भारतीय हवामान विभागाने ६ जुलै २०२६ रोजी पुणे जिल्ह्यासाठी अतिवृष्टी व विजांच्या कडकडाटाचा रेड अलर्ट जारी केल्याच्या पार्श्वभूमीवर जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष जितेंद्र डूडी यांनी जिल्ह्यातील सर्व शाळांना सोमवार, ६ जुलै २०२६ रोजी सुट्टी जाहीर केली आहे. जिल्हाधिकारी कार्यालयाने जारी केलेल्या आदेशानुसार, पुणे जिल्ह्यातील सर्व प्राथमिक, माध्यमिक व उच्च माध्यमिक शाळा, तसेच जिल्हा परिषद, नगरपालिका, आश्रमशाळा, खासगी, अनुदानित, विनाअनुदानित, इंग्रजी माध्यमाच्या शाळा आणि सर्व अंगणवाड्या ६ जुलै रोजी बंद राहतील. आदेशात नमूद करण्यात आले आहे की, जिल्ह्यात विशेषतः घाट परिसरात सध्या मोठ्या प्रमाणावर पाऊस होत असून हवामान विभागाच्या इशाऱ्याच्या पार्श्वभूमीवर विद्यार्थ्यांच्या सुरक्षिततेच्या दृष्टीने हा निर्णय घेण्यात आला आहे. नागरिकांनी आवश्यक असेल तरच घराबाहेर पडावे आणि प्रशासनाच्या सूचनांचे पालन करावे, असे आवाहनही करण्यात आले आहे. ##🙋 पुणे अपडेट्स 🙋👉 #ब्रेकिंग न्यूज #1️⃣महाराष्ट्र अपडेट्स #🔴आजचे ताजे अपडेट्स📰 #मराठी बातम्या { Breking News }