അനുരാഗം 5️⃣6️⃣ എക്സാം കഴിഞ്ഞു കോളേജിലൂടെ നടക്കുകയായിരുന്നു കണ്മണിയും ദേവികയും അശ്വതിയും ജാസ്മിനും.... ഹോസ്റ്റലിലെ ഓരോ കാര്യങ്ങൾ സംസാരിച്ചു പൊട്ടി ചിരിച്ചാണ് നാലു പേരുടെയും നടപ്പ്.... സിദ്ധു എതിർവശത്തെ മുകളിലെ ക്ലാസ്സിൽ നിന്നും ഒരു ചിരിയോടെ ആ കാഴ്ചയിലേക്ക് നോക്കി.... ദിവസങ്ങൾ വീണ്ടും മുന്നോട്ട് നീങ്ങി.... സെം എക്സാം കഴിഞ്ഞു... വീണ്ടും പഴയത് പോലെയുള്ള ക്ലാസുകൾ..... രാവിലെ കോളേജിലേക്ക് പോകാനുള്ള തയ്യാറെടുപ്പിലാണ് കണ്മണി.... ഡ്രസ്സ്‌ ഇട്ട് റെഡിയായി ഹാളിലേക്ക് ഇറങ്ങി.... സിദ്ധു ഹോൺ അടിച്ചതും കണ്മണി വേഗം വാതിൽ പൂട്ടി ഇറങ്ങി.... " കണ്ണെ സ്‌പോർട്സ്‌ ടീമിന്റെ കൂടെ പോകുന്നവരുടെ ലിസ്റ്റ് പ്രിൻസിപ്പൽ ഗ്രൂപ്പിലിട്ടിട്ടുണ്ട്.... അതിൽ എന്റെ പേരും ഉണ്ട്...... ഞാനും ഇന്ന് പോകേണ്ടി വരും...... . " കാർ മുന്നോട്ട് നീങ്ങിയതും സിദ്ധു പറഞ്ഞു... കണ്മണി പെട്ടൊന്ന് ഒന്ന് സ്റ്റക്ക് ആയി അവന്റെ മുഖത്തേക്ക് തന്നെ നോക്കി... " നീ നിന്റെ രണ്ടു മൂന്നു ഡ്രെസ്സും ബുക്ക്സും എടുത്തോ... നിന്നെ ഞാൻ ഹോസ്റ്റലിൽ നിർത്താം... വാർഡനോട്‌ ഞാൻ സംസാരിക്കാം..... " പെട്ടൊന്നുള്ള വിരഹം അവൾക്ക് നോവ് നൽകി.... " സിദ്ധു ഏട്ടൻ തന്നെ പോകണോ... വേറെ ആരെങ്കിലും..... " "ആരുമില്ലഡാ.... മൂന്നു ദിവസം മാറി നിന്നാൽ ക്ലാസ്സ്‌ ഫിനിഷ് ആവില്ലെന്ന് പറഞ്ഞു.... പലർക്കും പല പ്രശ്നങ്ങൾ... വിനീത് മാഷും ഞാനും സരള ടീച്ചറും ഗോപി മാഷും വൃദ്ധ ടീച്ചറും... ഞങ്ങൾ അഞ്ചു പേരാണ് പോകുന്നത്...." കണ്മണി ഒന്നും മിണ്ടിയില്ല.... അല്ലെങ്കിലും മൂന്നു ദിവസം എങ്ങനെ കാണാതിരിക്കും.... കാർ നിർത്തിയതും കണ്മണി ഡോർ തുറന്നു ഇറങ്ങി ക്ലാസ്സിലേക്ക് നടന്നു.... സിദ്ധു ഡിപ്പാർട്മെന്റിലേക്കും.... ക്ലാസ്സിലേക്ക് കയറിയതും കണ്മണി ദേവികയോട് സിദ്ധുവിന്റെ പോക്കിന്റെ കാര്യമാണ് സംസാരിച്ചത്.... " നീ റൂമിലേക്ക് വാടി... നമ്മുക്ക് പഴയത് പോലെ അവിടെ മൂന്നു ദിവസം അടിച്ചു പൊളിക്കാം.... " അവളുടെ വിഷമം കണ്ട് ദേവിക പറഞ്ഞു.... ജാസ്മിൻ ക്ലാസ്സിലേക്ക് ഓടി കയറി വന്നു കണ്മണിടെ അരികിലിരുന്നു... " എന്റെ പടച്ചോനെ... ചുള്ളനൊരു മാഷ് ട്രൈനിങ്ങിന് വന്നിട്ടുണ്ടടി.... ഞാൻ കണ്ടു... എന്താ മൊഞ്ചു.... ഈ ഒരു മാസം കൊണ്ടു ഞാൻ ആ മാഷേ വളച്ചു കുപ്പിയിലാക്കും..... " ജാസ്മിൻ ഒന്ന് തുള്ളി കൊണ്ടു പറഞ്ഞു..... " സ്വന്തം വകുപ്പാണോ....? " അശ്വതി ചോദിച്ചു.... " ഇവള് ഇത്രേം ഇന്ട്രെസ്റ്റോട് കൂടി പറയണേൽ അത് വല്ല ഹിന്ദുവും ആയിരിക്കും.... " ദേവിക ഉറപ്പിച്ചു.... ജാസ്മിൻ ഒന്ന് ചിരിച്ചു കാണിച്ചു.... പൗർണമി മിസ്സിന്റെ ക്ലാസ്സ്‌ ആയിരുന്നു ഫസ്റ്റ് ഹൗർ.... മിസ്സ്‌ ക്ലാസ്സിലേക്ക് കയറിയതും സകലരും എഴുന്നേറ്റു നിന്നു.... മിസ്സിന്റെ പിറകെ ജാസ്മിൻ പറഞ്ഞ മൊഞ്ചൻ മാഷ്..... "ഇത് ദീപക് സർ... ട്രെയിനിയാണ്.... കുറച്ചു ദിവസം സാറ് നിങ്ങൾക്ക് ബാക്കിയുള്ള പോർഷൻ കവർ ചെയ്തു തരും.... " പൗർണമി ദീപക്കിനെ പരിചയപ്പെടുത്തി കൊടുത്തു കൊണ്ടു പുറത്തേക്ക് ഇറങ്ങി..... " ഞാൻ ഫസ്റ്റ് ടൈം ആണ് ട്ടൊ.... അതിന്റെ മിസ്റ്റേക്ക്സ്‌ എല്ലാം ഉണ്ടാകും..... എല്ലാവരും സഹകരിക്കണം.... " ദീപക് ചിരിച്ചു കൊണ്ടു പറഞ്ഞു.... " ഓന്റെ ആ ചിരിയെന്റെ സാറെ..... " ജാസ്മിൻ പതിയെ പറഞ്ഞു.... മൂന്നുപേർക്കും ചിരി പൊട്ടി..... "ഇവാലുവെഷൻ കഴിഞ്ഞതല്ലേ ഉള്ളൂ.... എങ്ങനെ ഉണ്ടായിരുന്നു എല്ലാവർക്കും...? എല്ലാവരും നന്നായി പെർഫോം ചെയ്‌തോ...? " " യെസ് സാർ.... " ശിവാനി വേഗം മറുപടി കൊടുത്തു..... " എടി ശിവാനി നിന്റെ സിദ്ധു ഏട്ടനെ ഡിവോഴ്സ് ചെയ്തെന്ന് തോന്നുന്നു... ഈ സാറിന് തവിടും പിണ്ണാക്കും എല്ലാം ഇട്ട് കൊടുക്കുന്നുണ്ട്.... " ദേവിക പതിയെ പറഞ്ഞു.... " എങ്കിൽ അവൾക്ക് നല്ലത്.... " കണ്മണി പിറുപിറുത്തു.... ദീപക് ക്ലാസ്സ്‌ റൂം മൊത്തം കണ്ണോടിച്ചു.... വീണ്ടും വീണ്ടും.... പക്ഷെ കാഴ്ച ഒരുവളിൽ തറച്ചിടാൻ പാകത്തിന് എത്തിനിൽപ്പുണ്ട്.... എന്തോ ഒരു സൗന്ദര്യമുണ്ട് അവളിൽ.... ഒറ്റ നോട്ടത്തിൽ ഇഷ്ട്ടം തോന്നുന്ന പെണ്ണ്.... ഇരിപ്പും ഭാവവും കണ്ടാൽ ഈ ക്ലാസ്സിലെ റൗഡി പെണ്ണാണ് എന്ന് ഒറ്റ നോട്ടത്തിൽ മനസിലാക്കാം.... ഞാൻ ഇവിടെ എന്തോ പറയുന്നു... അവളവിടെ എന്തോ സ്വപ്നം കാണുന്നു.... അവനൊന്നു ചിരിച്ചു..... " ഞങ്ങളെന്താ വിളിക്കേണ്ടത്.... കഴിഞ്ഞ തവണത്തെ ട്രെയിനിങ് സാർ ഫിറോസ് ഇക്കാ ഞങ്ങളോട് ഏട്ടാ ഇക്കാ എന്നൊക്കെ വിളിച്ചാൽ മതി ന്നാ പറഞ്ഞത്..... സാറാവാനുള്ള പ്രായം ആ ഇക്കാക്ക് ഇല്ലെന്ന്.... ഇനി അങ്ങനെ വല്ലതും ഉണ്ടോ...?" സിയാദ് എഴുന്നേറ്റു നിന്ന് ചോദിച്ചതും ക്ലാസ്സിൽ കൂട്ടകയ്യടി..... സിയാദ് കോളർ ഒന്ന് പൊക്കി.. " എന്ത് വേണേലും വിളിച്ചോളൂ... തെറി വിളിക്കരുതേ... പിന്നെ തന്തക്കും തള്ളക്കും ഒന്നും വിളിച്ചേക്കല്ലേ..... " ദീപക് പറഞ്ഞതും ക്ലാസ്സിലൊരു കൂട്ട ചിരി ഉയർന്നു.... ഒരുവളുടെ പരിസരം മറന്നുള്ള പൊട്ടി ചിരി..... "ഒക്കെ ലിസൺ.... നമ്മുക്ക് പോർഷൻ കംപ്ലീറ്റ് ചെയ്യാം...." ദീപക് ടെക്സ്റ്റ്‌ കയ്യിലെടുത്തു കൊണ്ട് പറഞ്ഞു..... ദീപക് വളരെ സാവധാനത്തിൽ പറഞ്ഞത് തന്നെ വീണ്ടും വീണ്ടും എടുത്തു പറഞ്ഞു കൊണ്ടാണ് ക്ലാസ്സ്‌ എടുത്തത്..... കുറച്ചു കഴിഞ്ഞതും ദീപക്കിന്‌ മടുപ്പ് തോന്നി.... പുസ്തകം മടക്കി വെച്ചു കണ്ണുകൾ നാലു പാടും പായിച്ചു..... കണ്ണുകൾ കണ്മണിയിലെത്തി നിന്നു.... എന്താണ് ഈ പെണ്ണിന് ഇത്രേം പ്രത്യേകത... നോക്കി കൊണ്ടിരിക്കാൻ തോന്നുന്നു..... കണ്മണി ദേവികയുമായി എന്തോ പറഞ്ഞു ശോകമടിച്ചാണ് ഇരുപ്പു.... ബെൽ മുഴങ്ങിയതും ദീപക് ക്ലാസ്സിൽ ഇറങ്ങി.... കുറച്ചു സമയങ്ങൾക്ക് ശേഷം സിദ്ധാർഥ് ക്ലാസ്സിലേക്ക് കയറി.... ഭയങ്കര ഗൗരവമാണ് മുഖത്ത്..... സിദ്ധു കയ്യിലെ ടെക്സ്റ്റ്‌ ഡെസ്കിൽ വെച്ച് തലേന്ന് പഠിപ്പിച്ച വിഷയങ്ങൾ ഒന്നുകൂടി ആവർത്തിച്ചു...... കണ്മണി ക്ലാസ്സിലേക്ക് ശ്രദ്ധിച്ചു.... ഇടക്ക് ഇടക്ക് ചിന്ത മാറി പോകുമെങ്കിലും അവൾ ചിന്തകൾക്ക് കടിഞ്ഞാൺ ഇടും.... സിദ്ധു ഇറങ്ങിയതും കണ്മണിക്ക് ആകെ നിരാശ തോന്നി... അവൾ ബാഗും എടുത്തു ക്ലാസ്സിൽ നിന്നിറങ്ങി.... നീളൻ വരാന്തയിലൂടെ നടന്നു.... " ഹേയ്... കണ്മണി... ഈ ഹൗർ ക്ലാസ്സില്ലേ... " ദീപക് കയ്യിലൊരു പുസ്തകവുമായി ക്ലാസ്സിൽ നിന്നും ഇറങ്ങി വരുകയായിരുന്നു.... " ഉണ്ട്... കയറിയില്ല.... " കണ്മണി ചെറുതായി ഒന്ന് ചിരിച്ചുകൊണ്ടു പറഞ്ഞു.... " നല്ല കുട്ടികൾ ക്ലാസുകൾ ഒന്നും മിസ്സാക്കില്ല.... " ദീപക് ഊന്നി പറഞ്ഞു.... " അതിന് ഞാൻ നല്ല കുട്ടിയാണെന്ന് പറഞ്ഞോ? " കണ്മണി കൂസാതെ പറഞ്ഞു.... " കണ്ടാൽ തോന്നും നല്ലൊരു കുട്ടിയാണെന്ന്.... എന്റെ ഭാവി വധുവിനുള്ള എല്ലാ ക്വാളിറ്റിയും