అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Sunday, June 7 🌷🌷🌷 *''ఇదిగో, నేనును, యెహోవా నా కిచ్చిన పిల్లలును... సూచనలుగాను, మహత్కార్యములుగాను ఉన్నాము'' (యెషయా 8:18).* విశ్వాసులైన తల్లిదండ్రులు కుమారులు, కుమార్తెల యెడల సమాన ప్రేమను కలిగియుండవలెను. కీర్తనలు 144:12లో ''మా కుమారులు తమ యౌవనకామందు ఎదిగిన మొక్కల వలె ఉన్నారు. మా కుమార్తెలు నగరునకై చెక్కిన మూలకంబములవలె ఉన్నారు'' అని చదువుచున్నాము. ఒక విశ్వాసికి ప్రతి బిడ్డ అది కుమారుడైనను, కుమార్తెయైనను సమానముగా ప్రశస్తమైనవారు. మనము వారిని సంతోషముతో, కృతజ్ఞతతో ఒకేవిధముగా స్వీకరించవలెను. చాలా సందర్భములలో తల్లిదండ్రులు కుమారుడైన యెడల పెద్ద విందు, కుమార్తెయైన యెడల సామాన్యమైన భోజనము ఏర్పాటు చేయుదురు. చాలావరకు ప్రతి తల్లి మొదటి బిడ్డ కుమారుడై యుండవలెనని కోరును. బిడ్డ తెల్లగా, చక్కగా ఉన్నయెడల తల్లిదండ్రులు అధికమైన ప్రేమను, శ్రద్ధను కనబరచుదురు. కాని బిడ్డ నల్లగా, అందవిమీనముగా నున్న యెడల తక్కువ ప్రేమను చూపుదురు. విశ్వాసులైన తల్లిదండ్రులు తమ పిల్లల విషయములో పక్షపాతమును చూపకూడదు. ప్రతి బిడ్డను సమానమైన ప్రేమతో, శ్రద్ధతో, సంతోషముతో, కృతజ్ఞతతో అంగీకరించవలెను. యెషయా పిల్లలు తనకు, తన దేశమంతటికి కూడా సూచనలుగా ఉన్నారు. అతని ప్రతి యొక్క బిడ్డ ప్రత్యేకమైన అర్థము గల పేరు కలిగియుండిరి (యెషయా 8:3,4). దేవుడు యెషయా, ఆ జనాంగమునకు ఏ వర్తమాన మివ్వవలెనో వారి ద్వారా, ధైర్యముగా దేవుని వాక్యమును ఎట్లు రాజునకు చెప్పవలెనో ఈ పేర్లు అతనికి జ్ఞాపకము చేసెను. ఆ విధముగా అతని పిల్లలు సూచనలుగా నుండిరి. విశ్వాసులైన తల్లిదండ్రులు తమ పరలోకపు పిలుపును తమ పిల్లల ద్వారా అర్థము చేసికొనగలరు. ప్రభువైన యేసుక్రీస్తు తల్లిదండ్రులు, పిల్లల యొక్క ఉదాహరణను తీసికొని తండ్రియైన దేవుడు తనను అడుగు వారికి పరిశుద్ధాత్మను ఏ విధముగా ఇచ్చునో వివరించెను (లూకా 11:13). ఆ విధముగా మీ పిల్లలతో మీ అనుదిన అనుభవముల ద్వారా దేవుని గూర్చిన అనేక సత్యములు, ఆయన ప్రేమ, విశ్వాస్యత, జాలి మొదలగునవి బయలుపరచబడును. విశ్వాసులైన తల్లిదండ్రులు తమ పిల్లలను శిక్షించుటకు వెనుదీయకూడదు. హెబ్రీ 12:7లో ''తండ్రి శిక్షింపని కుమారుడెవడు?'' అని దేవుని వాక్యము చెప్పుచున్నది. ప్రతియొక్క సమయములోను పిల్లలను శిక్షించుచు, వారిని దేవుని భయములో పెంచుటయే ఉత్తమము. అందరము పాపము స్వభావములో జన్మించిన వారము గనుక పిల్లలు తప్పు చేసినప్పుడు వారిని శిక్షించుట అవసరమైయున్నది. చిన్నప్పుడు వారిని క్రమశిక్షణలో నుంచిన యెడల వారు పెద్దవారైన తరువాత నీకు కృతజ్ఞులై యుందురు. దేవుడు ప్రతి బిడ్డ విషయములో ప్రత్యేకమైన ప్రణాళిక కలిగియున్నాడు. యిర్మీయా 1:5లో యిర్మీయాను గురించి దేవుడు ఇట్లు చెప్పుచున్నాడు, ''గర్భములో నేను నిన్ను రూపింపక మునుపే నిన్నెరిగితిని, నీవు గర్భము నుండి బయలు పడకమునుపే నేను నిన్ను ప్రతిష్ఠించితిని, జనములకు ప్రవక్తగా నిన్ను నియమించితిని''. విశ్వాసులైన తలిదండ్రులు ప్రార్థన ద్వారా తమ పిల్లల విషయమైన దేవుని స్పష్టమైన ప్రణాళికను ఎరుగగలరు. ప్రార్థన ద్వారానే ఆ ప్రణాళికలో నడిపించగలరు. Download Daily Devotions by Brother Bakht Singh Mobile App, using link: https://rb.gy/iv32b1 #😇My Status #📀యేసయ్య కీర్తనలు🎙 Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com