാലുവിന്റെ മരണം അന്ന് അന്വേഷിച്ചിരുന്ന പ്രതീപ്... ആ പ്രതീപ് വരൂ. ഞാൻ ഭദ്ര ഇത് രുദ്ര... അറിയാം മേടം. എന്തിനാ മേടം എന്നോട് വരാൻ പറഞ്ഞത്... താൻ അന്ന് അന്വേഷിച്ചിരുന്ന ബാലുപിള്ള എന്ന ആളെ കുറിച്ച് കുറച്ചു കാര്യങ്ങൾ അറിയാനാണ്... മേടം അത്... എന്താ പ്രതീപ് താനല്ലേ ആ കേസ് അന്വേഷിച്ചിരുന്നത്... അതെ മേടം.... പിന്നെന്താ... അതല്ല... ആ കേസ് രണ്ട് കൊല്ലം മുമ്പ് ക്ലോസ്സ് ചെയ്തതാണ്... അതെ അതിനെ കുറിച്ച് അറിയാനാണ് തന്നെ വിളിപ്പിച്ചത്... Ok മേടം... താൻ എന്ത് അർത്ഥത്തിലാണ് അത് ആക്സിഡന്റ് ആണെന്ന് പറഞ്ഞ് കേസ് ക്ലോസ് ചെയ്തത്... അത് മേടം എന്റെ അന്വേഷണത്തിൽ അതൊരു ആക്സിഡന്റ് തന്നെയാണ്. പിന്നെ സാക്ഷികൾ കുടുംബക്കാർ ജോലിക്കാർ സുഹൃത്തുക്കൾ അവരെയെല്ലാം ചോദ്യം ചെയ്തപ്പോഴും ആർക്കും ഒരു സംശയവും ഉണ്ടായിരുന്നില്ല. പിന്നെയെങ്ങനെ ഞാൻ ആ കേസ് മറ്റൊരു രീതിയിൽ അന്വേഷിക്കും..... തുടരും.... #📙 നോവൽ