#దుష్టశిక్షణ శిష్టరక్షణ చేయు అత్యంత శక్తివంతమైన వారాహి మంత్రం!! #ఈరోజు ఆధ్యాత్మిక విశిష్టత #త్రిమూర్తుల శక్తి స్వరూపిణి శ్రీ వారాహి అమ్మవారి ఆషాఢ గుప్త నవరాత్రులు - 2023 (జూన్ 19-28) #వారాహి నవరాత్రులు (ఆషాడ గుప్త నవరాత్రి) 🛕🔱🕉️🙏 #ఆషాఢమాసం - శ్రీ వారాహి నవరాత్రి ఈ రోజు ఆషాఢ మాసం ప్రారంభం, వారాహి దేవి నవరాత్రం మొదలు.. సంవత్సరంలో ప్రధానంగా రెండు నవరాత్రులు చెప్తున్నారు – వసంత నవరాత్రులు, శారదా నవరాత్రులు. ఇవి కాకుండా శ్రీవిద్యా సంప్రదాయంలో మరో రెండు అధికమైన నవరాత్రులు కనపడుతున్నాయి. వాటిలో ఆషాఢమాసం పాడ్యమి నుంచి వచ్చే నవరాత్రులు. ఈ నవరాత్రులకి వారాహీ నవరాత్రులు అని చెప్పడం ఉన్నది. యజ్ఞవరాహ రూపంగా భూమిని ఉద్ధరించిన దైవీ శక్తికి ప్రతీక గనుక భూమినే ఆధారం చేసుకుని జీవిస్తున్న వారందరికీ ఆరాధ్యమైన దేవత శ్రీ వారాహీ దేవి. ఈ శక్తికి సంబంధించిన మంత్రాలకు గురూపదేశం వంటివి ఉండాలి. కానీ తల్లిగా కొలుచుకునేటపుడు ఆమె యొక్క స్తోత్రాదులు, “శ్రీవారాహీ దేవ్యై నమః” మొదలైన నామములతో ఈ తొమ్మిది రోజులు పూజించడానికి ఇతర దేవతా పూజలకు పాటించే సాధారణ నియమములు సరిపోతాయి. ఇచ్ఛ, జ్ఞాన క్రియా శక్తులలో, క్రియా శక్తికి ప్రతీక వారాహీదేవి. కిరాత వారాహి, భైరవి, స్వప్న వారాహి ఈ విధంగా ఎన్నో రూపాలతో, నామాలతో అనుగ్రహించే తల్లి. ఈ తొమ్మిది రోజులూ వారాహీ దేవి ప్రీతికి శ్రీ లలితా సహస్రనామ, లలితాష్టోత్తర శతనామ స్తోత్ర పారాయణాదులు చేసి దేవియొక్క అనుగ్రహమును పొందవచ్చును. జై శ్రీ వారాహి నమో నమః #namashivaya777