പ്രണയം ❤️‍🔥part-4 വാതിൽ അടച്ചു തിരിഞ്ഞ ശ്രീ വെപ്രാളത്തോടെ നിൽക്കുന്നവനെ കണ്ടതും മുഖം ഗൗരവത്തിലാക്കി.. ശേഷം അവന് അടുത്തേക്ക് നടന്നു.. അടുത്തേക്ക് വരുന്നവളെ കാണെ മഹിയുടെ ഹൃദയമിടിപ്പ് കൂടി.. "മഹാദേവാ.. ഈ പെണ്ണ്..ഇത് എന്തിനുള്ള പുറപ്പാടാ..എന്റെ നെഞ്ചേ നീ ഒന്ന് അടങ്ങ്.. ഇങ്ങനെ കിടന്ന് ഇടിക്കാതെ.." മഹി നെഞ്ചിൽ കൈവെച്ചു പിറുപിറുത്തു.. അവനെ നോക്കി ഓരോ അടിയും എടുത്തു വെക്കുന്നവളെ കണ്ടതും മഹി കണ്ണുകൾ ഇറുക്കെ അടച്ചു പിടിച്ചു.. 'വയ്യ.. ആ കണ്ണുകൾ നേരിടാൻ ആവുന്നില്ല..' കുറച്ചു സമയം കഴിഞ്ഞും അവളുടെ അനക്കമൊന്നും ഇല്ലെന്ന് മനസിലാക്കവെ അവൻ സംശയത്തോടെ കണ്ണുകൾ തുറന്നുനോക്കി... എന്നാൽ തന്നെ mind ചെയ്യാതെ ബെഡിൽ കിടക്കുന്ന ശ്രീയെ കാണെ മഹി വാപൊളിച്ചു അവളെ നോക്കി.. ഒളികണ്ണിട്ട് അവന്റെ ഓരോ പ്രവർത്തിയും വീക്ഷിച്ചു കൊണ്ടിരിക്കുന്നവൾ പൊട്ടിവന്ന ചിരിയടക്കി തിരിഞ്ഞുകിടന്നു... ഇനിയും ഇങ്ങനെ നിന്നാൽ അവളായി തന്നെ വിളിക്കില്ലെന്ന് മനസിലായതും ബെഡിലായി ഇരുന്നവൻ.. "ഹ്മ്മ്..ഹ്മ്മ്.."തൊണ്ടയനക്കി എത്ര ശബ്‌ദം ഉണ്ടാക്കിയിട്ടും തന്നെ നോക്കാതെ കിടക്കുന്നവളെ കാണെ മഹിയുടെ മുഖം വീർത്തു.. 'അറിഞ്ഞുകൊണ്ട് തന്നെ നോക്കാത്തതാണ്..' "കഴിഞ്ഞെങ്കിൽ കിടന്നുറങ്ങാൻ നോക്ക്.. മനുഷ്യന് ഉറങ്ങണം.." തിരിഞ്ഞു നോക്കാതെ ശ്രീ പറഞ്ഞതും മഹി അവളെ നോക്കി പല്ലുകടിച്ചു.. ശേഷം മിണ്ടാതെ ഒരു സൈഡിൽ ആയി കിടന്നു.. കുറച്ചു സമയം കഴിഞ്ഞതും പതിയെ തലചെരിച്ചവൾ കണ്ണുകളടച്ചു കിടക്കുന്നവനെ ഒന്ന് സൂക്ഷിച്ചു നോക്കി.. ശ്വാസതാളത്തിൽ നിന്നുതന്നെ അവൻ നല്ല ഉറക്കത്തിലാണെന്ന് അവൾക്ക് മനസിലായി.. ശ്വാസം വലിച്ചു വിട്ടുകൊണ്ടവൾ മുഴുവനായി അവന് നേരെത്തിരിഞ്ഞു കിടന്നു.. ആ മുഖത്തേക്ക് നോക്കുംതോറും താൻ പഴയ പാവാടക്കാരി ആയി മാറുന്നത് അവൾ അറിയുന്നുണ്ടായിരുന്നു.. ചെറുപ്പത്തിൽ തന്നെ അമ്മ നഷ്ടമായ തന്നെ ആവശ്യത്തിൽ അതികം ലാളിച്ചു തന്നെയാണ് കോവിലത്തുള്ളവർ വളർത്തിയത്.. എല്ലാവർക്കും താൻ ശ്രീയാണ്.. മുത്തശ്ശന്റെ ശ്രീക്കുട്ടിയും.. എന്നാൽ ഒരാൾക്ക് മാത്രം താൻ ഭദ്രയാണ്.. തന്റെ ഇന്ദ്രേട്ടന്റെ മാത്രം ഭദ്ര.. ഇഷ്ട്ടമായിരുന്നു തനിക്ക്.. വലുതാകുംതോറും ആ ഇഷ്ടത്തിന് മറ്റൊരു നിറംവെച്ചത് എത്ര പെട്ടെന്നായിരുന്നു.. പിന്നീട് എന്തുസംഭവിച്ചെന്ന് ഇപ്പോഴും അറിയില്ല.. എന്തുമാത്രം വിഷമിച്ചിട്ടുണ്ട്.. തനിക്ക് മുഖം തരാതെ പോകുന്നവനെ കാണാൻ ഇനിയും പറ്റില്ലെന്ന് തോന്നിയത് കൊണ്ടാണ് വിദേശത്ത് പോയി പഠിക്കാൻ തീരുമാനിച്ചത്.. അപ്പോഴെങ്കിലും ഏതിർത്തു ഒരു വാക്ക് പറയുമെന്ന് കരുതി..എന്നാൽ അവസാനമായി ഒന്ന് കാണാൻ പോലും പറ്റിയില്ല.. അപ്പോഴൊക്കെ താൻ അനുഭവിച്ച മാനസികാവസ്ഥ.. ആരോട് പറയും താൻ.. എല്ലാം കഴിഞ്ഞ് തിരിച്ചു വന്നിട്ട് പോലും തന്നോട് ഒരക്ഷരം മിണ്ടിയിട്ടില്ല.. പക്ഷെ ഈ വിവാഹം താൻ ഒരിക്കലും ആഗ്രഹിച്ചിരുന്നില്ല.. ജാതകത്തിലെ പ്രശ്നം അറിഞ്ഞപ്പോൾ തന്നെ താൻ തീരുമാനിച്ചതാണ് ആരെയും വിവാഹം കഴിക്കില്ലെന്ന്.. തന്റെ ഇന്ദ്രേട്ടനെ അറിഞ്ഞുകൊണ്ട് ഒരിക്കലും മരണത്തിന് വിട്ടുകൊടുക്കാൻ ആവില്ലെന്ന്.. എന്നാൽ നടന്നതെല്ലാം എല്ലാം ഒരു സ്വപ്നം പോലെ തോന്നുന്നു.. "എന്നെ ഇഷ്ട്ടപെട്ടിട്ട് തന്നെയാണോ വിവാഹത്തിന് സമ്മതിച്ചത് ഇന്ദ്രേട്ടാ.. ഞാനായിട്ട് ഇപ്പോൾ ആഗ്രഹിച്ചതല്ലെങ്കിൽ കൂടി ഈ താലിക്ക്  എന്റെ പ്രാണന്റെ വിലയുണ്ട്.. എന്റെ മരണത്തിൽ അല്ലാതെ ഇതെന്നിൽ നിന്ന് വേർപെടാൻ ഞാൻ സമ്മതിക്കില്ല..അതിന് ഇനി എന്തൊക്കെ ചെയ്യേണ്ടി വന്നാലും ശെരി.. എന്നാലും എന്നെ ഒരുപാട് കരയിപ്പിച്ചതല്ലേ ശെരിയാക്കി തരുന്നുണ്ട് ഞാൻ.. ഉറങ്ങുമ്പോൾ എന്തൊരു  നിഷ്കളങ്കതയാണ്.." മഹിയുടെ നെറ്റിയിലായി വീണുകിടക്കുന്ന മുടിയിഴകൾ ഒതുക്കി വെച്ചുകൊണ്ട് ആ നെറ്റിയിൽ അമർത്തി മുത്തിയവൾ.. ശേഷം പുണർന്നുകൊണ്ട് അവന്റെ നെഞ്ചിലായി മുഖം പൂഴ്ത്തി.. ഉറക്കത്തിലായാലും തന്റെ പ്രാണന്റെ സ്പർശം അറിഞ്ഞപോലെ മഹിയുടെ കൈകളും അവളെ അവളെ വരിഞ്ഞു മുറുക്കിയിരുന്നു..                                                   തുടരും❤️‍🔥 #📝 ഞാൻ എഴുതിയ വരികൾ #📔 കഥ #📖 കുട്ടി കഥകൾ #📙 നോവൽ #💞 പ്രണയകഥകൾ