ഉണ്ടെന്ന്.... " ദീപക് കള്ള ചിരിയോടെ പറഞ്ഞു..... " അതെയോ.... " കണ്മണി തന്നെ കളിയാക്കുകയാണെന്ന് കരുതി അതെ ടോണിൽ ചോദിച്ചു.... " ഒരു ഗ്രീൻ സിഗ്നൽ കിട്ടിയിട്ടുണ്ട്.... " ദീപക് ചിരിയോടെ സ്വയം പറഞ്ഞു.... " എന്ത്... എന്ത് ഗ്രീൻ സിഗ്നൽ.... " കണ്മണി വരാന്തയിറങ്ങി കാന്റീനിലേക്ക് നടക്കുന്നതിന്റെ ചോദിച്ചു..... " തനിക്ക് എന്റെ പ്രൊപോസൽ ഇഷ്ട്ടായി ന്ന്.... " ദീപക് പറഞ്ഞു.... " സാറെന്നെ പ്രൊപോസ് ചെയ്തതാണോ ഞാൻ കേട്ടത്.... ഓഹ് ഗോഡ്..." കണ്മണി പൊട്ടിച്ചിരിച്ചു കൊണ്ടു ദീപക്കിന്റെ കയ്യിൽ പിടിച്ചു..... ആ കാഴ്ച ദൂരെ ഒരുവന്റെ താടിയെല്ലിന്റെ മുറുക്കം കൂട്ടാൻ പാകത്തിന് ആയിരുന്നു..... " ദീപക് സാറെ... എന്റെ കല്യാണം കഴിഞ്ഞതാണ്.... " കാന്റീനിന്റെ അകത്തേക്ക് കയറി ചായയും പരിപ്പ് വടയും വാങ്ങി സീറ്റിലിരുന്നു....... "കല്യാണം കഴിഞ്ഞിട്ട് ഒരുപാട് ആയോ...?" ദീപക് നിരാശയോടെ ചോദിച്ചു.... " ഹേയ് സെവൻ മോന്ത്‌.... " കണ്മണി ചായകുടിച്ചു കൊണ്ടു പറഞ്ഞു.... "ഞാൻ ലേറ്റ് ആയി ലെ...." ദീപക് തമാശ പോലെ ചോദിച്ചു.... " വന്നിട്ടും പ്രത്യേകിച്ച് കാര്യമൊന്നുമില്ല.... ലവ് മാര്യേജ് ആയിരുന്നു... എനിക്ക് ട്ടൊ.... " കണ്മണി ചിരിയോടെ പറഞ്ഞു... " ആരാണ് ആ ഭാഗ്യവാൻ....? " ദീപക് ചോദിച്ചു.... " നിനക്ക് ഈ ഹൗർ ക്ലാസ്സില്ലേ.... " അരികിൽ ഗൗരവമായ ശബ്ദം..... ദീപക് രാവിലെ സ്റ്റാഫ് റൂമിൽ വെച്ച് കണ്ട ചെറുപ്പക്കാരനെ നോക്കി ചിരിച്ചു.... " ദീപക്... " ട്രെയിനി ആണ്.... " സിദ്ധാർഥ്.... " സിദ്ധാർഥ് ഒന്ന് കൈ കൊടുത്തു.... സിദ്ധു കണ്മണിയെ നോക്കി.... ആ നോട്ടത്തിലുണ്ട് എന്റെയാണെന്ന ഭാവം.... " തല വേദന.... " കണ്മണി പറഞ്ഞു.... ശിവാനിയോട് അന്ന് അങ്ങനെ പറഞ്ഞത് ഒഴിച്ച് ആദ്യമായാണ് കോളേജിൽ വെച്ച് ഇങ്ങനെ ഒരു ഇടപെടൽ.... " ഹോസ്പിറ്റലിൽ പോകണോ...? " സിദ്ധു നെറ്റിയിൽ കൈ വെച്ച് ചോദിച്ചു.... " നല്ല തല വേദനയുണ്ട്.... " ഇല്ലാത്ത തലവേദന വിളിച്ചു വരുത്തിയവൾ... സിദ്ധു വൈകുന്നേരം പോവുകയാണ്.... ഇത്തിരി നേരം അവന്റെ കൂടെ ഇരിക്കാൻ കഴിഞ്ഞാൽ അത്രേം മതി ആ പെണ്ണിന്.... " നീ ചായ കുടിക്ക്.... ഞാൻ ലീവ് കിട്ടോ എന്ന് നോക്കട്ടെ.... " സിദ്ധു അവളുടെ തലയിൽ തഴുകി