*_𝕝𝕝ॐ𝕝𝕝 02/06/2026 - యమునా నదీ పుష్కర ప్రారంభః 𝕝𝕝卐𝕝𝕝_*
*≈≈≈❀┉┅━❀ 🕉️ ❀┉┅━❀≈≈≈*
*యమునా పుష్కరాలు -2026*
*┈┉┅━❀꧁🔆꧂❀━┅┉┈*
*జూన్ 02, నుంచి జూన్ 13 వరకు యమునా నది పుష్కరాలు!*
గురుడు (బృహస్పతి) కర్కాటక రాశిలోకి ప్రవేశించిన సమయంలో యమునా నదికి పుష్కరాలు ప్రారంభమవుతాయి.
హిందూ సంప్రదాయంలో పుష్కరాలకు ఎంతో ప్రత్యేకమైన స్థానం ఉంది. దేవ గురువు బృహస్పతి ఒక రాశి నుంచి మరొక రాశిలోకి ప్రవేశించినప్పుడు, ఆ రాశికి అనుసంధానమైన పవిత్ర నదికి పుష్కర మహోత్సవాలు ప్రారంభమవుతాయి.
ప్రతి నదికి 12 సంవత్సరాలకు ఒకసారి ఈ పుష్కరాలు వస్తాయి. గురుడు కర్కాటక రాశిలో ప్రవేశించే సందర్భంగా యమునా నది పుష్కరాలు నిర్వహించబడతాయి. ఈ నది ఉత్తరాఖండ్, హిమాచల్ ప్రదేశ్, హర్యానా, ఢిల్లీ మరియు ఉత్తరప్రదేశ్ రాష్ట్రాల గుండా ప్రవహిస్తుంది.
ఈ పవిత్ర కాలంలో లక్షలాది మంది భక్తులు యమునా తీరాలకు చేరుకుని స్నానాలు, పూజలు, దానధర్మా లు నిర్వహిస్తారు.
పుష్కరాల్లో తొలి 12 రోజులను ఆది పుష్క రాలు, చివరి 12 రోజులను అంత్య పుష్కరాలు అని పిలుస్తారు. ఈ సమయంలో యమునా నదిలో స్నానం చేయడం ద్వారా పాపవిమోచనం కలుగుతుందని, పితృదోషాలు తొలగుతాయని భక్తుల విశ్వాసం.
*భక్తులు ప్రధానంగా ఈ క్రింది పవిత్ర ప్రాంతాలలో పుష్కర స్నానాలు ఆచరిస్తారు:*
★ప్రయాగ్రాజ్ (త్రివేణి సంగమం)
★మథుర (శ్రీకృష్ణుడి జన్మస్థలం)
★ఢిల్లీ
★ఆగ్రా
★కల్పి, హమీర్పూర్
*పుష్కర వృతాంతం*
పుష్కరుడు అనే మహా భక్తుడు మహేశ్వరుని గురించి ఘోర తపస్సు చేసాడు. అతని తపస్సుకు మెచ్చి శివుడు ప్రత్యక్షమై ఏమి కావాలో కోరుకొమ్మన్నాడు.
అందుకు పుష్కరుడు...
"స్వామీ నదులన్నీ జీవులు చేసిన పాపాలతో నిండిపోయాయి. ఆ నదులని పునీతము చేయుటకై నీ జలమైన శరీరమును నాకిమ్ము, నీ స్పర్శతో నదులన్నీ పునీతమౌతాయి అని వరం కోరాడు.
ఆ తరువాత బృహస్పతి (గురుడు) కూడా శివుని తనువుని పుష్కరునివలె పొంది సర్వులకు ఆధారము కావాలని తపము చేసాడు.
ఇదివరకే శివుడు పుష్కరునికి ఇచ్చిన వరం
బృహస్పతి ఇవ్వడానికి పుష్కరుడు ఒప్పుకోలేదు. అంత బృహస్పతి బ్రహ్మ గురించి తపము చేసి తన కోరికను తెలియజేశాడు.
అప్పుడు బ్రహ్మ 12 జీవనదులలో సంవత్సరానికొక్కసారి 12 రోజులు ఆయా నదులలో పుష్కరుడుండునట్లు, గురుడు ఒక్కో రాశి సంచారము బట్టి ఆయా నదులలో పుష్కరాలు జరుగునని చెప్పి ఇద్దర్ని శాంతపరిచాడు. నాటినుండి
*గురుడు*
1 మేష రాశిలో ఉంటే గంగా నది పుష్కరాలు
2 వృషభ రాశిలో ఉంటే నర్మదా నద పుష్కరాలు
3 మిధునంలో ఉంటే సరస్వతీ నది పుష్కరాలు
*4 కర్కాటకం లో ఉంటే యమునా నది పుష్కరాలు*
5 సింహ రాశిలో ఉంటే గోదావరి నది పుష్కరాలు
6 కన్యా రాశిలో ఉంటే కృష్ణ నది పుష్కరాలు
7 తులా రాశిలో ఉంటే కావేరి నది పుష్కరాలు
8 వృశ్చికంలో ఉంటే భీమా నది పుష్కరాలు
9 ధనూరాశి లో ఉంటే తపతి నద పుష్కరాలు
10 మకరం లో ఉంటే తుంగభాద్ర నది పుష్కరాలు
11 కుంభ రాశిలో ఉంటే సింధూ నది పుష్కరాలు
12 మీన రాశిలో ఉంటే ప్రాణహిత పుష్కరాలు
మనిషి తాను జన్మించిన దగ్గర్నుంచి ఎన్నో పాపాలు తెలిసి తెలియక చేస్తుంటారు. పుష్కర స్నానం చెయ్యడం ద్వారా సమస్త పాపాలు పోతాయని మహాభారతంలో వ్యాసభగవానుడు చెప్పారు.
శ్లో𝕝𝕝 జన్నప్రభృతి యత్పాతం
స్త్రియా వా పురుషేణ వా౹౹
పుష్కరే స్నాతమాత్రస్య
సర్వమేవ ప్రణశ్యతి ౹౹
తా𝕝𝕝 స్త్రీ చేత కానీ పురుషుని చేత కానీ పుట్టినప్పటి నుంచి చేయబడిన పాపమంతా పుష్కర సమయంలో స్నానం చేస్తే తొలగిపోతుంది.
పుష్కర సమయంలో మనమే కాదు,
ముక్కోటి దేవతలూ భూమిమీదకొచ్చి పుష్కర స్నానం చేసి తరిస్తారు.
పుష్కర స్నానం వల్ల, అహల్యను భంగం చేసిన దోషాన్ని ఇంద్రుడు పోగొట్టుకున్నాడు.
బ్రహ్మ శిరస్సు ఖండించిన దోషం వలన పొందిన బ్రహ్మహత్యా పాపం నుంచి శివుడు విముక్తుడయ్యాడు.
*_𝕝𝕝ॐ𝕝𝕝 oఓo నమో నారాయణాయ 𝕝𝕝卐𝕝𝕝_*
🚩 *స్వస్తి* 🚩 #✌️నేటి నా స్టేటస్ #🙏దేవుళ్ళ స్టేటస్ #🔱శక్తీ సాధన🙏 #📙ఆధ్యాత్మిక మాటలు
