യക്ഷിക്കാവ് വളവിലെ യക്ഷി (115) "എന്നാൽ നീ സ്നാക്സ് കഴിച്ചോ... എല്ലാവരും കേട്ടോ... ആവശ്യമുള്ളവരൊക്കെ സ്നാക്സ് കഴിച്ചോണം. ഞാൻ ചോറ് കഴിച്ചോളാം..." ശരത്: "സമ്മതിച്ചു... ലീഡർ പറഞ്ഞാൽ പിന്നെ അതിനപ്പുറമില്ല... നമുക്ക് നാല് പേർക്കും ചായയോടൊപ്പം സ്നാക്സ് മതി... ലീഡർ ചോറ് കഴിച്ചോട്ടെ..." അവർ റെസ്റ്റോറൻ്റിൽ കയറി. അഞ്ച് ചായയ്ക്ക് ഓർഡർ കൊടുത്തു. ഉടനെ ശരത്ചന്ദ്ര പ്രസാദ് പറഞ്ഞു: "നാല് ചായയും ഒരു ഊണും പറഞ്ഞാൽ മതി". ശരത്: "അതങ്ങ് വീട്ടിൽ പോയി പറഞ്ഞാൽ മതി... ഓർഡർ കൊടുത്തു പോയി...കൊടുത്തതിനെ ഇനി തിരിച്ചെടുക്കാൻ പററില്ല...ഒരു ഊണും കൂടി പറഞ്ഞേക്കാം..." അഞ്ച് ചായയും ഒരു ഊണും കൊണ്ട് വന്നു വച്ചു. അവർ കൊണ്ട് വന്ന സ്നാക്സ് എടുത്ത് നാലു പേരും കഴിച്ചു. ശരത്ചന്ദ്ര പ്രസാദ് ചോറ് കഴിച്ചു. ഉടനെ ശരത് നാല് ഊണിന് ഓർഡർ കൊടുത്തു... ദേഷ്യം വന്ന ശരത്ചന്ദ്ര പ്രസാദ് അലറി: "എന്തോന്നിനാടാ ഇനി ഊണ്?" ലീഡർ പറഞ്ഞത് ഞങ്ങൾ അതുപോലെ അനുസരിച്ചില്ലേ... ലീഡറിന് സ്കാക്സ് വേണ്ടെന്ന് പറഞ്ഞു...ഞങ്ങൾ ഊണ് വേണ്ടെന്ന് പറഞ്ഞില്ല... ലീഡറിൻ്റെ വയറ് ലോഡായില്ലേ...ഇനി ഞങ്ങളും കൂടെ ലോഡാക്കിക്കോട്ടെ..." അവർ ഊണ് കഴിച്ച് റെസ്റ്റോറൻ്റിൽ നിന്നിറങ്ങി സന്ധ്യ വരെ ടോപ്പിൽ മുഴുവനും കറങ്ങി. തിരു സന്ധ്യാ സമയത്ത് അങ്ങ് ദൂരെ മലകൾക്കപ്പുറത്ത് സൂര്യാസ്തമയം കണ്ടു. ചുവന്ന ചക്രവാളത്തിൽ ചുവപ്പും മഞ്ഞയും കലർന്ന സൂര്യ രശ്മികൾ അവരുടെ കണ്ണഞ്ചിപ്പിച്ചു... സൂര്യൻ താഴുന്ന മാസ്മര ദൃശ്യം അവരെ വിസ്മയിപ്പിച്ചു... (തുടരും) #📙 നോവൽ #📔 കഥ #🧟 പ്രേതകഥകൾ! #🍲 ഇന്നത്തെ രുചി #🍔 രുചി