#ନମୋ ଭଗବତେ ବାସୁଦେବାୟ #🚩ସନାତନ ଧର୍ମ💪 #🙌🏼ଜୟ ଜଗନ୍ନାଥ🙏 #🛕🪔ଶ୍ରୀ ଶ୍ରୀ ପଞ୍ଚମୁଖୀ ହନୁମାନ 🪔🛕 #🙏ପୁରୀ ବଡ଼ଦେଉଳ କଥା ଙ୍କ ପବିତ୍ର ଜଳକ୍ରୀଡ଼ା ଏକାଦଶୀ
ଶ୍ରୀମନ୍ଦିର ଭିତର ବେଢାର ଆଦି ନୃସିଂହ ଙ୍କ ମନ୍ଦିରର ପାର୍ଶ୍ଵ ର ଜଳକ୍ରୀଡା ମଣ୍ଡପ ରେ ଏହି ନୀତି ପାଳିତ ହୁଏ। ଉକ୍ତ ଦିନ ଦିବା ଆଲଟ ଲାଗି ଓ ଚନ୍ଦନ ଲାଗି ନୀତି ସରିବା ପରେ ଦକ୍ଷିଣି ଘର ଭୋଗ ସରି ଶ୍ରୀମଦନମୋହନ ରତ୍ନସିଂହାସନ କୁ ବିଜେ ହୋଇଥାନ୍ତି ।
ଶ୍ରୀମଦନମୋହନ ଓ ଶ୍ରୀଦେବୀ ଆଜ୍ଞାମାଳ ପ୍ରାପ୍ତ ହୋଇ ଜଳକ୍ରୀଡ଼ା ମଣ୍ଡପକୁ ବିଜେ କରିଥାନ୍ତି।
ସେଠାରେ ମହାଜନ ସେବକ ମାନେ ଦିଅଁ ଙ୍କ ଜଳ କୁଣ୍ଡରେ ବିଜେ କରାଇଥାନ୍ତି ମୁଦିରସ୍ତ ସେବକ ପ୍ରସାଦ ଲାଗି କରାନ୍ତି । ଚନ୍ଦନ ପାଣି ପିଚିକାରୀ ହେବା ପରେ ଶୀତଳ ଭୋଗ ଓ ଶ୍ରୀଅଙ୍ଗ ପୋଛା, ମଇଲମ, ମାଳଫୁଲ ଲାଗି ହୋଇ ବେଶ ବଢିଥାଏ .
ଏହାପରେ ଶ୍ରୀଦେବୀ ରତ୍ନସିଂହାସନରେ ବିଜେ କରି ଶ୍ରୀଅଙ୍ଗ ଲାଗି ହୋଇଥାନ୍ତି ଓ ଶ୍ରୀମଦନମୋହନ ଦକ୍ଷିଣ ଘରକୁ ବିଜେ କରିଥାନ୍ତି।
