ରାଜ୍ୟରେ ବିଜେପି ସରକାର ଆସୁ ଆସୁ ସାଧାରଣ ଲୋକଙ୍କ ହିତରେ ବିଭିନ୍ନ ଜନମଙ୍ଗଳକାରୀ ଯୋଜନା ମାନ ପ୍ରଚଳନ କରିଛନ୍ତି । ପଶ୍ଚିମବଙ୍ଗ ବିଧାନସଭା ନିର୍ବାଚନରେ ​​ବିଜୟ ହାସଲ କରିବା ପରେ, ପଶ୍ଚିମବଙ୍ଗ କ୍ୟାବିନେଟ୍ ମହିଳାମାନଙ୍କ ପାଇଁ ‘ଅନ୍ନପୂର୍ଣ୍ଣା ଭଣ୍ଡାର ଯୋଜନା’ ଅଧୀନରେ ୩,୦୦୦ ଟଙ୍କାର ଆର୍ଥିକ ସହାୟତା ରାଶିକୁ ମଞ୍ଜୁରୀ ପ୍ରଦାନ କରିଛି।ସରକାର ଏହି ଯୋଜନାକୁ ପର୍ଯ୍ୟାୟକ୍ରମେ ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି। ଏହି ସ୍କିମ୍ ଅଧୀନରେ ଆସନ୍ତା ଜୁନ୍ ୧ ତାରିଖରୁ ମହିଳାମାନଙ୍କୁ ମାସିକ ୩,୦୦୦ ଟଙ୍କାର ସହାୟତା ପ୍ରଦାନ କରାଯିବ। ସୂଚନାଯୋଗ୍ୟ ଯେ, ବିଜେପି ନିଜ ନିର୍ବାଚନୀ ଇସ୍ତାହାରରେ ଏହି ଯୋଜନା ସମ୍ପର୍କରେ ପ୍ରତିଶ୍ରୁତି ଦେଇଥିଲା। ଅନ୍ୟପକ୍ଷରେ, ଯେଉଁ ମହିଳାମାନେ ପୂର୍ବରୁ ‘ଲକ୍ଷ୍ମୀ ଭଣ୍ଡାର ଯୋଜନା’ର ଲାଭ ଉଠାଉଛନ୍ତି, ସେମାନେ ସ୍ୱତଃସ୍ପୂର୍ତ୍ତ ଭାବେ ଏହି ନୂତନ ଯୋଜନାର ଅଂଶ ହୋଇଯିବେ। ଏହା ସହିତ ଏହି ଯୋଜନାରେ ଆବେଦନ କରିବା ପାଇଁ ଏକ ସ୍ୱତନ୍ତ୍ର ପୋର୍ଟାଲ୍ ମଧ୍ୟ ଆରମ୍ଭ କରାଯିବ।୨୦୨୬ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ​​ଅନ୍ନପୂର୍ଣ୍ଣା ଭଣ୍ଡାର ଯୋଜନାକୁ ନେଇ ପ୍ରତିଶ୍ରୁତି ଦିଆଯାଇଥିଲା। ଏହା ପଶ୍ଚିମବଙ୍ଗରେ ମହିଳାମାନଙ୍କ ପାଇଁ ଆରମ୍ଭ କରାଯାଉଥିବା ଏକ ନୂଆ ସ୍କିମ୍, ଯାହା ବର୍ତ୍ତମାନର ‘ଲକ୍ଷ୍ମୀ ଭଣ୍ଡାର ଯୋଜନା’ ସ୍ଥାନରେ ଲାଗୁ ହେବ।ଏହି ଯୋଜନାର ମୂଳ ଲକ୍ଷ୍ୟ ହେଉଛି ଗରିବ ପରିବାରର ମହିଳାମାନଙ୍କୁ ଆର୍ଥିକ ସହାୟତା ଯୋଗାଇଦେବା, ଯାହାଫଳରେ ସେମାନେ ନିଜ ସଂସାର ଚଳାଇବା ସହ ନିଜର ଦୈନନ୍ଦିନ ଆବଶ୍ୟକତା ପୂରଣ କରିପାରିବେ। ଏହି ଯୋଜନା ମାଧ୍ୟମରେ ‘ଡାଇରେକ୍ଟ ବ୍ୟାଙ୍କ ଟ୍ରାନ୍ସଫର’ ଜରିଆରେ ପ୍ରତି ମାସରେ ମହିଳାମାନଙ୍କ ବ୍ୟାଙ୍କ ଆକାଉଣ୍ଟକୁ ପ୍ରାୟ ୩ ହଜାର ଟଙ୍କା ପଠାଯିବ। #📢ରାଜ୍ୟ ସରକାରଙ୍କ ବଡ଼ ବିଷ୍ପତ୍ତି👏