മനമറിയാതെ💔 Part 5 ✍️ Nesna Anvar ഡ്രൈവർ അങ്ങോട്ട് വന്നതും അവൾക്ക് അവളുടെ കണ്ണുകളെ വിശ്വസിക്കാനാവുന്നുണ്ടായിരുന്നില്ല. താൻ ഇന്ദ്രേട്ടനുവേണ്ടി ആശിച്ചു മോഹിച്ചു  വാങ്ങിയ ഷർട്ട് ഇട്ടിരിക്കുന്നത് ആ ഡ്രെെവറാണ് . ആ കാഴ്ചയിൽ തന്നെ അവളുടെ ഉള്ളം കീറിമുറിയുന്ന വേദന തോന്നി..... അവളുടെ കണ്ണുകൾ അറിയാതെ നിറഞ്ഞൊഴുകി . "എന്താ കുഞ്ഞേ എന്തിനാ കരയണേ. എന്തെലും കുഴപ്പമുണ്ടോ?" അയാൾ ആദിയോടെ തിരക്കി....... "ഹേയ് എന്ത് കുഴപ്പം ഒരു കുഴപ്പവുമില്ല സുദാകരേട്ടാ.........എൻ്റെ കണ്ണിൽ ഒരു പൊടി പോയതാ ...... " അവൾ കണ്ണുനീരിനെ തുടച്ചു നീക്കി ചിരിക്കാൻ ശ്രമിച്ച് കൊണ്ട് പറഞ്ഞു ...... "ദേ നോക്ക് കുഞ്ഞേ ഈ ഷർട്ട്  എനിക്ക് ചേരുന്നുണ്ടോന്ന് ' ഇന്നലെ രാത്രി ഇന്ദ്രൻ കുഞ്ഞ് തന്നതാ . ..... പിറന്നാൾ സമ്മാനമായി ....... വേണ്ടാന്ന് പറഞ്ഞിട്ട് കേട്ടില്ല നിർബന്ധിച്ച് തന്നു " അയാൾ സന്തോഷത്തോടെ ആ പുത്തനുടുപ്പ് കാട്ടി ചോതിക്കുമ്പോൾ അവളുടെ ഉള്ളം നീറി ....... "എന്താ കുഞ്ഞേ  മിണ്ടാത്തത്. സുദാകരേട്ടന് ഇത് മാച്ചല്ല അല്ലേ....... " " ഹേയ് അങ്ങനെയൊന്നും ഞാൻ ഉദ്ദേശിച്ചില്ല ചേട്ടാ ........ ഷർട്ട് കൊള്ളാം ചേട്ടന്  നന്നായിട്ടുണ്ട് ....... " അവൾ ശബ്ദം താഴ്ത്തി പറഞ്ഞു കൊണ്ട് വണ്ടിയിലേക്ക് കയറിയതും അയാൾ വണ്ടി അമ്പലത്തിലേക്ക് തിരിച്ചിരുന്നു ........ അമ്പല നടയിൽ തൊഴുകൈകളോടെ നിൽക്കുന്ന  ഇന്ദ്രനെ കണ്ടതും നന്ദുവിന് ദേഷ്യവും സങ്കടവും ഒക്കെ തോന്നിയിരുന്നു ........... അവൾ അവനടുത്തായി പോയി നിന്ന് ദേവിയെ തൊഴുതു ..... "എന്നാലും എന്നോട് ഈ ചതി വേണ്ടായിരുന്നു ദേവി ...... ഞാൻ അത്രയ്ക്ക് ആശിച്ചു മോഹിച്ചല്ലേ ആ ഷർട്ട് കൊടുത്തുത്തത്. അത് ഇടാതെ മാറ്റിവെച്ചത്  സഹിക്കാം പക്ഷേ അത് മറ്റൊരാൾക്ക് കൊടുത്തത് അത് സഹിക്കാൻ ആവുന്നില്ല ഉള്ളം പറിഞ്ഞ് പോവുകയാ........ " അവൻ കേൾക്കാനായവൾ ദേവിയോട് പരാതി പറഞ്ഞു........ അത് തന്നോട് പറഞ്ഞതാണെന്ന് അവനും മനസ്സിലായിരുന്നു അവനപ്പോൾ തന്നെ അവളുടെ മുന്നിൽ കയറി കൈ കെട്ടി നിന്നു ...... " ഇത് ഞാൻ നിനക്ക് തരുന്ന മറുപടിയാണ് നന്ദിതാ...... നീ എനിക്കൊരു ലെറ്റർ എഴുതിയില്ലേ അതിനുള്ള മറുപടി . ഇനിയെത്ര നാൾ നീ എനിക്ക് വേണ്ടി കാത്തിരുന്നാലും അത് നടക്കാൻ പോകുന്നില്ല. ഉള്ളിലുള്ളതെല്ലാം മറന്നേക്ക് . ഈ ഇന്ദ്രൻ്റെ ജീവിതത്തിൽ ഒരു പെണ്ണ് ഉണ്ടാവില്ല ഇനി അതവാ ഒരു പെണ്ണ് ഉണ്ടായാൽ അത് ഒരിക്കലും ഈ നന്ദിത തമ്പിയാവില്ല........ " അവനൊരു ഉറപ്പോടെ പറഞ്ഞു..... " അങ്ങനെ പെട്ടന്ന് മറക്കാനൊന്നും ഞാൻ ഉദ്ദേശിച്ചിട്ടില്ല ഇന്ദ്രേട്ടാ....... എൻ്റെ ജീവിതത്തിൽ ഒരു പുരുഷനുണ്ടെങ്കിൽ അത് നിങ്ങൾ മാത്രമായിരിക്കും ' അത് ഈ നന്ദിതതമ്പി പണ്ടേ ഉറപ്പിച്ചത് തന്നെയാ....... " വിട്ടുകൊടുക്കാതെ അവളും പറഞ്ഞു " തമ്പി സാറിൻ്റെ പണത്തിന്റെ അഹങ്കാരത്തിലാണോ നീ ഈ പറയുന്നത് .... എന്തും നേടിത്തരുന്ന അച്ഛൻ എന്നെയും നേടി തരും എന്നാണോ നീ കരുതിയിരിക്കുന്നത്...... " " അങ്ങനെ ഒരു അഹങ്കാരത്തിന്റെയും പുറത്തല്ല ഞാനീ  പറയുന്നത്. സ്നേഹിച്ചു പോയി ഒരുപാട് ...... അങ്ങനെ മറക്കാൻ പറഞ്ഞാൽ മറന്നു കളയാൻ പറ്റില്ല ....... " വാക്കുകൾ ഇടറി അവൾ പറയുമ്പോൾ അവൻ്റെ കൈ അവൾക്ക് നേരെ ഒന്ന് ഉയർന്നു പക്ഷേ തല്ലിയില്ല ...... "ദേ ഈ ഇന്ദ്രനെ നിനക്ക് ശരിക്കും അറിയില്ല ...... " അത് പറഞ്ഞ് ദേഷ്യത്തിൽ അവളെ മുന്നിൽ നിന്ന് പിടിച്ചു മാറ്റി അവൻ നടന്ന് പോയിരുന്നു....... ഒഴുകിയിറങ്ങിയ കണ്ണുനീരിനെ ആരും കാണാതെ തുടച്ച് നീക്കിയവൾ ഒരു ദീർഘനിശ്വാസം എടുത്ത് മനസിനെ ശാന്തമാക്കി മുഖത്ത് ഒരു ചിരിയും ഫിറ്റ് ചെയ്തു ....... എന്നിട്ട് തൻ്റെ പ്രീയപ്പെട്ടവനായി വഴിപാടുകളും കഴിപ്പിച്ചിട്ടാണവൾ വീട്ടിലേക്ക് മടങ്ങിയത്........ അങ്ങനെ വിട്ട് കളയാൻ അവളും ഒരുക്കമായിരുന്നില്ല....... 🍀🍀🍀🍀🍀 "നോക്കിയേ പ്രകാശേട്ടാ ഇന്ന് കാക്ക മലർന്നു പറക്കും ........ ദേ നമ്മുടെ നന്ദൂട്ടി രാവിലെ കുളിച്ച് അമ്പലത്തിലേക്ക് പോയിട്ട് വന്നേക്കുന്നു........ സ്വന്തം പിറന്നാളിന് വരെ മൂടിപുതച്ച്  കിടന്നുറങ്ങുന്നവളാ. ഇന്നെന്ത് പറ്റിയോ ആവോ ........." ഉമ്മറത്തിരുന്ന് ചായ കുടിക്കുന്ന പ്രകാശനോട് തുഷാര ചിരിയൊടെ പറഞ്ഞു ....... " നീ അവളെ കളിയാക്കണ്ട തുഷാരേ നീയും ഒട്ടും മോശം ഒന്നുമല്ലല്ലോ  10 മണി കഴിഞ്ഞാലല്ലേ തമ്പ്രാട്ടി എഴുന്നേൽകു ....." " ഓ പിന്നെ ഇവിടെ രാവിലെ എണീറ്റ് എന്ത് കാണിക്കാനാ. ഇത്രയും വലിയ പണക്കാരൻ തമ്പി മുതലാളിയുടെ മരുമകൾക്കേ  രാവിലെ എഴുന്നേറ്റ് അടുക്കളയിൽ കയറാണ്ട ഗതികേടൊന്നും ഇല്ല ........ അതിനിവിടെ ആവശ്യത്തിലതികം  ജോലിക്കാരുണ്ടല്ലോ. നമ്മളൊക്കെ സമയത്ത് അങ്ങ് എണീറ്റാൽ പോരേ എല്ലാം മുന്നിൽ വെരും ആ സുഖസൗകര്യങ്ങൾ ഒക്കെ കണ്ട് തന്നാ ഞാൻ നിങ്ങളെ പ്രേമിച്ച് കെട്ടിയത് ഹല്ല പിന്നെ.......... " തുഷാര പറയുമ്പോൾ പ്രകാശൻ്റെ വാ അടഞ്ഞിരുന്നു ....... "അല്ല പ്രകാശേട്ടാ ഇന്നെന്താ ഇവിടെ പ്രത്യേകിച്ച് വിശേഷം ഇവിടെ ഇന്ന് സദ്യയൊക്കെ ഒരുക്കാൻ പറഞ്ഞിട്ടുണ്ടല്ലോ അച്ഛൻ..... രാവിലെ തന്നെ അടുക്കളയിൽ സദ്യക്കുള്ള തിരക്കിട്ട പണി നടക്കുകയാ........ " " എനിക്കും അറിയില്ല തുഷാരേ . എന്തെങ്കിലും ബിസിനസ് പരമായി നേട്ടം സംഭവിച്ചു കാണും ...... " പ്രകാശൻ പറഞ്ഞതും അത് കേട്ട് വന്ന നന്ദിത അതെന്താണെന്നുള്ള കാര്യം അവരോട് പറഞ്ഞില്ല . ഇന്ദ്രേട്ടൻ്റെ പിറന്നാളിനാണ് സദ്യ ഒരുക്കുന്നതെന്നറിഞ്ഞാൽ ഏട്ടൻ ദേഷ്യപെടും അല്ലെങ്കിൽ തന്നെ അവർക്ക് ഇന്ദ്രേട്ടനെ കണ്ടൂടാ ........ ഇനി അതു പറഞ്ഞു ഒരു പ്രശ്നമുണ്ടാക്കണ്ട എന്ന് കരുതി അവൾ കോട്ടേഴ്സിലേക്ക് ഒന്ന് നോക്കി റൂമിലേക്ക് പോയി.............. 