*మనిషికి అవసరమైనవి ఇవే కదా..?* *''యెహోవా నా కాపరి నాకు లేమి కలుగదు'' (కీర్తనలు 23:1). నిజంగా దేవుడు నీకు తోడుగా ఉంటే, నిజంగా దేవుడు నీకు కాపరిగా ఉంటే నీకు ఏ కొదవ ఉండదు. ''సింహపు పిల్లలు ఆకలి గొనును కానీ, యోహోవాను నమ్మినవారు, ఆయనన్ను ఆశ్రయించినవారు ఏ కొదువ లేకుండా జీవిస్తారు.'' ఈ రోజు నీకు ఒక ప్రశ్న.. నీవు నిజంగా యోహోవాను కాపరిగా ఎంచవా? ప్రభువైన యేసుక్రీస్తును నీ కాపరిగా ఎంచి జీవిస్తున్నావా? యేసుక్రీస్తు నీకు కాపరిగా ఉండాలంటే..నీవు యేసును వెంబడించే గొర్రెగా ఉండాలి కదా? యేసుక్రీస్తును వెంబడించే గొర్రెగా నీవు లేకుండా..ఆయన నీకు కాపరిగా ఎలా వుంటాడు? ''నా గొర్రెలు నా స్వరం వింటాయి, అవి నాకు తెలుసు, అవి నా వెంట వస్తాయి. (యోహాను 10:27)'' ప్రభువు సెలవిచ్చాడు.* *కాపరికి ఉండే మూడు గొప్ప లక్షణాలు ఏమిటో తెలుసా?కాపరి మనలను పోషిస్తాడు, కాపరి మనలను నడిపిస్తాడు. కాపారి మనలను కాపాడతాడు.* *యోహోవా నన్ను నడిపించాలి, యెహోవా నన్ను కాపాడాలి, యోహోవా నన్ను పోషించాలని ఆశపడుతున్నావా? అయితే నీవు కచ్చితంగా ఆయన్ను వెంబడించే వానిగా ఉండాలి. నీవు యేసును వెంబడించకుండా ఆయన్ను కాపరిగా ఎలా ఎంచగలవు? ఈ రోజు నీవు పాపాన్ని వెంబడిస్తున్నావేమో, లోకాన్ని వెంబడిస్తున్నావేమో, శరీరయిచ్ఛలను వెంబడిస్తున్నావేమో, శరీర కోరికలను వెంబడిస్తున్నావేమో!! ఆలోచించుకో!!* *ఈనాడు క్రీస్తును వెంబడించే వారు బహు తక్కువగా ఉండటం చాలా దారుణం కదా? ప్రభువు నీ కాపరిగా ఉండాలంటే.. నీవు మనస్ఫూర్తిగా ఆయన్ను వెంబడించాలి. అలాగే నీ జీవితాన్ని దేవునికి సమర్పించాలి. మనస్ఫూర్తిగా దేవున్ని నీవు వెంబడిస్తే నీ ప్రతి అవసరమును తీరుస్తాడు. ఇక్కడ ఒక విషయం గమనించాలి!! అవసరం వేరు, కోరికలు వేరు. మన దేవుడు నీకున్న, నాకున్న అవసరములను తీర్చే దేవుడు కానీ కోరికలను తీర్చే దేవుడు కానే కాదు. కోరికలు అంటే.. నీకున్న దాంటిలో తృప్తిగా బ్రతకడం చేతకాక, పక్కవారికి ఉన్నవి కావాలనుకోవడం, పక్కవారిని పోల్చుకుని బ్రతకాలనుకోడం.. ఈటిని కోరికలంటారు. నీకున్న పిచ్చి, పిచ్చి కోరికలను తీర్చే వాడు కాదు మన దేవుడు. కానీ నీకున్న ప్రతి అవసరమును తీరుస్తాడు. మనిషికి ఉన్న అవసం ఏమిటి? జానెడు పొట్టకు ఆహారం, తినడానికి తిండి, కట్టుకోవడానికి బట్ట, ఉంటానికి ఒక నీడ.. ఇవి మనిషికి కావాల్సివి.* *ప్రియ చదువరీ!! ప్రభువును నీవు వెంబడించనట్లైతే.. తినడానికి తిండి తక్కువ చేయడు, కట్టుకోవడానికి బట్టలు తక్కువ చేయడు, నివసించడానికి నీడను తక్కువ చేయడు. ''ఏమి తిందుమో యేమి త్రాగుదుమో యేమి ధరించు కొందుమో అని చింతింపకుడి; అన్యజనులు వీటన్నిటి విషయమై విచారింతురు. ఇవన్నియు మీకు కావలెనని మీ పరలోకపు తండ్రికి తెలియును. కాబట్టి మీరు ఆయన రాజ్యమును నీతిని మొదట వెదకుడి; అప్పుడవన్నియు మీకనుగ్రహింపబడును.''(మత్తయి 6:31-34) కొంతమంది దేవుడు నాకు తోడుగా ఉన్నాడంటారు కానీ చింతిస్తారు, ఏం ప్రయోజనం?. నా కూతురు పెళ్లి ఎలాచేయ్యాలి? నా కొడుకును ఎలా చదివించాలి? వచ్చిన అనారోగ్య విషయంలో ఆపరేషన్‌ ఖర్చు ఎలా భరించాలి? ఇంటిలో ఉన్న అవసరాలను ఎలా తీర్చుకోవాలి? వ్యాపారానికి ఎక్కడ నుంచి పెట్టుబడి తీసుకురావాలి? అప్పుల సమస్య, ఆర్థిక సమ్యల నుంచి ఎలా బయటపడాలి? అనే చింతతో నీవు ఉక్కిరిబిక్కిరి అవుతున్నావేమో!!* *''నా నీతిని, నా రాజ్యమును మొదట వెదకండి నేను ఆశించనట్లుగా , నేను కోరుకున్నట్లుగా పరిశుద్ధంగా జీవించండి, యథార్థంగా జీవించండి, నా రాజ్యాన్ని వెతకండి.. ఈ భూమిపై మీకు ఏమి కావాలో అవన్నీ కూడా మీకు సమృద్ధిగా అనుగ్రహిస్తాను'' అని ప్రభువు సెలవిచ్చాడు. ఈనాడు ప్రభువు నుంచి జవాబు పొందుకోలేకపోతున్నావంటే, ఎందుకని మనకున్న అవసరములు తీర్చబడటం లేదంటే..దేవునికి మనకు ఏదో ఒక పాపం అడ్డుగా ఉంది కాబట్టే. పాపము చేసేవారి ప్రార్థన దేవుడు ఆలకించాడు. పాపంలో జీవించే వాళ్ళ ప్రార్థన దేవుడు వినడు. ఈ రోజు దేవుడు నీకున్న అవసరములను తీర్చడానికి సిద్ధంగా ఉన్నాడు కానీ ఆయన ఇచ్చే ఆశీర్వాదములను తీసుకోవడానికి నీవు సిద్ధంగా లేవు కారణం ఏమిటంటే.. దేవునికి ఇష్టం లేని పాపం నీలో ఉంది కాబట్టే.* *బైబిల్‌ సెలవిస్తుంది ఏమని!! ''రక్షింపనేరక యుండునట్లు యెహోవా హస్తము కురుచకాలేదు విననేరక యుండునట్లు ఆయన చెవులు మందము కాలేదు మీ దోషములు మీకును మీ దేవునికిని అడ్డముగా వచ్చెను. (యెషయా 59:1)'' అడిగినవాటికంటే అత్యధికముగా ఇచ్చేటువంటి మన దేవుడు నీ కనీళ్లు, నీ కష్టాలు తీర్చడం లేదంటే అది నీలోవున్న లోపామే కారణం కావచ్చు కదా? తన ప్రియ కుమారుడినే నీ కొరకు, నాకొరకు సిలువకు అప్పగించడానికి తెగించిన దేవుడు ఆయనతో పాటు నీకు కావాల్చిన ప్రతి దాన్ని పరలోకంలో సిద్ధంగా ఉంచాడు కానీ పొందుకోవడం చేతకాకే, ఆత్మీయంగా జీవించడం చేతకాకే కదా? ఈ రోజు నీ బ్రతుకు చేతగాని వానిగా అయిపోయింది? నెమ్మది లేక సమాధానం లేక సంతోషం లేక ఎంత ప్రయాసపడుతున్నా, ఎంత కష్టపడుతున్నా ప్రతిఫలం చూడలేక దివాలతీసిన జీవితం నీవు జీవించడానికి కారణం. ఏ పాపమైతే దేవుని నుంచి ఆశీర్వాదాలను అందుకోకుండా నీకు అడ్డుపడుతుందో దానిని నీవు విడిచిపెట్టకుండా దేవుడి నుంచి జవాబు పొందుకోవడం నీ వల్ల కానే కాదు. ఎందుకని ఈ అల్ఫకాల పాపభోగాలను విడిచిపెట్టి.. నీ కోసం దేవుడు సిద్ధం చేసిన ఆ బహుమానాలు ఎందుకు పొందుకోకూడదు.* ***************************** *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - link:* https://chat.whatsapp.com/GgA4dXmexxS3aMMqqRNead ***************************** *Telegram group Link* https://t.me/+XtII92fKOXAyNWQ9 **************************** *- మీ సహోదరుడు మోషే* *- (Calvary Kiranalu )* *-(📲 9550576444)* ***************************** #✝️Jesu✝️ #jesu #యేసు ప్రభువు #i love jesu #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS