#గణపతి ఆరాధన #గణేశారాధన/గణపతి ఆరాధన 🙏 అనుకున్న పనులన్నీ మధ్యలోనే ఆగిపోతున్నాయా? తరుణ గణపతి ఆరాధనతో పరిష్కారం.........!! ఏ పని మొదలుపెట్టినా మధ్యలోనే ఆగిపోవడం, రావలసిన డబ్బులు చేతిదాకా వచ్చి చేజారిపోవడం, ఉద్యోగాలు, లాభాలు లభించకపోవడం వంటి సమస్యలు ఎదురవుతున్నాయా? అయితే, ఈ సమస్యలన్నింటికీ ఒక శక్తివంతమైన పరిష్కారం తరుణ గణపతిని పూజించడం. తరుణ గణపతి - యవ్వన కాంతితో వినాయకుడు....... వినాయకుని ముప్పై రెండు రూపాలలో తరుణ గణపతి రెండవది. 'తరుణ' అంటే యవ్వనం అని అర్థం. ఈ రూపంలో గణపతి యవ్వన కాంతితో, ఉత్తేజంతో నిండిన ఎర్రని శరీరంతో దర్శనమిస్తాడు. మధ్యాహ్న సూర్యుని తేజస్సుతో ప్రకాశించే ఈ రూపం ఉత్సాహానికి, శక్తికి ప్రతీక. తరుణ గణపతి స్వరూపం ఈ రూపంలో స్వామికి ఎనిమిది చేతులు ఉంటాయి. ఆయన చేతులలోని వస్తువులు: * కుడి చేతులు: దంతం, జామపండు, చెరుకుగడ, అంకుశం. * ఎడమ చేతులు: మోదకం, వెలగపండు, లేత మొక్కజొన్న కంకుల పొత్తి, వల. ఆరాధన మరియు ఫలితాలు....... వినాయకునికి అత్యంత ప్రీతికరమైన బుధవారం, సంకష్ట చతుర్థి, వినాయక చవితి, మరియు దూర్వా గణపతి వ్రతం నాడు తరుణ గణపతిని పూజించడం అత్యంత శుభప్రదం. ఈ రూపంలో స్వామిని పూజిస్తే: * ఆయురారోగ్యాలు సిద్ధిస్తాయి. * అనుకున్న పనులలోని ఆటంకాలు తొలగిపోతాయి. * మధ్యలో ఆగిపోయిన కార్యాలు వేగంగా పూర్తవుతాయి. తరుణ గణపతి ధ్యాన శ్లోకం....... స్కంద, బ్రహ్మ, వామన, ముద్గళ పురాణాలలో తరుణ గణపతి గురించి ప్రస్తావన ఉంది. ప్రతిరోజు ఉదయం స్నానాదికాలు పూర్తి చేసి, ఈ ధ్యాన శ్లోకాన్ని పఠించడం వల్ల సర్వ కార్యాలు సిద్ధిస్తాయి. అథ తరుణ గణపతి ధ్యానం ముద్గళ పురాణే పాశాంకుశాపూపకపిత్థజంబూ స్వదంతశాలీక్షుమపి స్వహస్తైః | ధత్తే సదా యస్తరుణారుణాభః పాయాత్స యుష్మాం స్తరుణో గణేశః || 1 || ఈ విధంగా తరుణ గణపతిని ధ్యానించి, ఆరాధించడం వల్ల మీ జీవితంలో ఎదురయ్యే అన్ని ఆటంకాలు తొలగి, అనుకున్న పనులన్నీ విజయవంతంగా పూర్తవుతాయి.