🍁🍁🍁🍁 ഉച്ചയ്ക്ക് സദ്യ ഒക്കെ ഒരുക്കി വെച്ച് തമ്പി മുതലാളി ഇന്ദ്രനെ കാത്തിരുന്നു . പക്ഷേ അമ്പലത്തിൽ പോയ അവൻ അതുവരെ തിരികെ എത്തിയിട്ടുണ്ടായിരുന്നില്ല ........ " ഇതാരെ നോക്കി നിൽക്കുവാ സദ്യയൊക്കെ ഇപ്പോ ചൂടാറും നമ്മുക്ക് കഴിക്കാം വാ അച്ഛാ ........ " പ്രകാശൻ പുറത്ത് നോക്കി നിൽക്കുന്ന തമ്പി മുതലാളിയോട് പറഞ്ഞു..... "ഇന്ദ്രൻ കൂടി വരട്ടെ പ്രകാശാ...... അവൻ വന്നിട്ട് നമുക്ക് ഒരുമിച്ച് കഴിക്കാം ....... " " ഇന്ദ്രനോ അവൻ അങ്ങ് വന്നോളും അല്ലേലും അവൻ ഇവിടെ ഇരുന്നല്ലല്ലോ കഴിക്കുന്നത് 'ഫുഡ് ഒക്കെ കോട്ടോഴസിൽ കൊണ്ട് കൊടുക്കാറല്ലേ പതിവ്....... " ഇന്ദ്രൻ്റെ പേര് കേട്ടതും ഒരു അമർശത്തോടെ പ്രകാശൻ പറഞ്ഞു....... " അതെങ്ങനെയാ ശരിയാവ ...... അവൻ്റെ പിറന്നാൾ പ്രമാണിച്ചല്ലേ നമ്മൾ സദ്യയൊക്കെ ഉണ്ടാക്കിയിരിക്കുന്നത് അപ്പോൾ പിന്നെ അവൻ ഇല്ലാതെ എങ്ങനെയാ ........ " തമ്പി പറഞ്ഞതും പ്രസാദിന്റെയും തുഷാരയുടെ മുഖം ഇരുണ്ടു ...... " അവൻ്റെ പിറന്നാളോ ..... അവൻ്റെ പിറന്നാളിങ്ങനെ ആഘോഷിക്കാൻ അതിനും വേണ്ടി അവൻ നമ്മുടെ ആരാ അച്ഛാ . ഇതിൻ്റെ ഒക്കെ എന്താവശ്യമാ ഉള്ളത് ' വീട്ടിലെ ഒരു ജോലിക്കാരൻ മാത്രമാ അവൻ ഇവിടുത്തെ കാവൽ നായ ...... " പ്രാസാദ് അല്പം ദേഷ്യത്തിൽ തന്നെ പറഞ്ഞു ....... തുഷാരയും അത് ശരിവെച്ചു..... "ഈ സംസാരം നമ്മൾ ഒരുപാട് സംസാരിച്ചു മുഷിഞ്ഞതാ പ്രാകാശാ. അതുകൊണ്ട് വെറുതെ പ്രശ്നങ്ങളൊന്നും ഉണ്ടാക്കാതെ മിണ്ടാതിരിക്കാൻ നോക്ക് നീ. അവനിപ്പോൾ വരും അവൻ്റെ മുമ്പിൽവെച്ച് ഈ വക സംസാരം ഒന്നും വേണ്ട ....... ഒന്നാമത് അവൻ ജയിലിൽ നിന്ന് ഇറങ്ങി വന്നിട്ട് കുറച്ചു ദിവസമായിട്ടേയുള്ളൂ അവൻ എനിക്ക് വേണ്ടിയാ ജയിലിൽ കിടന്നതെന്ന്  ആരും മറക്കണ്ട.