श्री संत ज्ञानेश्वर महाराज जन्मोत्सव
कैवल्याचा पुतळा | प्रगटला भूतळा |
चैतन्याचा जिव्हाळा | ज्ञानोबा माझा || १ ||
साधकाचा मायबाप | दरुशने हरे ताप |
सर्वांभुती सुखरुप | ज्ञानोबा माझा || २ ||
ज्ञानियांचा शिरोमणि | वंद्य जो का पूज्यस्थानी |
चिंतकाचा चिंतामणी | ज्ञानोबा माझा || ३ ||
चालविली जड भिंती | हरली चांगयाची भ्रांती |
मोक्षमार्गाचा सांगाती | ज्ञानोबा माझा || ४ ||
रेड्यामुखीं वेद बोलविला | गर्व द्विजांचा हरविला |
शांतीरुपें प्रगटला | ज्ञानोबा माझा || ५ ||
ब्रह्म साम्राज्य दीपिका | वर्णियेली गीतेची टीका |
विठोबाचा प्राणसखा | ज्ञानोबा माझा || ६ ||
गुरुसेवे लागी जाण | शरण एका जनार्दन |
चैतन्याचें जीवन | ज्ञानोबा माझा || ७ ||
कैवल्यसाम्राज्य संतश्रेष्ठ ज्ञानेश्वर महाराज(जन्मभूमी श्री क्षेत्र आपेगांव ता.पैठण) जन्मोत्सव निमित्त सर्वांना मंगलमय शुभेच्छा.!
#संत ज्ञानेश्वर महाराज जन्मोत्सव #संत ज्ञानेश्वर महाराज #संत ज्ञानेश्वर माऊली #🙏माऊली 🙏 संत श्रेष्ठ ज्ञानेश्वर महाराज