കൊണ്ടു ദീപക്കിനോട് ചിരിച്ചു പുറത്തേക്ക് ഇറങ്ങി.... അവനറിയാം ഈ തലവേദന ഒരു നാടകമാണെന്ന്... പുറത്തേക്ക് ഇറങ്ങുമ്പോ ചെറു ചിരിയും ചുണ്ടിലുണ്ടായിരുന്നു... " സിദ്ധു ഏട്ടൻ ചായ കുടിക്കുന്നില്ലേ.... " കണ്മണി ചോദിച്ചു.... സിദ്ധു തിരിഞ്ഞു നിന്ന് വേണ്ടെന്ന് കണ്ണുകൾ ചിമ്മി... " സിദ്ധാർഥ് സർ ഹാൻഡ്സോം ആണല്ലേ.... കാണുമ്പോൾ തന്നെ എന്താ ഭംഗി... " ദീപക് അവനെ നോക്കി പറഞ്ഞു.... " കണ്ണ് വെക്കല്ലേ.... " കണ്മണി ചിരിച്ചു.... " സീരിയസിലി... ആ നടത്തവും ചിരിയും ആറ്റിട്യൂഡും ഒത്തൊരു പുരുഷൻ എന്നൊക്കെ പറയുന്ന പോലെ... ഒരുപാട് ആരാധകർ ഉണ്ടാവൂലോ കോളേജിൽ.... ഏത് പെണ്ണും മൂക്കും കുത്തി വീണു പോകും... സാറാരാ ബ്രദർ ആണോ...? " ദീപക് ചോദിച്ചു.... " ഹേയ് നേരത്തെ പറഞ്ഞ പോലെ ഞാൻ മൂക്കും കുത്തി ഒന്ന് വീണതാ.... " കണ്മണി ചിരിച്ചു..... ദീപക്കിൽ അത്ഭുതം... "സിദ്ധാർഥ് സാറാണോ ഹസ്ബൻഡ്..." കണ്മണി അവസാന സിപ്പും ചെയ്തു മൂളി.... ദീപക് ചിരിച്ചു.... സിദ്ധാർഥ് കൈ കൊണ്ടു പുറത്ത് നിന്ന് വരാൻ ആംഗ്യം കാണിച്ചതും ദീപക്കിനോട് ബൈ പറഞ്ഞു കണ്മണി വേഗത്തിൽ ഇറങ്ങി...... "ഡോക്ടറെ കണ്ടിട്ട് വീട്ടിൽ പോകാം...." കാറ് സ്റ്റാർട്ട്‌ ചെയ്യുന്നതിനിടെ സിദ്ധു പറഞ്ഞു.... " ഇപ്പൊ കുറവുണ്ട്.... ചായ കുടിച്ചില്ലേ.... " കണ്മണി നെറ്റിയിൽ കൈ ചേർത്തു കൊണ്ടു പറഞ്ഞു.... സിദ്ധാർഥ് ഒന്ന് മൂളി..... ഉച്ചത്തേക്കുള്ള ഫുഡും കൂടെ വാങ്ങിച്ചാണ് പോയത്.... വീട്ടിലെത്തിയതും കണ്മണി സിദ്ധുവിന്റെ അരികിൽ ചെന്നിരുന്നു.... " തലവേദന കുറവുണ്ടോ....? " കണ്മണി അവന്റെ മടിയിലേക്ക് കിടന്നു.... സിദ്ധു വെറുതെ മുടിയിഴയിലൂടെ വിരലോടിച്ചുകൊണ്ടിരിക്കുന്നു....... "കണ്ണെ.... ഞാൻ ഇല്ലെന്ന് കരുതി കുറുമ്പൊന്നും കാണിച്ചേക്കരുത്....." കണ്മണി അതിന് മൂളി.... " നന്നായി പഠിക്കണം... കണ്ണിൽ കണ്ട ഫുഡ്‌ വാങ്ങി കഴിച്ചു വയറു കേടാക്കരുത്.... " കണ്മണി വീണ്ടും മൂളി കേട്ടു.... " നല്ല കുട്ടിയായിരിക്കണം... "" "അല്ലേലും ഞാൻ നല്ല കുട്ടിയാ...." കണ്മണി വീർപ്പിച്ചു വെച്ച മുഖവുമായി പറഞ്ഞതും സിദ്ധു ചിരിച്ചു..... കാത്തിരിക്കുക #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