#Allahhu Akbar☝️ 🌹✨ *Tauba Ki Pukar Aur Rab Ka Intezaar* ✨🌹 Puri kainaat ki har shay apne Rab ki tasbeeh mein masroof hai, lekin Rab-e-Kareem jis shay ka sab se zyada intezaar karta hai… woh hai apne bande ka palat aana, nadim ho kar tauba karna. 💔➡️❤️ Insaan khataon mein doob jaye, gunaahon ki dhundli wadiyon mein kho jaye, duniya ke fareb aur nafs ke jaal mein ulajh jaye… phir bhi uska Rab use chhorta nahi, bhula deta nahi, balki apne darwaze ko hamesha khula rakhta hai. 🕋✨ Jab banda gunaahon ke bojh tale toot kar apne Rab ko pukarta hai to Arsh hil jata hai, rehmatain josh mein aa jaati hain, aur Rab farmata hai: "Mere bande ne meri taraf lautne ka faisla kar liya hai, maine uske saare gunaah maaf kar diye." 🌸🌧️ Duniya walon ke dar band ho sakte hain, log mayoos kar sakte hain, lekin ek dar aisa hai jo kabhi band nahi hota — woh hai Rab ki rehmat ka dar. Woh Rab jiske liye hamare aansoo qeemti hain, woh Rab jo bande ke toote dil ki aah ko apni rehmat se sanwaarta hai. 🥹🌹 Aaj agar hum palat aayein, aaj agar hum tauba kar lein, to woh Rab jo sattar maaon se zyada mohabbat karta hai, humein apni rehmat ki aaghosh mein le lega. ✨ Bas shart yahi hai ke hum ikhlaas se keh dein: "Ya Rab! Main laut aaya hoon, mujhe maaf farma de." 🕊️🤲