ବିହାରର ମୁଜାଫରପୁର ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ବିବାହର ସପ୍ତପଦୀ ପୂର୍ବରୁ ହିଁ ବିବାହ ମଣ୍ଡପଟି ହଠାତ୍ ରଣକ୍ଷେତ୍ରରେ ପରିଣତ ହୋଇଯାଇଛି। ରାଜସ୍ଥାନର କୋଟାରୁ ଆସିଥିବା ବରଯାତ୍ରୀ ଦଳରେ ହଇଚଇ ସୃଷ୍ଟି ହେଲା, ଯେତେବେଳେ କନ୍ୟା ପକ୍ଷ ଜାଣିବାକୁ ପାଇଲେ ଯେ ଯେଉଁ ପୁଅ ସହ ସେମାନେ ବିବାହ ସ୍ଥିର କରିଥିଲେ, ତା’ ବଦଳରେ ମଣ୍ଡପରେ ଅନ୍ୟ କେହି ଜଣେ ବସିଛି। ବରଣମାଳା ବେଳେ ‘ବର ଅଦଳ ବଦଳ’ର ପୋଲ୍ ଖୋଲିବା ମାତ୍ରେ କନ୍ୟା ପକ୍ଷର କ୍ରୋଧର ସୀମା ରହିନଥିଲା । ଘଟଣାସ୍ଥଳରେ ଆରମ୍ଭ ହୋଇଯାଇଥିଲା ହାଇଭୋଲ୍ଟେଜ୍ ଡ୍ରାମା ।ମିଳିଥିବା ସୂଚନା ଅନୁଯାୟୀ, ରାଜସ୍ଥାନର କୋଟା ସହରରୁ ମୁଜାଫରପୁରର ମୁରୌଲ ବ୍ଲକ୍‌ର ଏକ ଗାଁକୁ ବରଯାତ୍ରୀ ଆସିଥିଲା। ବରଯାତ୍ରୀରେ ବର ସମେତ ମାତ୍ର ୫ ଜଣ ଲୋକ ସାମିଲ ଥିଲେ। ସ୍ୱାଗତ ସମ୍ବର୍ଦ୍ଧନା ଏବଂ ପ୍ରାରମ୍ଭିକ ରୀତିନୀତି ଠିକ୍‌ଠାକ୍ ଚାଲିଥିଲା, ମାତ୍ର ଯେତେବେଳେ ଜୟମାଳା ସମୟ ଆସିଲା, ବରକୁ ଦେଖି କନ୍ୟା ଏବଂ ତାଙ୍କ ପରିବାର ଲୋକଙ୍କ ମନରେ ଗଭୀର ସନ୍ଦେହ ସୃଷ୍ଟି ହୋଇଥିଲା।ବିବାହ ପାଇଁ ଯେଉଁ ଯୁବକଙ୍କ ଫଟୋ ଦେଖାଯାଇଥିଲା ଏବଂ ଯାହା ସହ ଫୋନରେ କଥାବାର୍ତ୍ତା କରାଯାଉଥିଲା, ସେ ବରଯାତ୍ରୀରେ ଆସିଥିବା ବର ନଥିଲେ। ବିବାହ ପାଇଁ ଠିକ୍ହୋଇଥିବା ପୁଅଟି କମ୍ ବୟସର ଥିବାବେଳେ, ବର ସାଜି ଆସିଥିବା ବ୍ୟକ୍ତିଙ୍କ ବୟସ ପ୍ରାୟ ୪୦ ବର୍ଷ ଥିଲା। #👰୧୯ ବର୍ଷିୟ କନ୍ୟାକୁ ବାହାହେବାକୁ ବୁଢା ମନ କନ କନ😅