#😱ਪੰਜਾਬੀ ਗਾਇਕ ਦੀ ਪਲਟੀ ਗੱਡੀ, ਵਾਲ-ਵਾਲ ਬੱਚੀ ਜਾਨ , ਡਿਵਾਈਡਰ ਨਾਲ ਟਕਰਾਉਣ ਤੋਂ ਬਾਅਦ ਹੋਇਆ ਹਾਦਸਾ ⚫ ਚੰਡੀਗੜ੍ਹ : ਪੰਜਾਬ ਦੇ ਮਸ਼ਹੂਰ ਗਾਇਕ ਤੇ ਅਭਿਨੇਤਾ ਹਰਭਜਨ ਮਾਨ ਦੀ ਗੱਡੀ ਕੁਰਕਸ਼ੇਤਰ ਦੇ ਪਿੱਪਲੀ ਫਲਾਈਓਵਰ ‘ਤੇ ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਮਿਲੀ ਜਾਣਕਾਰੀ ਮੁਤਾਬਕ ਹਰਭਜਨ ਮਾਨ ਦਿੱਲੀ ‘ਚ ਸ਼ੋਅ ਕਰਕੇ ਵਾਪਸ ਪਰਤ ਰਹੇ ਸਨ ਕਿ ਰਸਤੇ ਵਿੱਚ ਉਨ੍ਹਾਂ ਦੀ ਗੱਡੀ ਡਿਵਾਈਡਰ ਨਾਲ ਟਕਰਾ ਗਈ। ਟੱਕਰ ਇੰਨੀ ਜ਼ੋਰਦਾਰ ਸੀ ਕਿ ਕਾਰ ਰੋਡ ‘ਤੇ ਹੀ ਪਲਟ ਗਈ। ਹਾਦਸੇ ਦੇ ਤੁਰੰਤ ਬਾਅਦ ਆਲੇ-ਦੁਆਲੇ ਮੌਜੂਦ ਲੋਕਾਂ ਨੇ ਹਰਭਜਨ ਮਾਨ ਨੂੰ ਗੱਡੀ ਚੋਂ ਸੁਰੱਖਿਅਤ ਤਰੀਕੇ ਨਾਲ ਬਾਹਰ ਕੱਢਿਆ। ਖੁਸ਼ਕਿਸਮਤੀ ਨਾਲ ਉਨ੍ਹਾਂ ਨੂੰ ਕੋਈ ਗੰਭੀਰ ਸੱਟ ਨਹੀਂ ਲੱਗੀ ਅਤੇ ਉਹ ਵਾਲ-ਵਾਲ ਬਚ ਗਏ। ਪ੍ਰਸ਼ਾਸਨ ਵੱਲੋਂ ਹਾਦਸੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਦਰਅਸਲ ਹਾਦਸਾ ਤੇਜ਼ ਰਫ਼ਤਾਰ ਜਾਂ ਸਲਿੱਪ ਹੋਣ ਕਰਕੇ ਹੋਇਆ, ਇਹ ਅਜੇ ਸਾਫ ਨਹੀਂ ਹੋਇਆ। ਹਰਭਜਨ ਮਾਨ ਦੇ ਫੈਨਸ ਨੇ ਉਨ੍ਹਾਂ ਦੀ ਖੈਰਖੁੱਰੀ ਦੀ ਦੁਆ ਕੀਤੀ ਹੈ ਅਤੇ ਹਾਦਸੇ ਤੋਂ ਸੁਰੱਖਿਅਤ ਰਹਿਣ ਉੱਤੇ ਰੱਬ ਦਾ ਧੰਨਵਾਦ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਹਰਭਜਨ ਮਾਨ ਆਪਣੇ ਮਿਲਾਪੜੇ ਸੁਭਾਅ ਕਾਰਨ ਜਾਣੇ ਜਾਂਦੇ ਹਨ। ਉਹ ਜਿੰਨੇ ਵਧੀਆ ਗਾਇਕ ਹਨ ਉਸ ਤੋਂ ਵੀ ਜ਼ਿਆਦਾ ਵਧੀਆ ਉਹ ਇੱਕ ਇਨਸਾਨ ਹਨ। ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਬਦਲਾਅ ਦੀ ਲਹਿਰ ਹਰਭਜਨ ਮਾਨ ਨੇ ਹੀ ਸ਼ੁਰੂ ਕੀਤੀ ਸੀ । ਸਾਲ 2002 ਵਿੱਚ ਆਈ ਫਿਲਮ 'ਜੀ ਆਇਆਂ ਨੂੰ' ਨੇ ਪੰਜਾਬੀ ਫਿਲਮਾਂ ਨੂੰ ਨਵੇਂ ਪੱਧਰ 'ਤੇ ਪਹੁੰਚਾਇਆ ਸੀ । ਹਰਭਜਨ ਮਾਨ ਨੇ ਬੈਕ ਟੂ ਬੈਕ ਕਈ ਸ਼ਾਨਦਾਰ ਪੰਜਾਬੀ ਫਿਲਮਾਂ ਦਿੱਤੀਆਂ। ਡਾਇਰੈਕਟਰ ਮਨਮੋਹਨ ਸਿੰਘ ਅਤੇ ਹਰਭਜਨ ਮਾਨ ਦੀ ਜੋੜੀ ਨੇ ਅਸਾਂ ਨੂੰ ਮਾਣ ਵਤਨਾਂ ਦਾ (2004), ਦਿਲ ਆਪਣਾ ਪੰਜਾਬੀ (2006) ਮਿੱਟੀ ਵਾਜਾਂ ਮਾਰਦੀ (2007) ਵਰਗੀਆਂ ਫਿਲਮਾਂ ਦਰਸ਼ਕਾਂ ਸਾਹਮਣੇ ਪੇਸ਼ ਕੀਤੀਆਂ , ਜਿਨਾਂ ਨੂੰ ਦੇਸ਼ ਹੀ ਨਹੀਂ ਸਗੋਂ ਵਿਦੇਸ਼ ਵਿੱਚ ਵੀ ਬੇਹਦ ਪਸੰਦ ਕੀਤਾ ਗਿਆ। ਫਿਲਹਾਲ ਇਸ ਸਮੇਂ ਹਰਭਜਨ ਮਾਨ ਦੀ ਹਾਲਤ ਬਿਲਕੁਲ ਸਹੀ ਦੱਸੀ ਜਾ ਰਹੀ ਹੈ ਅਤੇ ਉਹਨਾਂ ਦੇ ਚਾਹੁਣ ਵਾਲੇ ਉਹਨਾਂ ਦੀ ਸਲਾਮਤੀ ਦੀ ਲਗਾਤਾਰ ਦੁਆ ਅਰਦਾਸ ਕਰ ਰਹੇ ਹਨ। #👉 ਤਾਜ਼ਾ ਅਪਡੇਟਸ ⭐ #🌍 ਪੰਜਾਬ ਦੀ ਹਰ ਅਪਡੇਟ 🗞️ #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #🆕4 ਅਗਸਤ ਦੀਆਂ ਅਪਡੇਟਸ🗞