എനിക്ക് അവനോട് തീർത്താൽ തീരാത്ത കടപ്പാട് ഉണ്ടെന്ന് കൂട്ടിക്കോ ........ " അയാൾ കടുപ്പിച്ച് പറഞ്ഞതും പ്രസാദ് ഒന്നും മിണ്ടിയില്ല. നുരഞ്ഞ് പൊന്തിയ ദേഷ്യം അവൻ കടിച്ചമർത്തി അവിടെ ഇരുന്നു..... ' കുറച്ച് നേരം കഴിഞ്ഞിട്ടാണ് ഇന്ദ്രന്റെ ബുള്ളറ്റ് കണിമഗലം തറവാട്ടിലേക്ക് കടന്നുവന്നത് ...... " എവിടായിരുന്നു ഇന്ദ്രാ നീ ഇതുവരെ . ഞാൻ എത്ര നേരമായി കാത്ത് നിൽക്കുന്നു എന്നറിയാമോ ...... " " എന്താ തമ്പി സാറേ എന്തെങ്കിലും പ്രശ്നമുണ്ടോ....... " ഇന്ദ്രൻ ഒരാദിയോടെ ചോദിച്ചു " ഹേയ് പ്രശ്നമൊന്നുമില്ല ...... ഇന്ന് നിൻ്റെ പിറന്നാൾ പ്രമാണിച്ച് ഇവിടെ സദ്യയൊക്കെ ഒരുക്കിയിട്ടുണ്ട് വാ നമ്മുക്ക് കഴിക്കാം ഇന്നെനിക്കൊപ്പം ഇരുന്നാൽ മതി നീ ....... " അയാൾ അവൻ്റെ തോളിൽ തട്ടിപ്പറഞ്ഞു. " ഞാൻ അകത്തേക്കില്ല തമ്പി സാറേ. എൻ്റെ പങ്ക് അങ്ങ് കോട്ടേഴ്സിൽ തന്നാൽ മതി . ഞാൻ അവിടെ ഇരുന്ന് കഴിച്ചോളാം ....... " " ഹേയ് അത് വേണ്ട ഇന്ദ്രാ ഇന്ന്  നീ ഈ വീടിനകത്തിരുന്ന് കഴിച്ചാൽ മതി........ " അതു പറഞ്ഞ് തമ്പി അവൻ്റെ കൈ പിടിച്ച് അകത്തേക്ക് കൊണ്ടുപോകുമ്പോൾ അവൻ്റെ ഉള്ളിൽ ഒരു  വല്ലായ്മ തോന്നി........ എന്തൊക്കെ പറഞ്ഞാലും തമ്പിക്കും നന്ദിതയ്ക്കും ഒഴികെ ആ വീട്ടിലുള്ളവർക്ക് ആർക്കും തന്നെ കണ്ടൂടാ എന്ന് അവന് നന്നായി അറിയാമായിരുന്നു. ....... തനിക്ക് നേരെ ഓരോ ചൊറിയുന്ന വർത്താനങ്ങൾ പറഞ്ഞ് വരുന്നത് തമ്പി മുതലാളിയുടെ ആൺമക്കളുടെ സ്ഥിരം പണിയാണ്. അവരൊടൊക്കെ സംസാരിക്കുമ്പോൾ കടിച്ചു പിടിച്ച് നിൽക്കുന്നത്. തമ്പി മുതലാളിയെ ഓർത്ത് മാത്രമാണ് ...... ഇന്ദ്രൻ്റെ ശരിക്കുള്ള സ്വഭാവത്തിനാണെങ്കിൽ അവനൊന്നും ഈ ഭൂമുഖത്ത് പോലും ഉണ്ടാവില്ലായിരുന്നു....... " ആ ചിന്തയോടെ തന്നെ അവൻ അകത്തേക്ക് കയറി ....... പ്രസാദിന്റെയും തുഷാരയുടെയും ഇരുണ്ട മുഖം കണ്ടതും അവന് മനസ്സിലായി തൻ്റെ വരവ് അവർക്ക് തീരെ ദഹിച്ചിട്ടില്ലാന്ന് ......... അപ്പോഴാണ് തന്നെ തന്നെ നോക്കിയിരിക്കുന്ന നന്ദിതയെ അവൻ കണ്ടത്. അവളുടെ കണ്ണുകളിൽ തന്നോടുള്ള പ്രണയം മാത്രമാണ് എപ്പോഴും തെളിഞ്ഞ്നിൽക്കുന്നത് അവനപ്പോൾ തന്നെ അവളുടെ മുഖത്തുന്ന് നോട്ടം മാറ്റിയിരുന്നു........ " ഇന്ദ്ര ....... ആദ്യം നീ ഇത് പിടിക്ക് ഇത് നിനക്കുള്ള എൻ്റെ പിറന്നാൾ സമ്മാനമാണ് ...... " അത് പറഞ്ഞ് ചിരിയോടെ തമ്പി അവൻ്റെ കയ്യിൽ ഒരു  മുദ്രപത്രം വെച്ച് കൊടുത്തു........ " ഇതിൽ എന്താ തമ്പി സാറെ ...... " രുദ്രൻ ആ മുദ്രപത്രം തിരിച്ചും മറിച്ചും നോക്കി ചോദിച്ചു.... അവിടെ നിന്നവരുടെ എല്ലാം ശ്രദ്ദ ആ മുദ്രപത്രത്തിലേക്കായി....... "ഇത് വേറൊന്നുമല്ല ഇന്ദ്രാ ...... നമ്മുടെ  ആ കോട്ടേഴ്സിന്റെ അപ്പുറത്ത് കാണുന്ന പറമ്പും ഇരുനില വീടും ഇല്ലേ അത് നിന്റെ പേരിൽ രജിസ്റ്റർ ആക്കിയതിൻ്റെ മുദ്രപത്രമാ . ഇന്നുമുതൽ അതിൻ്റെ അവകാശി നീയാ ...... ഇത് ഞാൻ നിനക്ക് തരുന്ന ഒരു ചെറിയ സമ്മാനമായിട്ട് കൂട്ടിയാൽ മതി....... " തമ്പി പറയുമ്പോൾ അവനും അവിടെ നിന്നവരും എല്ലാം ഒരു നിമിഷം ഞെട്ടിയിരുന്നു...... " ഹേയ്..... എനിക്ക് ഇതൊന്നും വേണ്ട ഞാൻ ഇതൊന്നും ആഗ്രഹിച്ചല്ല ഇത്രനാളും തമ്പി സാറിന്റെ കൂടെ നിന്നത്. എന്നെ ഇങ്ങനെ കാണരുത് തമ്പി സാറേ ...... " അത് അയാൾക്ക് നേരെ തിരികെ ഏൽപ്പിക്കാൻ ശ്രമിച്ചുകൊണ്ട് ഇന്ദ്രൻ പറയുമ്പോൾ പ്രസാദും ചാടി എണീച്ചിരുന്നു. ....... " അച്ഛൻ ഇത് എന്ത് മണ്ടത്തരമാ കാണിക്കുന്നത് ആ പറമ്പും വീടും രണ്ട് കോടിക്കു മുകളിൽ വിലമതിക്കും അത് വെറുതെ ഇവന് എഴുതി കൊടുക്കുകയാണോ അച്ഛനെന്താ ഭ്രാന്തുണ്ടോ ഞങ്ങൾ മക്കൾക്ക് അവകാശപ്പെട്ടതൊക്കെ ഇങ്ങനെ വലിഞ്ഞു കയറി വന്ന് അധികാര സ്ഥാപിക്കുന്നവന് കൊടുക്കാൻ ........ " (തുടരും) #📝 ഞാൻ എഴുതിയ വരികൾ #💞 പ്രണയകഥകൾ #📙 നോവൽ #📔 കഥ